IND vs PAK: భారత్ 12.. పాకిస్థాన్ 0.. దిగ్గజాలు ఏమన్నారంటే?
చిరకాల ప్రత్యర్థులు భారత్-పాకిస్థాన్ జట్లు మరో రసవత్తరపోరుకు సిద్ధమయ్యాయి. ఆదివారం దుబాయ్ వేదికగా 2021 టీ20 ప్రపంచకప్లో తలపడనున్నాయి...
చిరకాల ప్రత్యర్థులు భారత్, పాకిస్థాన్ జట్లు మరో రసవత్తర పోరుకు సిద్ధమయ్యాయి. ఆదివారం దుబాయ్ వేదికగా 2021 టీ20 ప్రపంచకప్లో తలపడనున్నాయి. ఇప్పటికే ఈ మ్యాచ్ కోసం రెండు దేశాల్లోని అభిమానులతో పాటు ప్రపంచ వ్యాప్తంగా ఉన్న క్రికెట్ ప్రేమికులు ఎంత ఆసక్తిగానో ఎదురుచూస్తున్నారు. మరోవైపు భారత్లోనూ ఆ వాతావరణం మరింత వేడెక్కింది. ఇప్పటి వరకూ జరిగిన ప్రపంచకప్ పోటీల్లో భారత్, పాక్ 12 సార్లు తలపడగా.. సంపూర్ణ ఆధిపత్యం టీమ్ ఇండియాదే. ఈ నేపథ్యంలోనే ఇటీవల ఇరు దేశాల దిగ్గజ ఆటగాళ్లతో పాటు పలువురు మాజీలు సైతం ఈ మ్యాచ్పై స్పందించి తమ అభిప్రాయాలు పంచుకున్నారు.
ఎవరేమన్నారో ఇక్కడ చూద్దాం..
‘‘ప్రపంచకప్ మ్యాచ్ల్లో పాక్పై భారత్ ఆధిక్యం 13-0 అయ్యే అవకాశాలు మెండుగా ఉన్నాయి. ప్రత్యర్థిపై అజేయంగా ఉన్న రికార్డును టీమ్ఇండియా కొనసాగిస్తుంది. ఈ జట్టులోని ఆటగాళ్లందరూ నిజమైన మ్యాచ్ విన్నర్లు. ప్రపంచకప్ గెలవాలనే పదేళ్ల నిరీక్షణకు ఈ జట్టు ముగింపు పలుకుతుందనే ఆశతో ఉన్నాం’’ - సౌరభ్ గంగూలీ
‘‘అవును.. ప్రపంచకప్ల్లో మేం భారత్ను ఓడించలేదు. కానీ వరల్డ్ కప్ మ్యాచ్లో అడుగు పెట్టేటప్పుడు ఈ విషయాలను పట్టించుకోవాల్సిన అవసరం లేదు. అది గణాంక నిపుణుడి పని. కానీ ఓ ఆటగాడిగా ఈ రికార్డు నన్ను కానీ లేదా ఏ పాకిస్థాన్, భారత్ ఆటగాణ్ని కానీ ప్రభావితం చేయదనే అనుకుంటా. భారత్, పాక్ మ్యాచ్ ఎంతో కీలకమైంది. టోర్నీలో ఇదే పెద్ద మ్యాచ్’’ - వసీమ్ అక్రమ్
‘‘ఒక బౌలర్గా నేను.. బుమ్రా ఈ టోర్నీలో ఆధిపత్యం చెలాయించాలని కోరుకుంటున్నా. అతను ముందుకొచ్చి వికెట్లు తీయడంతో పాటు దేశం కోసం టోర్నీని గెలిచే బాధ్యత భుజాలకెత్తుకోవాలి. మ్యాన్ ఆఫ్ ది టోర్నీగా నిలవాలి. జట్టులో అతనో విశిష్టమైన ఆటగాడు. భారత్, పాక్ మ్యాచ్లో అతను నిర్ణయాత్మక పాత్ర పోషిస్తాడు’’ - కపిల్ దేవ్
‘‘భారత్-పాక్ మ్యాచ్ అనేది ఎప్పుడూ అధిక ఒత్తిడిలో జరుగుతుంది. అలాంటప్పుడు ఏ జట్టు బాగా ఒత్తిడిని తట్టుకొని ఆడుతుందో అదే గెలుస్తుంది. అలాగే తక్కువ తప్పులు చేసే జట్టే విజయం సాధించడానికి ఎక్కువ అవకాశాలు ఉంటాయి’’ -షాహిద్ అఫ్రిది
‘‘భారత్, పాక్ మధ్య మ్యాచ్ అంటే ఎప్పుడూ భారీగానే ఉంటుంది. ఈ మ్యాచ్ చుట్టూ ఎన్నో ఊహాగానాలు నెలకొంటాయి, ప్రచారం సాగుతోంది. ఈ పోరులో టీమ్ఇండియానే స్పష్టమైన ఫేవరెట్. అదే వేదికల్లో ఐపీఎల్ ఆడిన భారత్కు పాక్ కంటే ఎక్కువ ప్రయోజనం ఉంటుంది’’ - మహమ్మద్ అజహరుద్దీన్
‘‘ధోని మెంటార్గా రావడం ఈ ప్రపంచకప్లో భారత్కు అధిక ప్రయోజనాన్ని కలిగిస్తుంది. పాక్ పరంగా చూస్తే ఈ మ్యాచ్లో మా జట్టు గెలిచి టీ20 ప్రపంచకప్లో భారత్ ఆధిపత్యాన్ని 1-5కి తగ్గిస్తుందని అనుకుంటున్నా. ఇలాంటి మ్యాచ్ల్లో రాణించిన వాళ్లే దిగ్గజాలుగా ఎదుగుతారు’’ - యూనిస్ ఖాన్
‘‘ఉపఖండంలో టీమ్ఇండియా అంత ప్రమాదకరమైన జట్టు ఏదీ ఉండదు. భారత్-పాక్ మ్యాచ్లో గెలిచిన జట్టు టోర్నీ మొత్తం పూర్తి ఆత్మవిశ్వాసంతో సాగుతుంది. ఇక ఆదివారం దాయాది జట్ల మధ్య పోరు చూడటం అద్భుతంగా ఉంటుంది. అయితే, ఇది టీ20 క్రికెట్ అయినందున ఎవరు గెలుస్తారనేది చెప్పడం చాలా కష్టం. ఒకవేళ ఇందులో పాక్ గెలిస్తే.. ప్రపంచకప్లో భారత్ను ఓడించడం ఇదే తొలిసారి అవుతుంది’’ -ఇంజమామ్ ఉల్ హక్
‘‘ప్రపంచకప్లో పాకిస్థాన్తో పోటీపడినప్పుడల్లా టీమ్ఇండియా ఎక్కువ ఒత్తిడికి గురికాదు. ఎందుకంటే ఐసీసీ టోర్నీల్లో భారత్ ఎప్పుడూ పాక్ కన్నా మెరుగైన ప్రదర్శనే చేసింది. అలాగే ప్రతిసారీ పాక్ ఆటగాళ్ల నుంచే పెద్ద పెద్ద మాటలు వినిపిస్తాయి.భారత్లో ఎవరూ అలా చేయరు. టీమ్ఇండియా కేవలం బాగా సన్నద్ధమవ్వడంపైనే దృష్టిసారిస్తుంది. అలా చేస్తే ఎలాంటి ఫలితాలు వస్తాయో మనకు తెలిసిందే’’ -వీరేంద్ర సెహ్వాగ్
‘‘ఈ మ్యాచ్లో ఎవరు గెలుస్తారో చెప్పడం చాలా కష్టం. ఎందుకంటే ఇది టీ20 మ్యాచ్. ఎవరైనా గెలవొచ్చు. కానీ, టీమ్ఇండియానే కాస్త ఫేవరెట్గా ఉంది. ఆ జట్టు ఐపీఎల్ ఆడి నేరుగా ప్రపంచకప్లో ఆడుతుండటంతో అక్కడి పరిస్థితులపై మంచి అవగాహన ఉంటుంది. ఇక విరాట్ కోహ్లి ఓ దిగ్గజం. ఎప్పుడూ నిలకడగా రాణించే అతడి ఆటతీరు అద్భుతం. దాయాదుల పోరులో ఎప్పుడూ ఒత్తిడి ఉంటుంది. అలాంటప్పుడు కూడా ఎలా సత్తాచాటాలో కోహ్లీకి తెలుసు’’ - మహమ్మద్ ఆమిర్
‘‘పాకిస్థాన్తో మ్యాచ్ అంటే కచ్చితంగా ఒత్తిడి ఉంటుంది. రెండు జట్ల ఆటగాళ్లు అన్ని మ్యాచ్ల్లాగే ఇది కూడా సాధారణ మ్యాచ్లాగే ఉంటుందని చెబుతారు. కానీ, అది నిజం కాదు. ప్రతి ఒక్కరూ ఒత్తిడికి గురవుతారు. ఎవరైతే దాన్ని తట్టుకుంటారో వారే విజేతగా నిలుస్తారు’’ -సురేశ్ రైనా
