Updated : 18/08/2021 05:14 IST

ఫోన్‌ సౌండ్‌కు నీటి దెబ్బ

స్మార్ట్‌ఫోన్లను ఎక్కడంటే అక్కడ, ఎడాపెడా వాడేస్తూనే ఉంటాం. కానీ వర్షంలో వాడటం మాత్రం కష్టమే. ఫోన్‌ లోపలికి నీరు పోతే అంతే. ప్రస్తుతం లోపలికి నీటిని పోనీయని స్మార్ట్‌ఫోన్లు అందుబాటులో ఉన్నాయి. ఇవి నీటిలో పడితే ఏమీ కాకపోవచ్చు గానీ కొన్నిసార్లు సౌండ్‌ నాణ్యత దెబ్బతినొచ్చు. దీన్ని సరిచేయటమెలా?

 స్పీకర్‌ క్లీనర్‌

సౌండ్‌ను సరిదిద్దటానికి ఆండ్రాయిడ్‌ ఫోన్ల కోసం చాలా యాప్స్‌ అందుబాటులో ఉన్నాయి. ఇవి వివిధ మోతాదుల్లో శబ్దాలను వెలువరిస్తూ సౌండ్‌ను సరిదిద్దుతుంటాయి. వీటిల్లో బాగా ఆదరణ పొందింది స్పీకర్‌ క్లీనర్‌. ముందుగా దీన్ని ఇన్‌స్టాల్‌ చేసుకొని, ఓపెన్‌ చేసుకోవాలి. తర్వాత వాల్యూమ్‌ను పూర్తిగా పెంచి, నున్నగా ఉండే చోట ఫోన్‌ను బోర్లించి పెట్టాలి. ఓ నిమిషం సేపు రకరకాల తరంగధైర్ఘ్యాల్లో శబ్దాలు వెలువడతాయి. ఇవి స్పీకర్‌ను శుభ్రం చేస్తాయి. కాకపోతే స్పీకర్‌ క్లీనర్‌ యాప్‌లో చాలా యాడ్స్‌ వస్తుంటాయి. వీటి బెడద వద్దనుకుంటే పెయిడ్‌ యాప్‌ ఇన్‌స్టాల్‌ చేసుకోవచ్చు.

 సిరి షార్ట్‌కట్స్‌

ఐఫోన్‌ ఐపీ రేటింగ్‌ భేషుగ్గా ఉందని కొందరు నీటిలో ముంచి మరీ ఫొటోలు తీస్తుంటారు. ఇది మంచి పద్ధతి కాదు. ఐపీ రేటింగ్‌ ఎంతున్నా సరే. స్పీకర్‌ గ్రిల్‌ నుంచి ఎంతో కొంత నీరు లోపలికి వెళ్లే అవకాశముంది. ఇది సౌండ్‌ తగ్గేలా చేస్తుంది. ఇక్కడే సిరి షార్ట్‌కట్స్‌ ఫీచర్‌ బాగా ఉపయోగపడుతుంది. సెటింగ్స్‌ మెనూ ద్వారా వెళ్లి, షార్ట్‌కట్స్‌ను ఎంచుకోవాలి. ‘అలో అన్‌ట్రస్టెడ్‌ షార్ట్‌కట్స్‌’ ఆప్షన్‌ మీద నొక్కాలి. తర్వాత Routinehub.co లో Josh0678 నుంచి ‘వాటర్‌ ఎజెక్ట్‌’ షార్ట్‌కట్‌ను డౌన్‌లోడ్‌ చేసుకోవాలి. దీన్ని ఇన్‌స్టాల్‌ చేసుకొని, ఆన్‌ చేస్తే రకరకాల శబ్దాలు పుట్టుకొస్తాయి. ఇవి స్పీకర్‌ నుంచి నీరు బయటకు వెళ్లేలా చేస్తాయి. సోనిక్‌ యాప్‌ సైతం ఇందుకు ఉపయోగపడుతుంది. ఇదీ శబ్దాలతో నీరును తొలగించేస్తుంది. ఇది పెయిడ్‌ వర్షన్‌లోనూ అందుబాటులో ఉంటుంది.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని