Lovlina Borgohain: కిక్ బాక్సర్గా ఓనమాలు దిద్ది.. కరోనాకు పంచ్ ఇచ్చి.. కాంస్యానికి ముద్దిచ్చి..
ప్రపంచంలోనే అతిపెద్ద క్రీడా సంబరమైన ఒలింపిక్స్లో ఆడటం ప్రతి అథ్లెట్ కల. ఆ అవకాశం టోక్యో ఒలింపిక్స్తో దక్కించుకుంది 23ఏళ్ల యువ బాక్సర్ లవ్లీనా బొర్గోహెన్.
టోక్యో ఒలింపిక్స్ బాక్సింగ్లో యువ సంచలనం లవ్లీనా బొర్గోహెన్
ప్రపంచంలోనే అతిపెద్ద క్రీడా సంబరమైన ఒలింపిక్స్లో ఆడటం ప్రతి అథ్లెట్ కల. ఆ అవకాశం టోక్యో ఒలింపిక్స్తో దక్కించుకుంది 23ఏళ్ల యువ బాక్సర్ లవ్లీనా బొర్గోహెన్. అయితే పోటీలకు ముందు అనుకోకుండా కరోనా మహమ్మారి బారిన పడి కొంతకాలం పాటు శిక్షణకు దూరమైన ఆమె.. ఆత్మస్థైర్యంతో పోటీల్లో అడుగుపెట్టింది. ఆరంభం నుంచి దూకుడుగా ఆడుతూ ఇప్పుడు సెమీస్కు చేరింది. ఒలింపిక్స్ బాక్సింగ్లో సంచలనం సృష్టించిన లవ్లీనా.. అరంగేట్ర పోటీల్లోనే కాంస్య పతకాన్ని ముద్దాడింది..!
కిక్ బాక్సింగ్ నుంచి..
అస్సాంలోని గోలాఘాట్ జిల్లా బారో ముఖియా గ్రామంలో 1997 అక్టోబరు 2న జన్మించింది లవ్లీనా. తండ్రి చిరు వ్యాపారి. ఆమె కంటే పెద్దవారైన ఇద్దరు కవల సోదరీమణులు కిక్ బాక్సింగ్లో జాతీయ స్థాయి పోటీల్లో పాల్గొన్నారు. అక్కలను చూసి తన కూడా ముందు కిక్ బాక్సింగ్ను ఎంచుకుంది. జిల్లా స్థాయిలో పలు పోటీల్లో పాల్గొంది. ఒకరోజు స్పోర్ట్ అథారిటీ ఆఫ్ ఇండియా ఆమె చదువుతున్న హైస్కూల్లో పోటీలు నిర్వహించింది. అందులో లవ్లీనా కూడా పోటీ చేసింది. ఆమె ప్రతిభను గుర్తించిన ప్రముఖ కోచ్ పదుమ్ బోరో ఆమెను కిక్ బాక్సింగ్ నుంచి బాక్సింగ్కు పరిచయం చేశారు. అలా 2012 నుంచి ఆమె బాక్సింగ్లో శిక్షణ తీసుకుంది. ఆ తర్వాత పలు జాతీయ, అంతర్జాతీయ పోటీల్లో పాల్గొంది.
రెండు సార్లు ప్రపంచ ఛాంపియన్..
2017లో జరిగిన ఆసియా బాక్సింగ్ ఛాంపియన్షిప్లో కాంస్యం గెలుచుకోవడంతో లవ్లీనా పేరు బాక్సింగ్ ప్రపంచానికి తెలిసింది. ఆ తర్వాత 2018లో ఆమె కెరీర్ ఒక్కసారిగా మలుపు తిరిగింది. ఆ ఏడాది దిల్లీలో జరిగిన మహిళల ప్రపంచ బాక్సింగ్ ఛాంపియన్షిప్ పోటీల్లో అరంగేట్రం చేసిన లవ్లీనా.. 69కేజీల విభాగంలో కాంస్య పతకం సాధించి అందర్నీ ఆశ్చర్యపర్చింది. ఆ మరుసటి ఏడాదే రష్యాలో జరిగిన మహిళల ప్రపంచ బాక్సింగ్లో మళ్లీ కాంస్యపతకం సాధించింది. అంతేగాక ఆసియా బాక్సింగ్ ఛాంపియన్షిప్లో రెండు సార్లు కాంస్యాలు దక్కించుకుంది.
కరోనాను ఎదిరించి..
2020 మార్చిలో జరిగిన ఆసియా అండ్ ఓషినియా బాక్సింగ్ ఒలింపిక్ అర్హత టోర్నమెంట్లో గెలిచి టోక్యో ఒలింపిక్స్ 2020లో లవ్లీనా బెర్తు ఖరారు చేసుకుంది. గతేడాది జరగాల్సిన ఈ పోటీలు కరోనా కారణంగా ఏడాదిపాటు వాయిదా పడిన విషయం తెలిసిందే. అదే సమయంలో లవ్లీనా తల్లి మమోనీ బొర్గోహెన్కు కిడ్నీ మార్పిడి జరిగింది. దీంతో తల్లిని చూసేందుకు స్వస్థలానికి వెళ్లిన లవ్లీనాకు కరోనా పాజిటివ్ వచ్చింది. దీంతో ఒలింపిక్స్లో అర్హత సాధించిన 16 బాక్సర్లకు సాయ్ కేటాయించిన 56 రోజుల యూరప్ శిక్షణ టూర్కు ఆమె వెళ్లలేకపోయింది.
కరోనా సోకిన సమయంలో లవ్లీనా ఆరోగ్యం కూడా బాగా దెబ్బతింది. ‘‘కొవిడ్ బారిన పడిన తర్వాత ఎన్నో ఇబ్బందులు పడ్డా. సాధన చేసేందుకు కూడా నా ఆరోగ్యం సహకరించలేదు. అయినా నేను కుంగిపోలేదు. సానుకూల దృక్పథంతో ఉన్నా. మెడిటేషన్ చేసి మనసును ప్రశాంతంగా ఉంచుకున్నా. భవిష్యత్ అవకాశాలపై దృష్టిపెట్టా’’ అని ఒకానొక సమయంలో లవ్లీనా చెప్పింది. కరోనా నుంచి కోలుకున్న తర్వాత మళ్లీ వేగంగా శిక్షణ మొదలుపెట్టింది.
అరంగేట్రమే అయినా..
లవ్లీనా ఒలింపిక్స్లో ఆడటం ఇదే తొలిసారి. అయినా భయపడలేదు. అదిరిపోయే పంచులతో క్వార్టర్స్ వరకు చేరింది. క్వార్టర్స్లో మాజీ ప్రపంచ ఛాంపియన్, చైనీస్ తైపీ బాక్సర్ నిన్-చిన్తో తలపడింది. దూకుడు ప్రదర్శించకుండా తెలివిగా పంచ్లు విసురుతూ ప్రత్యర్థిని కట్టడి చేసింది. 4-1 స్కోరుతో ఘన విజయం సాధించి.. సెమీస్కు దూసుకెళ్లింది. ఒత్తిడి చిత్తుచేసే పోటీలో స్వర్ణ పతక ఫేవరెట్ సుర్మనెలి (టర్కీ)తో పోరాడి ఓడింది. 0-5తో ఓటమి పాలైనా స్ఫూర్తిదాయక ప్రదర్శనతో మెప్పించింది. ఒలింపిక్స్లో పతకం సాధించిన భారత మూడో బాక్సర్గా చరిత్ర సృష్టించింది. ఆమె ముద్దాడేది కాంస్యమే అయినా 9 ఏళ్ల తర్వాత భారత బాక్సింగ్కు అందిన ఈ పతకం స్వర్ణంతో సమానమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
MS Dhoni: ధోని.. ఇంకా నాటౌటే
చివరి సీజన్గా భావిస్తున్న ఈ ఐపీఎల్లో బ్యాటింగ్ చేస్తోంది తక్కువసేపే అయినా అభిమానులను ఉర్రూతలూగిస్తున్నాడు ధోని. -
కేఎల్ రాహుల్ కెప్టెన్ ఇన్నింగ్స్.. చెన్నైకి చెక్
ఏక్నా స్టేడియంలోని నెమ్మదైన పిచ్పై స్కోరు 160 దాటిందంటే ఛేదన కష్టమే. ఓ దశలో చెన్నై 150 అయినా చేస్తుందా అనుకుంటే.. గత మ్యాచ్లో ముంబయిపై చెలరేగినట్లే మహేంద్రసింగ్ ధోని ఈ మ్యాచ్లోనూ ఆఖర్లో మెరుపు ఇన్నింగ్స్ ఆడడంతో చెన్నై స్కోరు 176కు చేరుకుంది. -
కుర్రాళ్లు కుమ్మేస్తున్నారు
ఛేదనలో నాలుగైదు వికెట్లు పడ్డాయా? అయినా భయం లేదు తామున్నామంటూ సత్తాచాటుతున్నారు. -
బుమ్రా బౌలింగ్లో స్వీప్ షాట్.. నా కల!