‘‘పాకిస్థాన్ గెలవాలంటే ధైర్యంగా ఆడాలి. కచ్చితమైన ప్రణాళికలు రూపొందించాలి. భారత్ బలంగా ఉన్నా దాన్ని చూసి భయపడొద్దు. ఒంటిచేత్తో మ్యాచ్ను గెలిపించగల ఆటగాళ్లు కోహ్లీసేనలో ఉన్నారు. కానీ, టీ20 క్రికెట్లో ఎప్పుడు ఏం జరుగుతుందో ఎవరూ ఊహించలేరు. ఇప్పుడు టీమ్ఇండియా పటిష్ఠంగా ఉన్నా పాకిస్థాన్ తక్కువేమీ కాదు. ఈ మ్యాచ్లో గెలవడానికి రెండు జట్లకు సమాన అవకాశాలు ఉన్నాయనిపిస్తోంది’’ -షోయబ్ అక్తర్
‘‘ఈ మ్యాచ్లో నాయకత్వమే కీలక పాత్ర పోషిస్తుంది. అలాగే పాక్ కెప్టెన్ బాబర్ అజామ్పై ఒత్తిడి అధికంగా ఉంటుంది. అతడు సారథిగా కొనసాగుతూనే ప్రధాన బ్యాట్స్మన్గా ఆడాల్సి ఉంటుంది. మరోవైపు టీమ్ఇండియాలో కేఎల్ రాహుల్ పాకిస్థాన్కు కీలక వికెట్గా మారనున్నాడు. అతడు పొట్టి ఫార్మాట్లో అద్భుతంగా రాణించడం నేను గమనించా. అతడే ప్రత్యర్థి జట్టుకు ప్రమాదకర బ్యాట్స్మన్’’ - మాథ్యూ హెడెన్
‘‘పాకిస్థాన్ యూఏఈ పిచ్లపై బాగా ఆడుతుంది. తనదైన రోజు ప్రపంచంలోని ఏ జట్టునైనా ఓడిస్తుంది. ఈసారి ఎలాగైనా భారత్ను ఓడించాలని పట్టుదలగా ఉంది. అయితే, టీమ్ఇండియా పైచేయి సాధిస్తుంది. ప్రపంచకప్లో దాయాది జట్టుపై భారత జట్టుకు అమోఘమైన చరిత్ర ఉంది. దీంతో పాకిస్థాన్పైనే ఒత్తిడి ఉంటుంది. టీమ్ఇండియాకు కాదు’’ -మాంటీ పనేసర్
-ఇంటర్నెట్డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెరో రూ. 12 లక్షలు కట్టండి.. కెప్టెన్లకు జరిమానా
లఖ్నవూ కెప్టెన్ కేఎల్ రాహుల్, చెన్నై సారథి రుతురాజ్ గైక్వాడ్కు ఐపీఎల్ అడ్వైజరీ కమిటీ జరిమానా విధించింది. -
ధోనీ ఎంట్రీ ఎఫెక్ట్.. వామ్మో వినికిడి కోల్పోమా..? : లఖ్నవూ స్టార్ వైఫ్
సొంత మైదానంలో లఖ్నవూ విజయం సాధించింది. ఆ జట్టు గెలుపు కంటే మరొక అంశం అభిమానులను ఆకట్టుకుంది. అదే ఎంఎస్ ధోనీ (MS Dhoni) బ్యాటింగ్ వీరవిహారం. -
ధోని.. ఇంకా నాటౌటే
చివరి సీజన్గా భావిస్తున్న ఈ ఐపీఎల్లో బ్యాటింగ్ చేస్తోంది తక్కువసేపే అయినా అభిమానులను ఉర్రూతలూగిస్తున్నాడు ధోని. -
కేఎల్ రాహుల్ కెప్టెన్ ఇన్నింగ్స్.. చెన్నైకి చెక్
ఏక్నా స్టేడియంలోని నెమ్మదైన పిచ్పై స్కోరు 160 దాటిందంటే ఛేదన కష్టమే. ఓ దశలో చెన్నై 150 అయినా చేస్తుందా అనుకుంటే.. గత మ్యాచ్లో ముంబయిపై చెలరేగినట్లే మహేంద్రసింగ్ ధోని ఈ మ్యాచ్లోనూ ఆఖర్లో మెరుపు ఇన్నింగ్స్ ఆడడంతో చెన్నై స్కోరు 176కు చేరుకుంది. -
కుర్రాళ్లు కుమ్మేస్తున్నారు
ఛేదనలో నాలుగైదు వికెట్లు పడ్డాయా? అయినా భయం లేదు తామున్నామంటూ సత్తాచాటుతున్నారు. -
బుమ్రా బౌలింగ్లో స్వీప్ షాట్.. నా కల!
అశుతోష్ శర్మ.. ఈ ఐపీఎల్లో గట్టిగా వినిపిస్తున్న కొత్త పేరు. -
రేసులో గుకేశ్ ఒక్కడే..
క్యాండిడేట్స్ చెస్ టోర్నమెంట్లో భారత యువ కెరటం గుకేశ్ మళ్లీ ఆధిక్యంలోకి వచ్చాడు. -
మెరిసిన ఇషా, భవేష్
ఒలింపిక్స్ సెలెక్షన్ ట్రయల్స్లో అగ్రశ్రేణి షూటర్లు ఇషా సింగ్, భవేష్ షెకావత్ మెరిశారు. -
దీపకు నాలుగో స్థానం
దోహాలో జరిగిన జిమ్నాస్టిక్స్ ప్రపంచకప్ను భారత స్టార్ దీప కర్మాకర్ నాలుగో స్థానంతో ముగించింది. -
భారత రెజ్లర్లు విఫలం
ఆసియా ఒలింపిక్ క్వాలిఫయర్స్లో భారత పురుష రెజ్లర్లు విఫలమయ్యారు. -
విమానం ఆలస్యమై...
భారత ఉత్తమ రెజ్లర్లలో ఇద్దరైన దీపక్ పునియా (86 కేజీలు), సుజీత్ కలాకల్ (65 కేజీలు)కు నిరాశ తప్పలేదు. -
రాకెట్ వదిలేద్దాం అనుకున్నా
గత కొన్నేళ్లలో కెరీర్లో ఎంతో క్లిష్ట పరిస్థితిని ఎదుర్కొన్నానని.. ఒకటికి రెండుసార్లు బ్యాడ్మింటన్కు వీడ్కోలు చెప్పాలని భావించానని భారత డబుల్స్ స్టార్ అశ్విని పొన్నప్ప తెలిపింది. -
చెరువుల సంరక్షణ కోసం ఆర్సీబీ
ఐపీఎల్ జట్టు రాయల్ ఛాలెంజర్స్ బెంగళూరు ఓ బృహత్తర కార్యక్రమాన్ని చేపట్టింది.
తాజా వార్తలు (Latest News)
-
దుర్గారావును చూపించాలంటూ ఆందోళన.. సీపీ కార్యాలయం వద్ద ఉద్రిక్తత
-
‘మా చిత్రాన్ని మరో ‘అన్బే శివం’ చేయొద్దు’: విజయ్ ఆంటోనీ వైరల్ పోస్ట్
-
నా భార్య ఆహారంలో టాయిలెట్ క్లీనర్ కలుపుతున్నారు: ఇమ్రాన్ ఖాన్ ఆరోపణలు
-
చెరో రూ. 12 లక్షలు కట్టండి.. కెప్టెన్లకు జరిమానా
-
స్మిత ఇంట సీతారాముల కల్యాణం.. నాని సందడి
-
కుప్పంలో చంద్రబాబు జన్మదిన వేడుకలు.. కేక్ కట్ చేసిన నారా భువనేశ్వరి