Published : 27/05/2021 22:05 IST

Quarantine: చెమటలు చిందిస్తున్న ‘మిథాలి’ సేన

ఇంటర్నెట్‌డెస్క్‌: ఇంగ్లాండ్‌ పర్యటనకు ముందు టీమ్‌ఇండియా మహిళా జట్టు ప్రస్తుతం ముంబయిలోని ఓ హోటల్‌లో కఠిన క్వారంటైన్‌లో ఉందనే సంగతి తెలిసిందే. ఈ సందర్భంగా క్రికెటర్లు అక్కడ హాయిగా సేద తీరుతూనే ఖాళీ సమయంలో జిమ్‌లో కసరత్తులు చేస్తున్నారు. మూడు సిరీస్‌ల్లో రాణించాలనే లక్ష్యంతో శారీరకంగా ఎంతో కష్టపడుతున్నారు. అందుకు సంబంధించిన విడియోను మహిళల బీసీసీఐ కాసేపటి క్రితం అభిమానులతో పంచుకుంది. అందులో కెప్టెన్‌ మిథాలిరాజ్‌తో పాటు ఇతర సభ్యులు  అనేక వ్యాయామాలు చేస్తూ చెమటలు చిందిస్తూ పట్టుదలగా కనిపిస్తున్నారు.

మిథాలి టీమ్‌ జూన్‌ 16 నుంచి 20 వరకు ఇంగ్లాండ్‌తో నాలుగు రోజుల టెస్టు మ్యాచ్‌ ఆడనుండగా, అదేనెల 27 నుంచి జులై 3 వరకు మూడు వన్డేల సిరీస్‌, జులై 9 నుంచి 14వ వరకు మూడు టీ20ల సిరీస్‌లో తలపడనుంది. కాగా, గతేడాది టీ20 ప్రపంచకప్‌ సందర్భంగా ఫైనల్లో ఆస్ట్రేలియా చేతిలో ఓటమిపాలైన టీమ్‌ఇండియా మహిళా జట్టు  ఏడాది తర్వాత మళ్లీ గత మార్చిలో దక్షిణాఫ్రికాతో అంతర్జాతీయ క్రికెట్‌ ఆడింది. ఈ సందర్భంగా ఐదు వన్డేల సిరీస్‌తో పాటు మూడు టీ20ల సిరీస్‌ సైతం ఓటమిపాలైంది. ఈ క్రమంలోనే ఇంగ్లాండ్‌లో రాణించాలనే పట్టుదలతో భారత జట్టు తీవ్రంగా శ్రమిస్తోంది.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని