అమ్మాయిలకు బెస్టీ బ్యాగే...!

హ్యాండ్‌బ్యాగు... ఇప్పుడు అమ్మాయిల నుంచి అమ్మమ్మల వరకూ ఓ స్టైల్‌ స్టేట్‌మెంట్‌కి చిహ్నం. ఒకప్పుడు ఇదో అవసరం మాత్రమే. అలాంటి బ్యాగు ఈ స్థాయికి చేరిందంటే... ఎంత ప్రత్యేకత ఉందో గుర్తించాల్సిందే. కాలంతో పాటు ఇందులో వస్తోన్న డిజైన్లు... ఎవరికి ఏం బాగుంటాయో చూద్దామా...

టోటె...

ఎప్పటికీ ఎవర్‌గ్రీన్‌ ట్రెండ్‌ ఇది. ఇందులో పూల ప్రింట్లతోపాటు గళ్ల డిజైన్లు దొరుకుతు న్నాయిప్పుడు. ఒకప్పటితో పోలిస్తే కాషాయం, ఇప్పుడు నీలం వంటి రంగుల్లోనూ అందుబాటులో ఉంది టోటె. ఇది చూడ్డానికి కాస్త పెద్దగా ఉంటుంది. ప్రయాణాలు, ఆఫీసులకు అనువైనది. మనకు అవసరమైన వస్తువులతోపాటు పుస్తకం, నోట్‌ప్యాడ్‌ వంటివీ ఇందులో చక్కగా పడతాయి.

సాచెల్స్‌...

అడుగున వెడల్పుగా... రెండు పొట్టి హ్యాండిళ్లతో కాస్త భిన్నంగా ఉంటుందిది. రోజువారీ అవసరాలకు చక్కని ఎంపిక. ఉద్యోగినులూ ఎంచుకోవచ్ఛు ఇందులో చాలా రకాలు దొరుకుతున్నాయి. మన దుస్తుల స్టైల్‌కి తగ్గట్లుగా ఎంపిక చేసుకోవచ్ఛు.

స్లింగ్‌...

వివిధ రకాల మెటీరియల్‌, హంగులతో యువతను ఆకట్టుకునే డిజైను ఇది. మన అవసరానికి తగ్గట్లు అన్ని రకాల పరిమాణాల్లోనూ లభిస్తుందిది. లిప్‌స్టిక్‌, ఐబ్రోపెన్సిల్‌, దువ్వెన, ఫోన్‌ వంటివి పెట్టుకోవడానికి అనువుగా ఉంటుంది. పార్టీలకోసం ఎంచుకునేవారికి పూలు, ఇతర డిజైను హంగులతో ఇవి అందుబాటులో ఉన్నాయి.

క్లచ్‌...

చేతిలో పట్టుకునేందుకు అనువుగా ఉండే రకం ఇది. ఫ్యాషన్‌గా కనిపించే ఈ పర్సు పార్టీలకు ఎక్కువగా నప్పుతుంది. ఎన్నో రంగులు, మరెన్నో హంగులతో ఎప్పటికప్పుడు కొత్తగా కనిపిస్తోంది క్లచ్‌. దుస్తులను బట్టి ఎంచుకోవచ్ఛు ఇందులో తక్కువ వస్తువులు మాత్రమే సరిపోతాయి.

బ్యాక్‌ప్యాక్‌...

దీన్ని యుటిలిటీ బ్యాగ్‌ అనొచ్ఛు భుజాల మీదుగా వెనుకవైపు వేసుకునేందుకు అనువుగా ఉంటుంది. ఫోన్‌, టాబ్లెట్‌, ఈ- రీడర్‌, వంటివాటికి అనువుగా ఇందులో బోలెడు చోటు ఉంటుంది. వివిధ పరిమాణాల్లో, డిజైన్లలో లభిస్తుందీ బ్యాగు. కాలేజీకి రోజూ తీసుకెళ్లడానికే కాదు ప్రయాణాల్లోనూ, ఎక్కువ వస్తువులు ఉన్నప్పుడు దీన్ని ఎంచుకోవచ్ఛు ఈ బ్యాగు విశాలంగా, పెద్దగా ఉంటుంది. వేర్వేరు కంపార్ట్‌మెంట్‌లు, పాకెట్‌లతో సౌకర్యంగా ఉంటుంది.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి