Virat-Anushka: విరాట్..నాకు ఆ రోజు ఇంకా గుర్తుంది: అనుష్క శర్మ

ఇంటర్నెట్ డెస్క్‌: టెస్టు కెప్టెన్సీకి వీడ్కోలు పలికిన నేపథ్యంలో విరాట్ కోహ్లీకి అనుష్క శర్మ సోషల్‌ మీడియా వేదికగా ఓ భావోద్వేగ సందేశం పోస్టు చేసింది. ‘‘2014లో ఎంఎస్‌ ధోనీ టెస్టు క్రికెట్‌ నుంచి రిటైర్‌మెంట్ కాబోతున్నాడని .. తదుపరి భారత కెప్టెన్‌గా ఎంపిక అవుతున్నట్లు చెప్పిన రోజు నాకింకా గుర్తుంది. ఆ తర్వాత ఓ రోజు ఎంఎస్‌డీ, నువ్వు, నేనూ మాట్లాడుకుంటూ ‘నీ గడ్డం ఎంత త్వరగా నెరిసిపోతుందో చూడు’ అని ధోనీ వేసిన జోక్‌ను బాగా ఎంజాయ్‌ చేశాం కదా. ఆ రోజు నుంచి నీ గడ్డం నెరవడం చూడటమే కాకుండా నీలో ఎంతో వృద్ధిని చూశా. టీమ్‌ఇండియా కెప్టెన్‌గా నీ ఎదుగుదలతో పాటు సాధించిన విజయాలకు ఎంతో గర్వపడుతున్నా. ఈ ఏడేళ్లలో నేర్చుకున్న విషయాలను తండ్రిలో మన పాపాయి తప్పకుండా చూస్తుంది’’ అని పోస్ట్‌ చేసింది. ఇన్‌స్టాగ్రామ్‌లో అనుష్క శర్మ చేసిన పోస్ట్‌ మీ కోసం..