జూమ్ ధాం..
ప్రపంచమంతా ఇప్పుడు జూమ్ ధాంగానే విహరిస్తోంది. ఆఫీసు సమావేశాలైనా, ఆన్లైన్ తరగతులైనా అన్నీ జూమ్లోనే. ఇది కేవలం వీడియో కాల్స్కే పరిమితం కాదు. వీడియో కాల్స్ అటెండ్ చేస్తూనే ఇతర పనులూ చేసుకోవచ్చు. క్రోమ్, ఫైర్ఫాక్స్ బ్రౌజర్ల ఎక్స్టెన్షన్ల మాదిరిగానే
ప్రపంచమంతా ఇప్పుడు జూమ్ ధాంగానే విహరిస్తోంది. ఆఫీసు సమావేశాలైనా, ఆన్లైన్ తరగతులైనా అన్నీ జూమ్లోనే. ఇది కేవలం వీడియో కాల్స్కే పరిమితం కాదు. వీడియో కాల్స్ అటెండ్ చేస్తూనే ఇతర పనులూ చేసుకోవచ్చు. క్రోమ్, ఫైర్ఫాక్స్ బ్రౌజర్ల ఎక్స్టెన్షన్ల మాదిరిగానే జూమ్ సైతం ఎన్నో ప్లగ్ ఇన్స్, యాడాన్స్ను అందిస్తోంది. జూమ్ మార్కెట్ప్లేస్ నుంచి వీటిని డౌన్లోడ్ చేసుకొని యాప్నకు అనుసంధానం చేసుకోవచ్చు. వీటిల్లో ఉపయోగపడే కొన్ని ప్లగ్ ఇన్స్ గురించి తెలుసుకుందాం. ఇవి చాలావరకు ఉచితమే గానీ కొన్నింటిని కొనుక్కోవాల్సి ఉంటుంది.
వికీపీడియా.. విజ్ఞానం
ఆన్లైన్లో విహరించేవారికి వికీపీడియా గురించి కొత్తగా చెప్పాల్సిన పనిలేదు. ఎలాంటి సందేహాన్నయినా తీర్చే విజ్ఞాన సర్వస్వమిది. జూమ్ సమావేశంలో ఉన్నప్పుడు దేని గురించైనా తెలుసుకోవాలంటే యాప్ నుంచి బయటకు రాకుండా అక్కడే సందేహ నివృత్తి చేసుకోవటానికిది ఎంతగానో ఉపయోగపడుతుంది.
లింగ్మో ట్రాన్స్లేటర్.. అనువాదం
వివిధ భాషలు మాట్లాడేవారితో సమావేశం నిర్వహించేవారికిది ఎంతో ఉపయుక్తం. ఇది ఆయా సంభాషణలను టెక్స్ట్ రూపంలోకి అనువాదం చేసేస్తుంది. సుమారు 80 భాషలను అనువదిస్తుంది. మరిన్ని భాషలను సపోర్టు చేసేలానూ దీన్ని తీర్చిదిద్దుతున్నారు.
సర్వేమంకీ.. గణన
నేరుగా జూమ్ నుంచి సర్వే చేయటానికి ఉపయోగపడే ప్లగ్ ఇన్ ఇది. జూమ్ యాప్ నుంచే సర్వేమంకీ అకౌంట్కు కనెక్ట్ కావొచ్చు. సర్వేను క్రియేట్ చేయొచ్చు. కొత్తగా ఎవరైనా స్పందిస్తే జూమ్ ఛాట్ నుంచే తెలుసుకోవచ్చు. దీన్ని ఇన్స్టాల్ చేసుకున్నాక, జూమ్ సమావేశం కింద ఉండే యాప్స్ ద్వారా కనెక్ట్ కావాలి.
విక్స్.. ఈవెంట్ నిర్వహణ
ఫిట్నెస్ క్లాసులు, చికిత్సల వివరణలు, కన్సల్టేషన్లు, వెబినార్ల వంటివి డిజిటల్ ఈవెంట్ల నిర్వహణకు తోడ్పడే సదుపాయమిది. వినియోగదారులు, విద్యార్థులు, సహోద్యోగులు.. ప్రపంచంలో ఎక్కడున్నా, ఎవరితోనైనా దీంతో అనుసంధానం కావొచ్చు. దూరాలను చెరిపేసి ఆన్లైన్ అనుభూతులను పంచుకోవచ్చు. వివిధ వ్యాపార కార్యక్రమాలు నిర్వహించుకోవచ్చు.
క్యాలెండ్లీ.. సమయసారిణి
ఇది మీటింగ్స్ షెడ్యూల్కు ఎంతగానో ఉపయోగపడుతుంది. దీనికి ఒకసారి అనుసంధానం కాగానే ప్రతి క్యాలెండర్ ఈవెంట్కు వీడియో సమావేశం వివరాలు యాడ్ అవుతాయి. ఎప్పుడెప్పుడు ఏయే సమావేశాలున్నాయో గుర్తుచేస్తుంది.
జీమెయిల్.. ఆటోమేటిక్ అనుసంధానం
దీన్ని జూమ్ యాప్నకు జోడించుకుంటే.. నేరుగా జీమెయిల్ నుంచే మీటింగ్స్ను షెడ్యూల్ చేసుకోవచ్చు. ఆరంభించొచ్చు, మేనేజ్ చేయొచ్చు. ఈమెయిల్ భాగస్వాములందరూ ఆటోమేటిక్గా మీటింగ్కు అనుసంధానం అవుతారు. కావాలనుకుంటే ఇంకా ఎక్కువ మందినీ జోడించుకోవచ్చు.
క్రిస్ప్.. మాట స్పష్టం
జూమ్లోని నాయిస్ సప్రెషన్ ఫీచర్ అన్ని అనవసర శబ్దాలను తగ్గించకపోవచ్చు. ఇలాంటి సమయంలో క్రిస్ప్ యాడ్ ఆన్ను జోడించుకుంటే బాగా ఉపయోగపడుతుంది. ఇది మాట్లాడేవారి, అవతలివారి చుట్టుపక్కల శబ్దాలను తొలగించేస్తుంది. దీంతో స్పష్టంగా మాటలు వినిపిస్తాయి. అపార్థాలకు తావుండదు. జూమ్ రికార్డింగ్స్ సౌండ్ మెరుగు పడటానికీ దీన్ని వాడుకోవచ్చు. రికార్డింగ్ మొదలెట్టగానే క్రిస్ప్ను ఆన్ చేసుకోవాలి. అంతే. ప్రతిధ్వనులు లేకుండా హెచ్డీ క్వాలిటీలో స్పష్టంగా మాటలు రికార్డు అవుతాయి. తర్వాత ఎడిట్ చేసుకోవాల్సిన పనుండదు.
హనీబుక్.. కస్టమర్ రిలేషన్ సాధనం
చిన్న వ్యాపారాలు చేసుకునేవారు కస్టమర్ రిలేషన్షిప్ మేనేజ్ చేసుకోవటానికి దీన్ని వాడుకోవచ్చు. క్లయింట్లతో చర్చలు, రిసోర్సులు, కాంటాక్టులన్నీ ఒకేచోట ఉండేలా చూసుకోవచ్చు. ఇన్వాయిస్లు పంపటానికి, పేమెంట్లు అంగీకరించటానికి రకరకాల యాప్స్ల్లోకి వెళ్లాల్సిన పనుండదు. తక్షణం మీటింగులను షెడ్యూల్ చేసుకోవటానికి, ఆటో జెనరేటెడ్ కాల్స్ రిసీవ్ చేసుకోవటానికీ వీలుంటుంది.
సర్కిల్స్.. కొత్త సమావేశ అనుభూతి
కొత్తరకం మీటింగ్ అనుభూతిని కల్పించటం ద్వారా ఇది జూమ్ వాడకం తీరునే మార్చేస్తుంది. వీడియోలన్నీ సర్కిల్స్లోనే డిస్ప్లే అవుతాయి. గందరగోళానికి తావుండదు. షేర్ చేసిన వాటి మీదనే దృష్టి కేంద్రీకరించొచ్చు. జూమ్ ఫెటీగ్ తలెత్తకుండా స్క్రీన్లను మార్చుకోవచ్చు కూడా. వివిధ ట్యాబ్స్, యాప్స్ తెరవాల్సిన పనుండదు. వీడియోలన్నీ హెచ్డీ క్వాలిటీలోనే పెట్టుకోవచ్చు. కావాలనుకుంటే డెస్క్టాప్ స్పేస్ ఎక్కువ తీసుకోకుండా మార్పులూ చేసుకోవచ్చు.
