జీ హుజూర్!
ఈమెయిల్ నిత్య జీవితంలో భాగమైపోయింది. పొద్దున లేస్తూనే ఓసారి మెయిల్ దర్శనం చేసుకోవాల్సిందే. రాత్రి పడుకునే ముందు అంతే. ఇంటి నుంచే పని చేయటంతో అన్ని వ్యవహారాలూ ఇప్పుడు మెయిళ్ల మీదే నడుస్తున్నాయి. ఉద్యోగులైతే పని దినాల్లో రోజుకు సగటున 6 గంటల కన్నా ఎక్కువ సేపు వీటితోనే గడుపుతున్నారని అంచనా.
ఈమెయిల్ నిత్య జీవితంలో భాగమైపోయింది. పొద్దున లేస్తూనే ఓసారి మెయిల్ దర్శనం చేసుకోవాల్సిందే. రాత్రి పడుకునే ముందు అంతే. ఇంటి నుంచే పని చేయటంతో అన్ని వ్యవహారాలూ ఇప్పుడు మెయిళ్ల మీదే నడుస్తున్నాయి. ఉద్యోగులైతే పని దినాల్లో రోజుకు సగటున 6 గంటల కన్నా ఎక్కువ సేపు వీటితోనే గడుపుతున్నారని అంచనా. మరి ఈమెయిల్ను చూసే సమయాన్ని తగ్గించుకోవాలంటే? దీన్ని మరింత సమర్థంగా వాడుకోవాలంటే? అదృష్టవశాత్తు జీమెయిల్లో ఇందుకు ఎన్నో చిట్కాలు అందుబాటులో ఉన్నాయి. వీటితో జీమెయిల్తో జీ హుజూర్ అనిపించుకోవచ్చు.
ఫొటో ఇన్సర్ట్
మెయిల్కు ఫొటోలను అటాచ్ చేయటం అందరికీ తెలిసిందే. కానీ మెయిల్ మధ్యలో ఫొటోనో, స్క్రీన్ షాట్నో ఇన్సర్ట్ చేయాలంటే? ఇందుకు తేలికైన పద్ధతి అందుబాటులో ఉంది. మెయిల్ను కంపోజ్ చేస్తున్నప్పుడు ఫొటోను ఇన్సర్ట్ చేయాల్సిన చోట కర్సర్ను పెట్టి.. సెండ్ బటన్ పక్కన ఉండే చిన్న ఫొటో ఐకాన్ను క్లిక్ చేయాలి. ఇన్సర్ట్ చేయాలనుకునే ఫొటోను ఎంచుకొని ఎంటర్ చేయాలి.
కావాలనుకున్నంత సేపే కనిపించేలా
మనం పంపించే మెయిల్ కొంత కాలం వరకే కనిపించేలా చేయాలని అనుకుంటున్నారా? అయితే నిర్ణీత కాలం తర్వాత తనకు తానుగా మాయమయ్యే ఆప్షన్ను ఎంచుకోవచ్చు. ఇందుకోసం ఈమెయిల్ టైప్ చేశాక.. సెండ్ బటన్ పక్కనుండే తాళం వేసిన గడియారం గుర్తు మీద క్లిక్ చేసి ‘కాన్ఫిడెన్షియల్ మోడ్’ను ఆన్ చేసుకోవాలి. అనంతరం కాన్ఫిడెన్షియల్ మోడ్లో ఎంత కాలానికి మెయిల్ తొలగిపోవాలో (ఒక రోజు, వారం, నెల.. ఇలా) ఎంచుకోవాలి. ఆ సమయం తర్వాత మెయిల్ తనకు తానే డిలీట్ అవుతుంది. కావాలనుకుంటే మరింత భద్రత కోసం 2-స్టెప్ వెరిఫికేషన్తోనూ వీటిని పంపించుకోవచ్చు. దీంతో ఫోన్కు పంపిన ఎస్ఎంఎస్ ఎంటర్ చేస్తేనే అవతలివారు మెయిల్ చూడటానికి వీలుంటుంది. అత్యంత రహస్యమైన ఈమెయిళ్లను పంపాలనుకునేవారికిది మంచి ఎంపిక.
