భూ రక్షణ కోసం..
విశాల విశ్వంలో భూమికి ఎప్పుడైనా ప్రమాదం ముంచుకురావొచ్చు. గ్రహ శకలాలు, తోకచుక్కలు ఎక్కడ్నుంచైనా ఢీకొట్టొచ్చు. అందుకే శాస్త్రవేత్తలు అనుక్షణం అంతరిక్షాన్ని జల్లెడ పడుతుంటారు. నిరంతరం శోధిస్తూ, నిశితంగా పరిశీలిస్తూ ఉంటారు.
విశాల విశ్వంలో భూమికి ఎప్పుడైనా ప్రమాదం ముంచుకురావొచ్చు. గ్రహ శకలాలు, తోకచుక్కలు ఎక్కడ్నుంచైనా ఢీకొట్టొచ్చు. అందుకే శాస్త్రవేత్తలు అనుక్షణం అంతరిక్షాన్ని జల్లెడ పడుతుంటారు. నిరంతరం శోధిస్తూ, నిశితంగా పరిశీలిస్తూ ఉంటారు. ప్రస్తుతానికైతే ఎలాంటి ముప్పూ లేదు గానీ నిజంగానే ఏదైనా ప్రమాదం ముంచుకొస్తే? దాన్ని ఎదుర్కోవటమెలా? ఇందుకు సన్నద్ధం కావటం కోసమే అమెరికా అంతరిక్ష సంస్థ నాసా గ్రహ రక్షణ ప్రాజెక్టుపై దృష్టి సారించింది. భూమిని ఢీకొట్టే అవకాశం గల గ్రహ శకలాలను ఉపగ్రహం సాయంతో దారి మళ్లించే పనికి పూనుకొంది.
గ్రహ శకలాలు, తోక చుక్కలు మన భూమికి ఎప్పటికైనా ప్రమాదమే. ఇవి కొన్నిసార్లు గతి తప్పి భూమిని ఢీకొట్టొచ్చు. సుమారు 140 మీటర్ల వ్యాసార్థంతో కూడి, సూర్యుడి నుంచి భూమికి మధ్య గల దూరంలో 5% కన్నా తక్కువ దూరంలోకి వచ్చే వాటిని ‘భారీ ప్రమాదకర వస్తువు’గా పరిగణిస్తారు. నిజానికివి చాలాసార్లు భూమికి ఎలాంటి హాని కలిగించవు. సాధారణంగా భూ వాతావరణంలోకి ప్రవేశించగానే మండిపోతాయి. కానీ పెద్ద గ్రహ శకలాలతో ముప్పు లేకపోలేదు. భారీ గ్రహ శకలం ఒకటి ఢీకొట్టటం వల్లనే భూమిపై డైనోసార్లు అంతరించిపోయాయి. వచ్చే వందేళ్లలో భూమిని ఏదో ఒక గ్రహ శకలం ఢీకొట్టొచ్చని శాస్త్రవేత్తల అంచనా. గమనించాల్సి విషయం ఏంటంటే- ఇలాంటి వినాశకర గ్రహ శకలాల్లో మనకు తెలిసినవి 40 శాతమే. మిగతావన్నీ అజ్ఞాతంగానే ఉండిపోయాయి. అంటే వీటితో ఎప్పుడైనా ప్రమాదం ముంచుకొచ్చే అవకాశముందనే అర్థం. మరి ప్రమాదం వాటిల్లే వరకు చూడకుండా వాటిని మధ్యలోనే తప్పించేస్తే మేలు కదా. ఇలాంటి ప్రణాళికతోనే నాసా ఇటీవల డబుల్ ఆస్టరాయిడ్ రీడైరెక్షన్ టెస్ట్(డార్ట్) వ్యోమనౌకను ప్రయోగించింది. ఇది వచ్చే సంవత్సరం డైమార్ఫోస్ అనే అంతరిక్ష రాయిని ఢీకొట్టనుంది. అలాగని డార్ట్ దీన్ని తుత్తునియలు చేయదు. ఒక