ఆన్బోర్డ్.. మరింత భద్రత కోసం
ఉద్యోగులు, సమావేశంలో పాల్గొనేవారి మధ్య మెరుగైన బంధం కోసం ఆన్బోర్డును ఉపయోగించుకోవచ్చు. దీనికి నేరుగా జూమ్ యాప్ నుంచే కనెక్ట్ కావొచ్చు. పలు స్క్రీన్లను ఒకేసారి చూడటం, మెసేజ్ భద్రత, సర్వేలు, అప్రూవల్ సిస్టమ్, ఇ-సిగ్నేచర్ వంటి సదుపాయాలు ఎన్నెన్నో పొందొచ్చు. ఒకే పేజీలో అందరి హాజరు తీసుకొని, నమోదు చేసుకోవటానికి వీలుండటం ముఖ్యమైన ప్రయోజనం. మీటింగ్ జరుగుతుండగానే ఫైల్స్ రివ్యూ చేసుకోవచ్చు కూడా. అన్నింటినీ సురక్షితంగా సేవ్ చేసుకోవచ్చు.
ఫ్రెష్టీమ్.. నియామకం
జూమ్లో పూర్తి రిక్రూట్మెంట్ సూట్ ఉండాలని కోరుకుంటున్నారా? అయితే ఫ్రెష్టీమ్ను ప్రయత్నించొచ్చు. ఈ ప్లగ్ ఇన్ తనకుతానే అభ్యర్థుల ఇంటర్వ్యూను షెడ్యూల్ చేసి పెడుతుంది. మీటింగ్లో పాల్గొనాల్సిన వారందరికి, వారి క్యాలెండర్లకూ తనే ఆహ్వాన లింకులు పంపుతుంది కూడా. ఆన్బోర్డింగ్ మీటింగులకు, సమయాన్ని ఆదా చేసుకోవటానికి, ఉద్యోగుల సమాచారాన్ని సేకరించటానికీ దీన్ని వాడుకోవచ్చు.
ప్రెజి వీడియో.. అలంకరణ సదుపాయం
ప్రత్యక్ష వీడియో సమావేశాలు, రికార్డింగుల మీద ఇలస్ట్రేషన్లు, దృశ్యాలు, టెక్స్ట్లను అలంకరించుకోవాలని అనుకుంటే ప్రెజి వీడియోను ప్రయత్నించొచ్చు. దీంతో సమావేశాలను ఆసక్తికరంగా, ఆకర్షణీయంగా మలచుకోవచ్చు. మార్కెటింగ్, సేల్స్, ప్రజెంటేషన్ల కోసం రికార్డు చేసిన వీడియోలకూ దీన్ని వాడుకోవచ్చు. ఆన్లైన్ తరగతులకు, ప్రత్యక్ష ప్రదర్శనలకు, మేధోమథన సమావేశాలకూ ఇది అనువుగా ఉంటుంది.
మెంటార్లూప్.. నైపుణ్య సాధనం
కొత్తగా ఉద్యోగంలో చేరినవారికి నిరంతరం వృత్తి నైపుణ్యాన్ని పెంచుకోవటం చాలా ముఖ్యం. ఇలాంటి సందర్భాల్లో మెంటార్షిప్ కార్యక్రమాలకు హాజరు కావాలనుకునేవారికిది తోడ్పడుతుంది. తగిన మెంటార్తో కలవటానికి వీలు కల్పిస్తుంది. తమ లక్ష్యాలు, కార్యక్రమాలు, కమ్యూనికేషన్ వివరాలను సమీక్షించుకోవటానికీ ఇది ఉపయోగపడుతుంది. కొత్త అభివృద్ధి అవకాశాలను సూచించటానికి, మెంటార్తో ముఖాముఖి సంభాషణకు అవకాశం కల్పిస్తుంది.
ఈక్వియో.. బోధనాంశాలన్నీ ఒకే చోట
ఇది బోధనకు సంబంధించిన అన్ని అంశాలు, శిక్షకుల వివరాలు, నేర్చుకున్న సమాచారాన్ని ఒకే శిక్షణ నోట్ మీద పొందు పరచుకోవటానికి ఉపయోగపడుతుంది. మీటింగ్ షెడ్యూళ్లు, శిక్షణ వెబినార్ల కోసం వాడుకోవచ్చు. కోర్సులు, ఇంటర్నల్ లెర్నింగ్ రిసోర్సులు, ఇతర కార్యక్రమాలను సమర్థంగా ప్రదర్శించటానికీ తోడ్పడుతుంది. ముఖ్యంగా ఇది హెచ్ఆర్ టీమ్స్కు బాగా ఉపయోగపడుతుంది. ఉద్యోగపరంగా తమ నైపుణ్యాలను పెంచుకోవటానికి దోహదం చేస్తుంది.