ప్రతినిధికి అప్పగించొచ్చు
వారం పాటు ఎక్కడికో వెళ్తున్నారు. అక్కడ ఈమెయిల్ను చూడటం కుదరకపోవచ్చు. ముఖ్యమైన సమాచారమైతే జవాబు ఇవ్వక తప్పకపోవచ్చు. ఇలాంటి సమయాల్లో మన తరఫున జీమెయిల్ ప్రతినిధులను ఎంచుకుంటే? ఇందుకోసం డెలిగేటింగ్ అకౌంట్ యాక్సెస్ ఆప్షన్ ఉందిగా. దీంతో ప్రతినిదులు మన మెయిళ్లను చదవొచ్చు, పంపించొచ్చు, డిలీట్ చేయొచ్చు. కానీ మన మెయిల్ నుంచి ఛాట్ చేయలేరు. పాస్వర్డ్నూ మార్చలేరు. మన ఇన్బాక్స్ నుంచి మెయిళ్లు పంపించినా ప్రతినిధుల మెయిల్ చిరునామానే కనిపిస్తుంది. డెలిగేటింగ్ అకౌంట్ యాక్సెస్లో 10 మంది వరకు ప్రతినిధులను జోడించుకోవచ్చు. దీన్ని కంప్యూటర్ ద్వారానే చేసుకోవాలి. యాప్లో సాధ్యం కాదు. జీమెయిల్ను ఓపెన్ చేసి, సెటింగ్స్ బటన్ను నొక్కి, అకౌంట్స్ అండ్ ఇంపోర్ట్ లేదా అకౌంట్స్ ఫీచర్ను క్లిక్ చేయాలి. ‘గ్రాంట్ యాక్సెస్ టు యువర్ అకౌంట్’ విభాగంలో ‘యాడ్ అనదర్ అకౌంట్’ను నొక్కి.. ప్రతినిధుల ఈమెయిల్ చిరునామాను ఎంటర్ చేయాలి. నెక్ట్స్ స్టెప్ బటన్ మీద క్లిక్ చేసి సెండ్ ఈమెయిల్ టు గ్రాంట్ యాక్సెస్ను నొక్కాలి. దీంతో అవతలి వారికి కన్ఫర్మ్ మెయిల్ అందుతుంది. వాళ్లు కన్ఫర్మ్ చేసిన 24 గంటల తర్వాత ప్రతినిధులను జాబితాలో చూడొచ్చు. ఈ ఆహ్వానం వారం తర్వాత చెల్లిపోతుందని గుర్తుంచుకోవాలి.
ఇన్బాక్స్ పాజ్
ఇన్బాక్స్కు కొత్త మెయిళ్లేవీ రాకూడదనుకుంటే ఇన్బాక్స్ పాజ్ ఫీచర్ను ఎంచుకోవచ్చు. ఇందుకోసం క్రోమ్స్టోర్ నుంచి ఫ్రీ పాజ్ ఫర్ జీమెయిల్, బూమెరాంగ్ ఫర్ జీమెయిల్ వంటి ప్లగిన్లను డౌన్లోడ్ చేసుకుంటే సరి. వీటిని ఇన్స్టాల్ చేయగానే ఇన్బాక్స్ కింద ‘పాజ్’ బటన్ దర్శనమిస్తుంది. దీన్ని క్లిక్ చేస్తే తాత్కాలికంగా ఇన్బాక్స్లోకి మెయిళ్లు రావటం ఆగిపోతుంది. అవసరమైనప్పుడు ‘అన్పాజ్’ బటన్ను నొక్కితే అప్పటి వరకూ ఆగిపోయిన మెయిళ్లన్నీ ఒక్కసారిగా వచ్చి వాలతాయి. ప్రతి క్షణం ఇన్బాక్స్ను చెక్ చేసే అలవాటు గలవారికి, అదేపనిగా వచ్చే ఈమెయిల్ నోటిఫికేషన్లతో సతమతమయ్యేవారికిది అనువుగా ఉంటుంది.