అశుతోష్ శర్మ.. ఈ ఐపీఎల్లో గట్టిగా వినిపిస్తున్న కొత్త పేరు. -
రేసులో గుకేశ్ ఒక్కడే..
క్యాండిడేట్స్ చెస్ టోర్నమెంట్లో భారత యువ కెరటం గుకేశ్ మళ్లీ ఆధిక్యంలోకి వచ్చాడు. -
మెరిసిన ఇషా, భవేష్
ఒలింపిక్స్ సెలెక్షన్ ట్రయల్స్లో అగ్రశ్రేణి షూటర్లు ఇషా సింగ్, భవేష్ షెకావత్ మెరిశారు. -
దీపకు నాలుగో స్థానం
దోహాలో జరిగిన జిమ్నాస్టిక్స్ ప్రపంచకప్ను భారత స్టార్ దీప కర్మాకర్ నాలుగో స్థానంతో ముగించింది. -
భారత రెజ్లర్లు విఫలం
ఆసియా ఒలింపిక్ క్వాలిఫయర్స్లో భారత పురుష రెజ్లర్లు విఫలమయ్యారు. -
విమానం ఆలస్యమై...
భారత ఉత్తమ రెజ్లర్లలో ఇద్దరైన దీపక్ పునియా (86 కేజీలు), సుజీత్ కలాకల్ (65 కేజీలు)కు నిరాశ తప్పలేదు. -
రాకెట్ వదిలేద్దాం అనుకున్నా
గత కొన్నేళ్లలో కెరీర్లో ఎంతో క్లిష్ట పరిస్థితిని ఎదుర్కొన్నానని.. ఒకటికి రెండుసార్లు బ్యాడ్మింటన్కు వీడ్కోలు చెప్పాలని భావించానని భారత డబుల్స్ స్టార్ అశ్విని పొన్నప్ప తెలిపింది. -
చెరువుల సంరక్షణ కోసం ఆర్సీబీ
ఐపీఎల్ జట్టు రాయల్ ఛాలెంజర్స్ బెంగళూరు ఓ బృహత్తర కార్యక్రమాన్ని చేపట్టింది.
తాజా వార్తలు (Latest News)
-
పెళ్లి ఘట్టం.. క్యూఆర్ కోడ్లో నిక్ష్లిప్తం
-
పిల్లలతో అశ్లీల వీడియోలు తీయడం ఆందోళనకరం, నేరం : సుప్రీంకోర్టు
-
వివేకా హత్యలో నాపై రెండు క్రిమినల్ కేసులు.. అఫిడవిట్లో పేర్కొన్న అవినాష్రెడ్డి
-
స్కూల్లో హెచ్ఎంకు ఫేషియల్ వీడియో తీసిన టీచరుపై దాడి
-
సైబర్ యుద్ధాలను ఎదుర్కొనేందుకు చైనా సైన్యంలో కొత్త విభాగం
-
MS Dhoni: ధోని.. ఇంకా నాటౌటే