మన క్రికెటర్లూ ఆహార ప్రియులే..!
ఫిట్గా ఉండాలంటే క్రమం తప్పక వ్యాయామం చేయాలి. ఆహార నియమాలు పాటించాలి. అందులోనూ ఓ క్రికెటర్ అయితే.. ప్రత్యేక డైట్ పాటించాల్సిందే. కసరత్తులు చేస్తూ ఫిట్గా తయారవ్వాల్సిందే. కానీ ఎంత ఫిట్గా తయారైనా.. ఎంతటి డైట్ పాటించినా.. వీలుచిక్కినపుడు డైట్కి కాస్త కామా పెట్టి నచ్చింది లాగించేస్తారు. ...
చిత్రం: అధికారిక ట్విటర్ ఖాతా నుంచి..
ఇంటర్నెట్ డెస్క్: ఫిట్గా ఉండాలంటే క్రమం తప్పక వ్యాయామం చేయాలి. ఆహార నియమాలు పాటించాలి. అందులోనూ ఓ క్రికెటర్ అయితే.. ప్రత్యేక డైట్ పాటించాల్సిందే. కసరత్తులు చేస్తూ ఫిట్గా తయారవ్వాల్సిందే. కానీ ఎంత ఫిట్గా తయారైనా.. ఎంతటి డైట్ పాటించినా.. వీలుచిక్కినపుడు డైట్కి కాస్త కామా పెట్టి నచ్చింది లాగించేస్తారు. అలా మన భారత క్రికెట్ జట్టు సభ్యులు ఇష్టపడే ఆహారం ఏంటి? వారు మెచ్చిన ఆహార పదార్థాలేంటి? ఓ లుక్కేయండి.
విరాట్ కోహ్లీ
భారత జట్టులో ఫిట్నెస్కి కేరాఫ్ అడ్రస్ కెప్టెన్ కోహ్లీ. ఎంతో మంది యువ క్రికెటర్లు విరాట్ని చూసి ఫిట్నెస్లో ప్రేరణ పొందుతుంటారు. చిన్నతనంలో నూడుల్స్, పఫ్స్ వంటి చిరుతిళ్లు ఇష్టంగా తినే ఈ దిల్లీ కుర్రాడు గత ఎనిమిదేళ్లుగా వాటన్నిటినీ తినడం తగ్గించాడు. రోజూ రెండు గంటలు జిమ్, ప్రత్యేక డైట్ ఫాలో అవుతున్నాడు. కానీ విరాట్కి జపనీస్ ఆహారమంటే ఎంతో ఇష్టం. ముఖ్యంగా ‘సుశి’ అనే వంటకాన్ని వీలు చిక్కినప్పుడల్లా లాగించేస్తాడు. ‘ఆలూ పరాఠా, చోలే భటూరే’ తదితర పంజాబీ వంటకాలన్నా తనకి మహా ఇష్టం.
ఎం.ఎస్ ధోనీ
బేసిక్గా మన మాజీ భారత క్రికెట్ జట్టు సారథి ఆహార ప్రియుడు. సమయం దొరికితే చాలు డైట్ కాస్త పక్కన పెట్టి నచ్చిన ఆహారం లాగిస్తాడు. ధోనీకి చికెన్తో చేసిన వంటకాలంటే చాలా ఇష్టం. చికెన్ కబాబ్స్, చికెన్ బటర్ మసాలా, చికెన్ టిక్కా పిజ్జా.. ఇలా చికెన్తో తయారైన ఏ వంటనైనా ఇష్టంగా తింటాడంటారు. ఓసారి ధోనీ ట్విటర్ బయోపై ఓ లుక్కేయండి. ఎప్పటికీ ‘హంగ్రీ ఫర్ చికెన్ బటర్ మసాలా’ అని రాసుకొచ్చాడు. హల్వా, కీర్ వంటి తియ్యని పదార్థాలనీ ఇష్టంగా తింటాడు.
రోహిత్ శర్మ
ఈ ముంబయి ఇండియన్సు కెప్టెన్కి వడపావ్, పావ్భాజీ అంటే చాలా ఇష్టం. రోహిత్ ఏం తీసుకుంటావ్... అని ఎవరైనా అడిగితే చటుక్కున ‘ఆలూ పరాఠా... ఆలూ పరాఠా’ అని బదులిస్తాడు. చైనీస్ వంటకాలపైనా మక్కువ చూపుతాడు. తన డైట్లో భాగంగా కోడిగుడ్లను ఎక్కువగా తీసుకుంటాడు.
కే.ఎల్ రాహుల్
ఒక్కసారి క్రీజులో నిలదొక్కుకుంటే చాలు, పరుగుల వరద పారించే యువ క్రికెటర్ కే.ఎల్ రాహుల్. ఫిట్నెస్కి చాలా ప్రాధ్యానం ఇస్తాడీ కర్ణాటక కుర్రాడు. చిరుతిళ్లు, ఆరోగ్యాన్ని పాడు చేసే ఆహార పదార్థాల వైపు అసలే చూడడు. కానీ జపనీస్ ఫుడ్ అంటే చాలా ఇష్టం. తీరిక దొరికితే రుచిరుచిగా ఉండే జపనీస్ ఫుడ్ తినేందుకు ఉవ్విళ్లూరుతాడు. చేపలు, పీతల వంటి సీఫుడ్ అంటే ఇష్టపడతాడు. రకరకాల రుచుల్లోని దోశలన్నా తనకిష్టమే.
రిషబ్ పంత్
యుజ్వేంద్ర చాహల్ మాటల ప్రకారం భారత క్రికెట్ జట్టులో అత్యధిక ఆహార ప్రియుడు రిషబ్ పంత్. ముందుంది శాకాహారమైనా, మాంసాహారమైనా ఇష్టంగా లాగించేయడమే పంత్ పనంట. టేబుల్ మీద పది వంటకాలుంటే అన్నింటినీ రుచి చూసేవరకు టేబుల్పై నుంచి కదలడట పంత్. ఆలూ పరాఠ అంటే పంత్కి చాలా ఇష్టమంటా. చోలే భటూరే అనే ఆహారాన్ని ఇష్టంగా లాగించేస్తాడంట ఈ యువ వికెట్ కీపర్. ఎన్ని ఆహార పదార్థాలు తిన్నా.. చివరికి ఐస్క్రీంని రుచి చూడనిదే టేబుల్ నుంచి కదలడంట ఈ డైనమిక్ ప్లేయర్.
యుజ్వేంద్ర చాహల్
స్పిన్ అస్త్రాలు సంధిస్తూ, చిచ్చర పిడుగులా వికెట్లు తీస్తూ... ఎప్పుడూ ఉల్లాసంగా ఉండే చాహల్ ఆహారానికి అధిక పాధాన్యతనిస్తాడు. బటర్ చికెన్ అంటే తనకెంతో ఇష్టం. దేశీయ వంటకాలన్నా మక్కువ ఎక్కువ. ముఖ్యంగా ఉత్తర భారత వంటకాలని చాలా ఇష్టంగా ఆరగిస్తాడు. చోలే కుల్చే, పానీ పూరీ, దాల్ తడ్కా, రాజ్మా చావల్ వంటి ఆహార పదార్థాలని ఇష్టంగా లాగించేస్తాడు. గ్రీన్ చట్నీ అంటే చాహల్కి చాలా ఇష్టం.
జస్ప్రీత్ బుమ్రా
మెరుపు వేగంతో యార్కర్లు వేసే బుమ్రా ఫిట్నెస్ ప్రియుడు. బయటి ఆహారం, చిరుతిళ్ల జోలికి పోడు. ఖాళీ సమయాల్లోనూ తనదైన ప్రొటీన్తో కూడిన డైట్నే పాటిస్తాడు. ఎక్కువగా ఇంట్లో వండిన ఆహారానికే ప్రాధాన్యతనిస్తాడు. గుజరాతీ వంటకం ధోక్లా తన ఫేవరిట్. సోన్పాపిడీ, గులాబ్జామ్ ఇష్టంగా తింటాడు. చికెన్తో చేసిన వంటకాలన్నా ఇష్టపడతాడు. చికెన్ బటర్ మసాలా, చికెన్ టిక్కా పిజ్జా, కబాబ్తో పాటు చేపలని ఇష్టంగా లాగించేస్తాడు.
భువనేశ్వర్ కుమార్
భువనేశ్వర్కి తీపి పదార్థాలంటే మక్కువ. ‘నాకు తీపి దంతాలు కూడా ఉన్నాయండీ’ అంటాడు ఈ పేస్ వీరుడు. కొన్ని సంవత్సరాల క్రితం వరకూ అసలు డైటే పాటించని భువి ప్రస్తుతం తనకంటూ ప్రత్యేక డైట్ని ఫాలో అవుతున్నాడు. ఫిట్నెస్కి అధిక ప్రాధాన్యం ఇస్తున్నాడు. భోజనంలో ఎక్కువగా ప్రొటీన్లు, పిండి పదార్థాలు, ఫైబర్, విటమిన్లు ఉండేలా చూసుకుంటాడు. ఇంటి వంటకే ప్రాధాన్యతనిస్తాడు. ‘కది చావల్’ అంటే భువికి చాలా ఇష్టం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెన్నైకి చెక్
చెన్నై సూపర్ కింగ్స్కు ఎదురు దెబ్బ! ప్లేఆఫ్స్ లక్ష్యంగా సాగుతున్న ఈ డిఫెండింగ్ ఛాంపియన్కి.. ఈ సీజన్లో పెద్దగా రాణించలేకపోతున్న గుజరాత్ టైటాన్స్ కీలక సమయంలో షాక్ ఇచ్చింది. -
అది అగార్కర్ నిర్ణయమే
సెంట్రల్ కాంట్రాక్టు నుంచి ఇషాన్ కిషన్, శ్రేయస్ అయ్యర్లను తప్పించాలనేది పూర్తిగా సెలక్షన్ కమిటీ ఛైర్మన్ అజిత్ అగార్కర్ నిర్ణయమని బీసీసీఐ కార్యదర్శి జై షా వెల్లడించాడు. -
నీరజ్.. 2 సెం.మీ తేడాతో
పారిస్ ఒలింపిక్స్లో భారీ అంచనాల మధ్య బరిలోకి దిగబోతున్న భారత స్టార్ జావెలిన్ త్రోయర్ నీరజ్ చోప్రా.. ఆ మెగా ఈవెంట్ ముంగిట గొప్ప ప్రదర్శన చేశాడు. డైమండ్ లీగ్లో అతను స్వర్ణం కోసం గట్టిగా పోరాడాడు. -
ఇదేం పద్ధతి?