ఆటోమేటిక్ విభజన
ఎన్నో న్యూస్లెటర్లను, సామాజిక మాధ్యమ వేదికలను, ఇతర డెయిలీ మెయిల్ సోర్స్లను సబ్స్క్ర్ైబ్ చేసుకుంటుంటాం. ఇవన్నీ ఇన్బాక్స్లోనే చేరిపోయి కలగాపులకంగా కనిపిస్తుంటాయి. వీటిని ఒకదగ్గర ఉండేలా చేయాలనుకుంటే జీమెయిల్ ఫిల్టర్ సాయం తీసుకోవచ్చు. ఇది తనకు తానే మెయిళ్లను ఆయా విభాగాలుగా విభజించి పెడుతుంది. సెటింగ్స్ బటన్ నొక్కి ‘ఫిల్టర్స్ అండ్ బ్లాక్డ్ అడ్రసెస్’ ట్యాబ్ను క్లిక్ చేయాలి. ఈమెయిల్ చిరునామాలు, సబ్జెక్ట్ లైన్ వంటి వాటి ఆధారంగా ఫిల్టర్లను క్రియేట్ చేసుకోవాలి. అంతే.. ఆయా ఈమెయిళ్లన్నీ వాటిల్లోకి చేరిపోతాయి.
ఒకే మెయిల్ చిరునామాతో పలు సేవలు
జీమెయిల్ చిరునామాలో చుక్కలు (.), ప్లస్ (+) వంటి గుర్తులను గూగుల్ గుర్తించలేదు. అందువల్ల ఒకే చిరునామాలో ఇలాంటి గుర్తులను చేర్చి పలు సేవల కోసం వినియోగించుకోవచ్చు. ఉదాహరణకు - gmailuser@gmail.com, gmail.user@gmail.com, gmail+user@gmail.com, g.m+a.i+++lus…e.r@gmail.com ఇలా ఏ విధంగా చిరునామాను రాసినా అదే gmailuser@gmail.com ఈమెయిల్ అడ్రస్కు చేరుకుంటుంది. వివిధ సోషల్ మీడియా ఖాతాలను తెరవాలని అనుకునేవారికిది ఎంతగానో ఉపయోగపడుతుంది.
ఈమెయిల్ తీరుతెన్నుల పరిశీలన
ఈమెయిల్ అనలిటిక్స్ ఓ మంచి సదుపాయం. దీంతో రోజుకు ఎన్ని ఈమెయిళ్లు పంపాం? ఎన్ని ఇన్బాక్స్లోకి వచ్చాయి? వంటి వివరాలను గ్రాఫ్స్, గణాంకాల రూపంలో చూడొచ్చు. ఎవర్నుంచి ఎక్కువగా ఈమెయిళ్లు వస్తున్నాయో, సగటున ఎంత సమయానికి వాటికి స్పందిస్తున్నామో కూడా తెలుసుకోవచ్చు. అధిక సమయాన్ని తీసుకుంటున్న క్లయింట్లను, బృంద సభ్యుల్లో వర్క్లోడ్ ఎక్కువ తక్కువలను గుర్తించటానికీ ఇది ఉపయోగపడుతుంది.
కోట్స్తో సులభంగా
కొన్ని మెయిళ్లు సుదీర్ఘంగా ఉండొచ్చు. అందులో చాలా అంశాలకు రిప్లై ఇవ్వాల్సి రావొచ్చు. వీటిని తేలికగా పంపటానికి ఫార్మాటింగ్ బార్లోని ‘కోట్స్’ ఫీచర్ను ఉపయోగించుకోవచ్చు. జీమెయిల్ను ఓపెన్ చేసి, రిప్లై ఇవ్వాల్సిన భాగాన్ని కాపీ చేసుకోవాలి. అనంతరం రిప్లై బటన్ను క్లిక్ చేయాలి. ఫార్మాటింగ్ బార్లో కోట్స్ ఫీచర్ను ఎంచుకోగానే మెయిల్లో బూడిద రంగులో నిలువు గీత కనిపిస్తుంది. దీని పక్కన కాపీ చేసిన భాగాన్ని పేస్ట్ చేయాలి. దాని కింద జవాబును టైప్ చేసి సెండ్ చేయాలి. ఇలా ముఖ్యమైన అంశాలన్నింటికీ స్పష్టంగా రిప్లై ఇవ్వచ్చు.
ఇంటర్నెట్ స్లోగా ఉన్నా
ఇంటర్నెట్ వేగం నెమ్మదిగా ఉన్నా జీమెయిల్ను ఉపయోగించాలని అనుకుంటున్నారా? అయితే ‘హెచ్టీఎంఎల్ మోడ్’ను ఎంచుకోండి. దీన్ని ఎనేబుల్ చేసుకుంటే ఇంటర్నెట్ స్లోగా ఉన్నా మెయిల్ కంపోజ్ చేసుకోవచ్చు. సెండ్ చేసుకోవచ్చు. ఇంటర్నెట్ స్లోగా ఉండే మారుమూల ప్రాంతాలు, విమానాశ్రయాల వంటి చోట్ల ఇది బాగా ఉపయోగపడుతుంది. కాకపోతే ఇతరత్రా ఫీచర్లేవీ అందుబాటులో ఉండవు.
షార్ట్కట్స్తో త్వరత్వరగా
ఈమెయిల్లో త్వరగా పనులు పూర్తికావటానికి కొన్ని కీబోర్డు షార్ట్కట్స్ను వాడుకోవచ్చు. ఉదాహరణకు- కంట్రోల్, ఎంటర్ బటన్లను రెండింటినీ ఒకేసారి నొక్కి మెయిల్ను సెండ్ చేయొచ్చు. హ్యాష్ట్యాగ్ బటన్తో డిలీట్ చేయొచ్చు. ఇలా కీబోర్డు షార్ట్కట్స్ చాలానే ఉన్నాయి. వీటిని ఎనేబుల్ చేసుకోవటానికి ముందుగా జనరల్ సెటింగ్స్లోకి వెళ్లి కీబోర్డు షార్ట్కట్స్ విభాగంలో ఆన్ బటన్ను ఎంపిక చేసుకోవాలి. కావాలంటే మనమే కొత్త షార్ట్కట్స్ను క్రియేట్ చేసుకోవచ్చు కూడా.
అన్నీ ఒకే చోట
జీమెయిల్ ఇన్బాక్స్ డిఫాల్ట్గా వివిధ భాగాలుగా విడిపోతుంది. ప్రధానంగా ప్రైమరీ, సోషల్, ప్రమోషన్ విభాగాలు కనిపిస్తుంటాయి. దీంతో సోషల్, ప్రమోషన్ మెయిళ్లు ముఖ్యమైన విభాగంలోకి రాకపోవచ్చు గానీ ఇవి అటూఇటూగానూ మారిపోతుంటాయి. ఇది కొన్నిసార్లు చికాకుకు గురిచేస్తుంది. మునుపటి మాదిరిగా అన్ని మెయిళ్లూ ఒకేచోట కనిపించేలా చూసుకోవటం ద్వారా విభాగాలను తొలగించుకోవచ్చు. ఇందుకోసం జీమెయిల్ ఖాతాలోకి సైన్ఇన్ అయ్యి, నేరుగా ఇన్బాక్స్లోకి చేరుకోవాలి. కుడిపక్కన ఉండే సెటింగ్స్ ఐకాన్ను నొక్కి, ఇన్బాక్స్ను ఎంపిక చేసుకోవాలి. సోషల్, ప్రమోషన్స్, అప్డేట్స్, ఫోరమ్స్ను అన్చెక్ చేయాలి. అన్ని మెయిళ్లూ ఒకేచోట కనిపిస్తాయి.
