అక్కడ పెదాలతోనే చూపిస్తారు!
close

వార్తలు / కథనాలు

అక్కడ పెదాలతోనే చూపిస్తారు!

ఇంటర్నెట్‌ డెస్క్‌: సాధారణంగా దేన్నైనా, ఎవరినైనా చూపించాలంటే మన చూపుడు వేలును ఉపయోగించి చూపిస్తాం. కానీ, నికరగువా అనే దేశంలో పెదాలతో చూపిస్తారు. విచిత్రంగా ఉంది కదా! పొరపాటున చూపుడు వేలితో చూపిస్తే నేరమేమి కాదు గానీ, అక్కడి ప్రజలు దాన్ని అమర్యాదగా భావిస్తారు.

పసిఫిక్‌, కరేబియన్‌ సముద్రాల మధ్యలో.. మధ్య అమెరికాలో ఉందీ నికరగువా దేశం. దాదాపు 64లక్షల మంది జనాభా ఉండే ఈ దేశం ఆదిమానవుల నాటి నుంచి నివాసయోగ్యమైన ప్రాంతంగా ఉంటోంది. ఇక్కడ వాస్తవ స్థానికులతోపాటు యూరప్‌, ఆఫ్రికా, ఆసియా దేశాల నుంచి వచ్చి స్థిరపడిన వాళ్లూ ఉన్నారు. అయితే, దేన్నైనా చూపడానికి ఈ దేశంలో ప్రజలు ఎవరూ చూపుడు వేలును ఉపయోగించరు. ఇందుకు బదులు పెదాలను అటు ఇటు తిప్పుతూ చూపిస్తుంటారు. ఇక్కడికి వచ్చే సందర్శకులకు ఇది విచిత్రంగా ఉండొచ్చు. కానీ, అక్కడి వారికి ఇదే అలవాటుగా మారిపోయింది. ఇలా పెదాలతో చూపించడం వెనుక ఓ కారణముందని చెబుతున్నారు. ఒకప్పుడు ఇక్కడి ప్రజల ముఖం బాతులా ఉండేదట. దీంతో ఏదైనా చూపించడానికి వారి పొడవాటి పెదాలను ఉపయోగించేవారట. అలా అక్కడి ప్రజలకు పెదాలతో చూపించడం అలవాటైందని ఓ వాదన ఉంది. ఇప్పటికీ దానిని కొనసాగించడం విశేషం.


Tags :

మరిన్ని

జిల్లా వార్తలు

దేవ‌తార్చ‌న