జపనీయుల స్నానం.. ఆచరణ విభిన్నం!
close

వార్తలు / కథనాలు

జపనీయుల స్నానం.. ఆచరణ విభిన్నం!

ఇంటర్నెట్‌ డెస్క్‌: ఉదయం లేవగానే శుభ్రంగా స్నానం చేసిన తర్వాతే మన దైనందిన జీవితాన్ని ప్రారంభిస్తాం. కొంతమంది మాత్రమే రాత్రుళ్లు స్నానం చేస్తుంటారు. కానీ. జపాన్‌లో రోజువారి పనులు పూర్తి చేసుకున్న తర్వాత సాయంత్రం వేళ స్నానాలకు ప్రత్యేకంగా సమయం కేటాయిస్తారు. ఇందుకు ప్రాచీన సంప్రదాయంతోపాటు.. ఆధునిక జీవనశైలి కూడా కారణమని చెబుతున్నారు.

జపనీయులు చర్మసౌందర్యానికి అధిక ప్రాధాన్యమిస్తారు. అందుకే స్నానం చేశామా అంటే చేశాం అన్నట్లు కాకుండా ఆస్వాదిస్తూ చేస్తారు. మొదట షవర్‌ నీళ్లతో శరీరంపై ఉండే దుమ్ముధూళిని కడిగేస్తారు. బాత్‌టబ్‌లో 40డిగ్రీల ఉష్ణోగ్రతకు మించకుండా వేడినీటిని నింపుతారు. చర్మం ఆరోగ్యంగా ఉండటం కోసం కొందరు వనమూలికలను నీళ్లలో కలుపుతారు. అలా బాత్‌టబ్‌లో స్నానం చేస్తూ శారీరానికి, మెదడుకు విశ్రాంతినిస్తారు.

సాయంత్రం వేళే ఎందుకు??

జపాన్‌లో ప్రజలు పనిరాక్షసులని అందరికి తెలిసిందే. చాలా మంది ఆఫీసుల్లో పనివేళలకు మించి అదనంగా పనిచేస్తుంటారు. మరికొందరు రెండేసి ఉద్యోగాలు చేస్తుంటారు. ఈ క్రమంలో వారికి సమయానికి కార్యాలయాలకు చేరుకోవడం.. పనులు పూర్తి చేయడం ఎంతో ముఖ్యం. కాస్త ఆలస్యమైనా ఉద్యోగులపై ప్రతికూల ప్రభావం పడుతుంది. ఈ నేపథ్యంలో సంప్రదాయం ప్రకారం ఉదయం పూట స్నానం చేస్తే ఎక్కువ సమయం పడుతుంది. అందుకే వారు ఉదయం కాకుండా సాయంత్రం వేళ స్నానం చేస్తుంటారు. 

మరో కారణమేంటంటే.. జపాన్‌లో అత్యధిక మంది సొంత వాహనాలు కాకుండా ప్రజారవాణా వాహనాలపైనే ప్రయాణాలు చేస్తుంటారు. దీంతో కిక్కిరిసి వెళ్లాల్సి ఉంటుంది. రోజంతా ఎండలో, ఆఫీసులో కష్టపడటం మూలంగా చెమట పట్టి.. అలసిపోయి శరీరం అధ్వాన్నంగా తయారైపోతుంది. అందుకే పనులన్నీ పూర్తి చేసుకొని సంధ్యవేళ తీరిగ్గా స్నానం చేస్తారు. ఎండకాలంలో ఉక్కపోతను తట్టుకోలేక చల్లటి నీళ్లతో, చలికాలంలో చలి నుంచి తప్పించుకోవడం కోసం వేడినీళ్లతో స్నానం చేస్తుంటారు.

బహిరంగ స్నానాల సంప్రదాయం

జపాన్‌లో బహిరంగ స్నానాల సంప్రదాయం ఉంది. దేశవ్యాప్తంగా అన్ని ప్రాంతాల్లో వేడినీళ్ల బుడగలు, గుంటల్లో స్నానాలు చేయడానికి వసతులుంటాయి. దీంతో ప్రజలు సాయంత్రం వేళ సరదాగా కుటుంబంతోసహా అక్కడికి వెళ్లి స్నానాలు చేస్తుంటారు. ఏటా సామూహిక స్నానాల పోటీలు కూడా నిర్వహించడం విశేషం. 

ఇవీ చదవండి..

నిద్రపోయే ముందు వీటికి దూరం!

జపాన్‌లో ‘అలా’ మాట్లాడితే వింతగా చూస్తారట!


Tags :

మరిన్ని

జిల్లా వార్తలు

దేవ‌తార్చ‌న