IPL 2021: వాళ్లు మెరిసే మెరుపులు: మోర్గాన్.. అనుకున్నది చేయలేకపోయాం: సంజూ
కోల్కతా నైట్ రైడర్స్ అనధికారికంగా ప్లేఆఫ్స్ చేరడంపై ఆ జట్టు కెప్టెన్ ఇయాన్ మోర్గాన్ సంతోషం వ్యక్తం చేశాడు. గురువారం రాత్రి రాజస్థాన్ను ఓడించిన ఆ జట్టు మెరుగైన రన్రేట్తో కొనసాగుతోంది...
ఇంటర్నెట్డెస్క్: కోల్కతా నైట్ రైడర్స్ దాదాపు ప్లేఆఫ్స్ చేరింది. దీనిపై ఆ జట్టు కెప్టెన్ ఇయాన్ మోర్గాన్ సంతోషం వ్యక్తం చేశాడు. గురువారం రాత్రి రాజస్థాన్ను ఓడించిన ఆ జట్టు మెరుగైన రన్రేట్తో కొనసాగుతోంది. ఇక కోల్కతా అవకాశాలను గల్లంతు చేయాలంటే ఈరోజు మ్యాచ్లో ముంబయి ఇండియన్స్ 171 పరుగుల భారీ తేడాతో సన్రైజర్స్ను ఓడించాలి. అయితే అది అసాధ్యమనే చెప్పాలి. ఈ నేపథ్యంలో గతరాత్రి మోర్గాన్ మాట్లాడాడు.
‘టాస్ ఓడి బ్యాటింగ్కు దిగి ఒక లక్ష్యాన్ని నిర్దేశించడం అంత తేలిక కాదు. అయినా, మా ఓపెనర్లు వెంకటేశ్ అయ్యర్, శుభ్మన్గిల్ అద్భుతంగా ఆడారు. రెండో దశలో వీరిద్దరూ మా జట్టుకు షైనింగ్ స్టార్స్లా మారారు. అవకాశాలను సద్వినియోగం చేసుకున్నారు. రాజస్థాన్ బౌలింగ్ను మంచి టైమింగ్తో ఎదుర్కొన్నారు. ఇక రసెల్ స్థానంలో షకిబ్ జట్టులోకి వచ్చి రాణించడం గొప్పగా ఉంది. అయితే, మేం రసెల్ సేవలను కొద్దిగా మిస్సవుతున్నాం. ఎందుకంటే అతడు సరైన ఆల్రౌండర్. గాయం బారిన పడిన అతడు త్వరగా కోలుకుంటాడని ఆశిస్తున్నాం. ఇక ఈ విజయంతో ప్లేఆఫ్స్కు చేరువైనందుకు సంతోషంగా ఉంది’ అని మోర్గాన్ వివరించాడు.
ఇక్కడ 171 పరుగులు ఛేదించొచ్చు: సంజూ
అనంతరం రాజస్థాన్ కెప్టెన్ సంజూ శాంసన్ మాట్లాడుతూ ఈ పిచ్పై 171 పరుగుల లక్ష్యాన్ని ఛేదించొచ్చని చెప్పాడు. ‘ఈ వికెట్పై అంత స్కోర్ సాధించొచ్చు. అందుకోసం శుభారంభం చేయాలని అనుకున్నాం. పవర్ప్లేలో భారీ పరుగులు సాధించాలనుకున్నాం. దానికి తగ్గట్టు ప్రణాళికలు రూపొందించుకున్నా.. వాటిని అమలుచేయలేకపోయాం. అయితే, ఈ సీజన్లో మేం చాలా సవాళ్లను ఎదుర్కొన్నాం. మా ఆటగాళ్ల పట్టుదల చూసి నేను గర్వపడుతున్నా. ఒక సారథిగా నేను ఎక్కువ పరుగులు చేయడం కన్నా మరిన్ని విజయాలు సాధించి ఉంటే ఇంకా సంతోషించేవాడిని. ఈరోజు కోల్కతా బాగా ఆడింది. గిల్, రాణా, త్రిపాఠి ప్రతిఒక్కరూ రాణించడంతో మేం మ్యాచ్ను కోల్పోయాం. 171 పరుగుల లక్ష్యాన్ని 11 ఓవర్లలో మేం సాధించాలని పంజాబ్ కింగ్స్ ఆశపడింది. కానీ, అది సాధ్యం కాలేదు. 9 ఓవర్లకే మా స్కోర్ 35/7 చూసి ముంబయి కూడా నిరాశ చెంది ఉంటుంది. రాహుల్ తెవాతియా(44) పోరాడినా.. శివమ్ మావి, లాకీ ఫెర్గూసన్ తమ బౌలింగ్తో విజృంభించారు. కేకేఆర్ మెరుగైన రన్రేట్తో ఇప్పటికే ప్లేఆఫ్స్ చేరినా అధికారికంగా తేలేవరకూ వేచి చూడాలి’ అని సంజూ అభిప్రాయపడ్డాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.