విడాకులు తీసుకున్న కూతురికి ఘన స్వాగతం..!
అత్తింట్లో ఎన్ని వేధింపులైనా ఎదుర్కోవాలి.. కానీ ఆడది విడాకులన్న మాట ఎత్తితే ఈ సమాజం తప్పు పడుతుంది.. చులకనగా చూస్తుంది. పోనీ.. కూతురు పడే కష్టాలు చూడలేక పుట్టింటికి తీసుకొచ్చేద్దామా అంటే.. బంధువులు, ఇరుగుపొరుగు వారు కాకుల్లా పొడుస్తారేమోనన్న భయం! భర్త వేధింపులు, అత్తమామల ఆరళ్లతో నిత్యం నరకం చూస్తోన్న తన కూతురుని ఆ చెర నుంచి విడిపించడం కంటే ఇవేవీ ఎక్కువ కాదనిపించిందా తండ్రికి.