టీమ్ఇండియా సీనియర్ పేసర్ మహమ్మద్ షమికి కోపమొచ్చింది. సన్రైజర్స్ చేతిలో ఓటమి తర్వాత లఖ్నవూ సారథి కేఎల్ రాహుల్తో ఆ ఫ్రాంఛైజీ యజమాని సంజీవ్ గోయెంకా వ్యవహరించిన తీరుపై షమి మండిపడ్డాడు. -
బ్రిజ్భూషణ్కు షాక్
భారత రెజ్లింగ్ సమాఖ్య (డబ్ల్యూఎఫ్ఐ) మాజీ అధ్యక్షుడు, బీజేపీ ఎంపీ బ్రిజ్భూషణ్ శరణ్సింగ్పై లైంగిక వేధింపులు, ఇతర అభియోగాలు నమోదు చేయాలని దిల్లీ కోర్టు శుక్రవారం ఆదేశించింది. -
హార్దిక్ ధైర్యాన్ని నటిస్తున్నాడు
ముంబయి ఇండియన్స్ సారథి హార్దిక్ పాండ్య కెప్టెన్సీ శైలిని దక్షిణాఫ్రికా దిగ్గజం ఏబీ డివిలియర్స్ తప్పుబట్టాడు. కెప్టెన్గా అతడి వ్యవహార శైలి సహజంగా అనిపించడం లేదన్నాడు. -
మన్రో వీడ్కోలు
టీ20 ప్రపంచకప్లో ఆడే న్యూజిలాండ్ జట్టులో చోటు దక్కకపోవడంతో ఆ జట్టు బ్యాటర్ కొలిన్ మన్రో అంతర్జాతీయ క్రికెట్కు వీడ్కోలు పలికాడు. -
కప్పులో కోహ్లి ఓపెనింగ్ చేయాలి: గంగూలీ
టీ20 ప్రపంచకప్లో భారత స్టార్ బ్యాటర్ విరాట్ కోహ్లీని ఓపెనర్గా ఆడించాలని మాజీ కెప్టెన్ సౌరభ్ గంగూలీ అన్నాడు. ఐపీఎల్లో విరాట్ ఫామ్ను జట్టు మేనేజ్మెంట్ పొట్టి కప్పులో ఉపయోగించుకోవాలని సూచించాడు. -
మూడో స్థానంలో ప్రజ్ఞానంద
సూపర్బెట్ ర్యాపిడ్, బ్లిట్జ్ చెస్ టోర్నీ ర్యాపిడ్ విభాగంలో ప్రజ్ఞానంద శుక్రవారం మూడో స్థానంలో నిలిచాడు. అతను మొత్తం 9 రౌండ్ల నుంచి 10 పాయింట్లు సాధించాడు. -
గత నాలుగున్నరేళ్లు మానసికంగా రోజూ యుద్ధమే చేశా: దిల్లీ పేసర్
దిల్లీ తరఫున అత్యుత్తమ ప్రదర్శన చేస్తూ ఇటీవల టీ20 ప్రపంచ కప్ కోసం ప్రకటించిన జట్టులో చోటు దక్కింది. అయితే, ట్రావెల్ రిజర్వ్ అయినప్పటికీ.. ఇదొక ముందడుగుగా భావిస్తున్నాడు ఆ క్రికెటర్.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (11/05/24)
-
ఒకే ఫ్రేమ్లో బిలియనీర్లు.. ఆకట్టుకుంటోన్న గోయెంకా ఫన్నీ కామెంట్
-
శునకాలకు రంగులేసి.. పాండాలుగా చూపించి..! ‘జూ’లో విచిత్రం
-
డ్రాగన్ చేతిలో రాకాసి యుద్ధనౌక.. ఫుజియాన్..!
-
ప్రజ్వల్ రేవణ్ణ గురించి ముందే హెచ్చరించిన.. ఆ భాజపా నేతపై కేసు!
-
జియో ఫైబర్ యూజర్లకు కొత్త ప్లాన్.. ఒకే రీఛార్జిపై 15 ఓటీటీలు