Twitter: ప్రపంచ వ్యాప్తంగా కొంత సమయం పాటు ట్విటర్‌ సేవల్లో అంతరాయం

 ఇంటర్నెట్‌డెస్క్‌: ప్రముఖ సామాజిక మాధ్యమం ట్విటర్‌ సేవల్లో కొంత సమయం అంతరాయం నెలకొంది. తమ ఖాతాలు పనిచేయడం లేదంటూ ప్రపంచ వ్యాప్తంగా పలువురు యూజర్లు ఫిర్యాదు చేశారు. ట్రాకింగ్‌ వెబ్‌సైట్‌ డౌన్‌డిటెక్టర్‌ ప్రకారం ప్రపంచ వ్యాప్తంగా శుక్రవారం రాత్రి 11 గంటలు దాటిన తర్వాత యూజర్ల ట్విటర్‌ ఖాతాల్లో సమస్యలు వచ్చాయి. భారత్‌లో గంటపాటు ట్విటర్‌ సేవలను ఉపయోగించుకోలేకపోయినట్లు పలువురు యూజర్లు పేర్కొన్నారు. మొబైల్స్‌తో పాటు వెబ్‌సైట్‌లో కూడా సమస్యలు వచ్చినట్లు తెలిపారు. లోడింగ్‌ సమస్యతో పాటు పోస్టింగ్‌లు చేయలేకపోయామని కొందరు, లాగిన్‌ కాలేకపోయామని కొందరు పేర్కొన్నారు. ట్విటర్‌ ఉపయోగిస్తుండగానే లాగౌట్‌ అయిందని మరికొందరు ఫిర్యాదు చేశారు.   

దీనిపై ట్విటర్‌ సపోర్ట్‌ టీమ్‌ స్పందించింది. సాంకేతికంగా సమస్య తలెత్తిందని, వెంటనే సరిచేసినట్లు తెలిపింది. అంతరాయానికి క్షమించాలని యూజర్లకు విజ్ఞప్తి  చేసింది.