వైపు నుంచి నెట్టి దారి మళ్లిస్తుందంతే. మనకు హాని చేయకుండా వేరే కక్ష్యలోకి ప్రవేశించేలా చేస్తుంది. డైమార్ఫోస్ కక్ష్యలోనే 65803 డీడైమోస్ అనే మరో గ్రహ శకలం తిరుగుతోంది. మున్ముందు ఇవి రెండూ భూ కక్ష్యను దాటే సమయంలో భూమిని ఢీకొట్టే అవకాశముంది. సుమారు కిలోమీటరు వ్యాసార్థం గల 65803 డీడైమోస్ ఒకవేళ భూమిని తాకితే పెద్ద ప్రమాదమే సంభవిస్తుంది. దీని కన్నా డైమార్ఫోస్ చిన్నగా ఉంటుంది. అందుకే డార్ట్తో దీన్ని దారి మళ్లించటానికి ప్రయత్నిస్తున్నారు. ఇది విజయవంతమైతే డీడైమోస్నూ ఇలాగే వేరే కక్ష్యలోకి ప్రవేశించేలా చేయటానికి మార్గం సుగమమవుతుంది.
తేలికైన పని కాదు
అంతరిక్షంలో చిన్న వస్తువును ఉపగ్రహాలతో చేరుకోవటం అంత తేలికైన పనికాదు. దాన్ని కచ్చితంగా గుర్తించి, ప్రయోగించాల్సి ఉంటుంది. అందుకే డార్ట్ ప్రయోగం శాస్త్రవేత్తలకు ఓ సవాల్ అని అనుకోవచ్చు. సుమారు 500 కిలోల బరువు గల ఇది సెకండుకు 6.6 కిలోమీటర్ల వేగంతో డైమార్ఫోస్ను ఢీకొట్టనుంది. ఈ ప్రక్రియ మొత్తం ఆటోమేటెడ్. అంటే అన్ని వ్యవస్థలు తమకు తామే పనిచేస్తాయన్నమాట. దీన్ని 68 లక్షల మైళ్ల దూరం నుంచి నాసా శాస్త్రవేత్తలు పర్యవేక్షిస్తుండటం గమనార్హం. డార్ట్ నౌక డైమార్ఫోస్ను చేరుకుంటే.. భూమ్మీది నుంచి ప్రయోగించిన ఉపగ్రహాలు చేరుకున్న అత్యంత చిన్న అంతరిక్ష వస్తువు ఇదే కానుంది. డార్ట్ ఢీకొట్టిన తర్వాత డైమార్ఫోస్ గమనాన్ని శాస్త్రవేత్తలు విశ్లేషిస్తారు. డార్ట్ ఉపగ్రహం లిసియాక్యూబ్ అనే మరో ఉపగ్రహాన్నీ మోసుకెళ్తోంది. డైమార్ఫోస్ను ఢీకొట్టాక డార్ట్ ముక్కలు ముక్కలవుతుంది కదా. దీన్ని లిసియాక్యూబ్ 54 కిలోమీటర్ల దూరం నుంచి వీక్షిస్తూ.. డైమార్ఫోస్ను తాకిన తర్వాత వెలువడే వ్యర్థాలను లెక్కిస్తుంది.
డైమార్ఫోస్ 11.9 గంటలకు ఒకసారి డీడైమోస్ను చుట్టి వస్తుంది. డార్ట్ చేరుకునే సరికి దీని వేగం కేవలం 73 సెకండ్లు పెరిగితే ప్రయోగం సఫలమైనట్టే. ఇది విజయవంతమైతే పెద్ద గ్రహ శకలాలనూ ఇలాగే దారి మళ్లించటం పెద్ద కష్టమేమీ కాకపోవచ్చు. అప్పుడు మానవాళి సంరక్షణకు కొత్త ఆయుధం లభించినట్టేనని అనుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!