లేబుళ్లతో సర్దుబాటు
ఇంట్లో వస్తువులను సర్దుకున్నట్టే ఈమెయిళ్లను లేబుళ్ల రూపంలో ఒకదగ్గర పెట్టుకోవచ్చు. ఇందుకు లేబుళ్ల సదుపాయం ఉపకరిస్తుంది. జీమెయిల్లో ఎడమ వైపున ఉండే ‘క్రియేట్ న్యూ లేబుల్’ ఆప్షన్ను క్లిక్ చేసి పేరును ఎంటర్ చేస్తే కొత్త లేబుల్ ప్రత్యక్షమవుతుంది. ఆయా అంశాలకు సంబంధించిన మెయిళ్లను అందులోకి పంపిస్తే ఎప్పటికీ అలాగే ఉండిపోతాయి.
* స్టార్స్, ఇంపార్టెంట్ గుర్తుల ద్వారానూ మెయిళ్లను ఆర్గనైజ్ చేసుకోవచ్చు. కావాలనుకుంటే రంగురంగుల నక్షత్రాలను, ఇతర గుర్తులనూ వాడుకోవచ్చు. జనరల్ సెటింగ్స్ సాయంతో ఎలాంటి నక్షత్రాలు, గుర్తులు కావాలో ఎంచుకోవచ్చు.
పంపిన మెయిల్ తెరిచారా? లేదా?
ఎన్నో మెయిళ్లు పంపుతాం. వాటిని అవతలి వారు తెరిచారా? లేదా? అనే సందేహం మనసులో మెదలుతుంటుంది. ‘ఎస్వేర్’ అనే జీమెయిల్ ప్లగిన్ను ఇన్స్టాల్ చేసుకుంటే అలాంటి ఇబ్బందేమీ ఉండదు. ఇది మనం పంపే మెయిళ్లకు చిన్న ట్రాకింగ్ పిక్సెల్ను జత చేస్తుంది. అవతలి వాళ్లు మెయిల్ను ఓపెన్ చేయగానే వారి సిస్టమ్లోకి డౌన్లోడ్ అవుతుంది. ఎస్వేర్కు సమాచారాన్ని అందిస్తుంది. ఆ వెంటనే డెస్క్టాప్ నోటిఫికేషన్ ద్వారా మెయిల్ ఓపెన్ చేశారని తెలియజేస్తుంది. ఈమెయిల్ను పంపినా ప్రతిస్పందించని వారిని తెలుసుకోవటానికి, అసలు మెయిల్ చేరిందో లేదో అనేది తెలుసుకోవటానికిది బాగా ఉపయోగపడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో.
తాజా వార్తలు (Latest News)
-
రాహుల్ భవిష్యత్తులో మహాసముద్రాల ఆవల నుంచి పోటీ చేయాల్సి రావొచ్చు: మధ్యప్రదేశ్ సీఎం
-
నేటి రాశి ఫలాలు.. 12 రాశుల ఫలితాలు ఇలా... (18/04/24)
-
జీవం పోసుకోకముందే.. వేలాది జంటల ఆశలు సమాధి!
-
ఖైదీలకు స్మార్ట్ కార్డులు... వాటితో ఏం చేయొచ్చంటే?
-
‘నేను మంచి తల్లిని కానా?’.. మామాఎర్త్ సీఈఓ భావోద్వేగ పోస్ట్
-
ఏఐ ఫీచర్లతో శాంసంగ్ కొత్త టీవీలు.. 8K మోడల్స్ ధర ₹3 లక్షల పైనే..!