విడీయార్డ్.. షేరింగ్కు అనుకూలంగా
జూమ్ రికార్డింగ్ ఫైల్ను ఎవరికైనా పంపించుకోవాలంటే సెక్యూరిటీ సెటింగ్స్ అనుమతించవు. అదే వీడియార్డ్ ఎక్స్టెన్షన్తో వీడియోకు తేలికైన మార్పులు చేసి షేర్ చేసుకునేలా మలచుకోవచ్చు. వీటిని తాము నిర్వహించే జూమ్ సమావేశాలకు, వెబినార్లకు ఆటోమేటిక్గా పంపించుకోవచ్చు. కావాల్సినట్టుగా ఎడిట్ చేసుకోవచ్చు కూడా. రకరకాల జూమ్ రికార్డింగులను ఒకే చోట ప్రదర్శించొచ్చు. రికార్డింగు వీడియోలను చిన్నవిగా చేసుకోవచ్చు. వీటిని పాస్వర్డ్ ద్వారా సురక్షితం చేసుకోవచ్చు. పైగా వ్యూ నోటిఫికేషన్స్ ద్వారా ఆయా వీడియోలను ఎవరెవరు చూశారో తెలుసుకోవచ్చు. వీడియోలకు క్యాప్షన్లు సైతం జోడించుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్. -
వృక్షో రక్షతి రక్షితః
జీవ పరిణామ సిద్ధాంతాన్ని ప్రతిపాదించిన ఛార్లెస్ డార్విన్ అప్పుడెప్పుడో కన్న కల ఎట్టకేలకు సాకారమైంది. ప్రపంచంలో మనకు తెలిసిన అన్ని మొక్కల జాబితాను రూపొందించాలనే ఆయన ఆశయాన్ని రాయల్ బొటానిక్ గార్డెన్స్ ఇటీవల సాకారం చేసింది. -
వాతావరణతరంగ శోధన
భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం. -
ఏఐయ్యారే!
సాంకేతిక రంగంలో కృత్రిమ మేధ (ఏఐ) సృష్టిస్తున్న సంచలనం అంతా ఇంతా కాదు. ఛాట్జీపీటి సమస్త సమాచార సారాంశాన్ని చిటికెలో ముందుంచుతోంది. -
వర్షం కృత్రిమం
ఉక్కపోస్తే ఫ్యాన్ వేసుకుంటాం. చుట్టుపక్కల గాలిని మనవైపు తిప్పుకొంటాం. ఇంట్లో ఉష్ణోగ్రత పెరిగితే ఏసీ వేసుకుంటాం. వేడి గాలిని చల్లబరచి హాయిని అనుభవిస్తాం -
Phone Hacking: ఫోన్ హ్యాక్ అయ్యిందా?
ప్రభుత్వ ప్రాయోజిత అటాకర్లు ఐఫోన్ల మీద దాడి చేసే అవకాశముందని ఇటీవల యాపిల్ సంస్థ ప్రముఖ ప్రతిపక్ష నేతలు, పాత్రికేయులను హెచ్చరించటం తీవ్ర కలకలం సృష్టించింది. ఒక్క మనదేశానికి చెందినవారికే కాదు.. 150 దేశాల్లోకి వ్యక్తులకూ ఈ నోటిఫికేషన్లు అందాయి. దీనిపై కేంద్ర ప్రభుత్వం యాపిల్కు నోటీసులు జారీ చేసి, వివరణ కోరింది.
తాజా వార్తలు (Latest News)
-
‘మిలిటరీ తరహా కోచ్’ అంటూ వీజ్ వ్యాఖ్యలు.. ఆండ్రి రస్సెల్ కౌంటర్
-
నిన్న అమెరికా, నేడు ఐరాస.. భారత అంతర్గత వ్యవహారాలపై వ్యాఖ్యలు!
-
మేనల్లుడికి అత్యున్నతాధికారి నజరానా!
-
ముఖ్యమంత్రితో ముఖాముఖిలో వాలంటీరు
-
కేరళలోనూ రియాన్ గురించే అడిగేవారు.. ఇప్పుడు 15 మంది కీలకమే: సంజూ
-
భారాస నేత ఇంట్లో గోడ గడియారాలు, మద్యం సీసాల పట్టివేత