హైదరాబాద్‌కు తొలి ఓటమి 

వాస్కో: ఇండియన్‌ సూపర్‌ లీగ్‌ (ఐఎస్‌ఎల్‌) ఫుట్‌బాల్‌ టోర్నీ ఏడో సీజన్‌లో హైదరాబాద్‌ ఎఫ్‌సీకి తొలి ఓటమి ఎదురైంది. ఆదివారం ఆ జట్టు 0-2 తేడాతో ముంబయి సిటీ ఎఫ్‌సీ చేతిలో పరాజయం పాలైంది. మ్యాచ్‌లో ముంబయి పూర్తి ఆధిపత్యం ప్రదర్శించింది. 38వ నిమిషంలో విఘ్నేశ్‌ గోల్‌ కొట్టి ఆ జట్టు ఖాతా తెరిచాడు. రెండో అర్ధభాగంలో ఆడమ్‌ (59వ నిమిషంలో) గోల్‌తో ముంబయి ఆధిక్యాన్ని పెంచాడు. చివరి వరకూ ఆధిక్యాన్ని నిలబెట్టుకున్న ఆ జట్టు విజయం దక్కించుకుంది. కేరళ బ్లాస్టర్స్‌ ఎఫ్‌సీ, ఎస్‌సీ ఈస్ట్‌ బెంగాల్‌ జట్ల మధ్య జరిగిన మరో మ్యాచ్‌ 1-1తో డ్రాగా ముగిసింది. కేరళ ఆటగాడు కోన్‌ (13వ నిమిషంల) సొంత గోల్‌ చేయడంతో ప్రత్యర్థికి ఆధిక్యం లభించింది. ఇంజూరీ సమయంలో జాక్సన్‌ (90+5వ నిమిషంలో) గోల్‌తో కేరళ మ్యాచ్‌ను డ్రా చేసుకోగలిగింది. 

ఇవీ చదవండి..
పెద్ద జట్లు.. చిన్న స్కోర్లు: ఎందుకీ విలవిల?
కిం కర్తవ్యం..!