Published : 01/06/2021 01:37 IST

 WTC Finals: ‘కోహ్లీసేన’ పరుగులు ప్రారంభం..

ఇంటర్నెట్‌ డెస్క్‌: టీమ్‌ఇండియా ఆటగాళ్లంతా మళ్లీ కలుసుకున్నారు. రెండు వారాల కఠిన క్వారంటైన్‌ అనంతరం అంతా కలిసి జిమ్‌లో చెమటోడ్చారు. ఇంగ్లాండ్‌తో టెస్టు సిరీస్‌ ముగిశాక ఐపీఎల్‌ 14వ సీజన్‌లో పాల్గొన్న వారంతా టోర్నీ వాయిదా పడటంతో కుటుంబ సభ్యులతో కలిసి కాస్త విశ్రాంతి తీసుకున్నారు. ఈ క్రమంలోనే వచ్చేనెలలో ప్రపంచ టెస్టు ఛాంపియన్‌షిప్ ఆడేందుకు ఇంగ్లాండ్‌ పర్యటనకు వెళుతున్న నేపథ్యంలో రెండు వారాల క్రితం ముంబయిలోని ఓ స్టార్‌ హోటల్లో కఠిన క్వారంటైన్‌లోకి వెళ్లారు. ఆ గడువు ముగియడంతో ఇప్పుడు అంతా కలిసి జిమ్‌లో వర్కవుట్లు చేస్తున్నారు.

అందుకు సంబంధించిన వీడియోను బీసీసీఐ కొద్దిసేపటి క్రితమే ట్విటర్‌లో అభిమానులతో పంచుకుంది. కెప్టెన్‌ విరాట్‌ కోహ్లీ, టెస్టు వైస్‌ కెప్టెన్‌ అజింక్య రహానె, పుజారా, రవీంద్ర జడేజా, రిషభ్‌ పంత్‌, జస్ప్రిత్‌ బుమ్రా, మయాంక్‌ అగర్వాల్‌ లాంటి కీలక ఆటగాళ్లంతా సోమవారం తమ సన్నద్ధం ప్రారంభించారు. టీమ్‌ఇండియా స్ట్రెంత్‌ అండ్‌ కండీషనింగ్‌ కోచ్‌ సోహం దేశాయి నేతృత్వంలో పలు వర్కవుట్లు చేశారు.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని