T20 World Cup: శ్రీలంకపై ఆస్ట్రేలియా విజయం
టీ20 ప్రపంచకప్లో ఆస్ట్రేలియా అదరగొడుతోంది. ఈ మెగా టోర్నీలో ఆ జట్టు వరుసగా రెండో విజయాన్ని నమోదు చేసింది.
ఇంటర్నెట్ డెస్క్: టీ20 ప్రపంచకప్లో ఆస్ట్రేలియా అదరగొడుతోంది. తొలి మ్యాచ్లో దక్షిణాఫ్రికాను ఓడించిన ఆ జట్టు.. నేడు దుబాయ్ వేదికగా జరిగిన మ్యాచ్లో శ్రీలంకపై గెలుపొంది రెండో విజయాన్ని నమోదు చేసింది. లంక నిర్దేశించిన 155 పరుగుల లక్ష్యాన్ని కంగారు జట్టు మూడు ఓవర్లు మిగిలుండగానే ఛేదించింది. డేవిడ్ వార్నర్ (65; 42 బంతుల్లో 10 ఫోర్లు) అర్ధశతకంతో అదరగొట్టగా.. ఆరోన్ ఫించ్ (37; 23 బంతుల్లో 5 ఫోర్లు, 2 సిక్స్లు), స్టీవ్ స్మిత్ (28) రాణించారు. లంక బౌలర్లలో హసలంక రెండు, శనక ఒక వికెట్ తీశారు.
అదిరే ఆరంభం
లక్ష్యఛేదనకు దిగిన ఆస్ట్రేలియాకు ఓపెనర్లు డేవిడ్ వార్నర్, ఆరోన్ ఫించ్ అదిరే ఆరంభాన్ని ఇచ్చారు. ఇద్దరూ పోటాపోటీగా బౌండరీలు బాదుతూ స్కోరు బోర్డును పరుగులు పెట్టించారు. దీంతో పవర్ ప్లే పూర్తయ్యేసరికి ఆసీస్ 63/0తో నిలిచింది. హసరంగ వేసిన ఏడో ఓవర్లో ఆరోన్ ఫించ్ క్లీన్బౌల్డ్ కాగా.. తొమ్మిదో ఓవర్లో మ్యాక్స్వెల్ (5) అవిష్క ఫెర్నాండోకు చిక్కాడు. తర్వాత వార్నర్ జోరు పెంచాడు. చమీర వేసిన 14 ఓవర్లో వరుసగా రెండు ఫోర్లు బాదాడు. ఈ క్రమంలో ధాటిగా ఆడుతున్న వార్నర్ని 15 ఓవర్లో శనక వెనక్కి పంపాడు. అప్పటికీ ఆసీస్ స్కోరు 130/3గా ఉండటంతో ఆ జట్టు విజయం ఖరారైపోయింది. తర్వాత వచ్చిన మార్కస్ స్టాయినిస్ (16; 7 బంతుల్లో 2 ఫోర్లు, 1 సిక్స్) బాది ఆసీస్కి విజయాన్ని అందించాడు.
తొలుత టాస్ ఓడి బ్యాటింగ్కి దిగిన శ్రీలంక నిర్ణీత 20 ఓవర్లలో శ్రీలంక ఆరు వికెట్లు కోల్పోయి 154 పరుగులు చేసింది. చరిత్ అసలంక (35), కుశాల్ పెరీరా (35), భానుక రాజపక్సే (33) పరుగులు చేశారు. శ్రీలంకకు ఆరంభంలోనే షాక్ తగిలింది. ప్యాట్ కమ్మిన్స్ వేసిన మూడో ఓవర్లో ఓపెనర్ పీతమ్ నిశాంక (7) ఔటయ్యాడు. ఆ తర్వాత క్రీజులోకి వచ్చిన అసలంక.. మరో ఓపెనర్ కుశాల్ పెరీరాతో కలిసి వేగంగా ఆడాడు. దీంతో పవర్ ప్లే పూర్తయ్యే సరికి శ్రీలంక స్కోరు 53/1 గా ఉంది. ధాటిగా ఆడుతున్న క్రమంలో ఆడమ్ జంపా వేసిన పదో ఓవర్లో అసలంక.. స్మిత్కి చిక్కి పెవిలియన్ చేరాడు. మిచెల్ స్టార్క్ వేసిన తర్వాతి ఓవర్లోనే కుశాల్ పెరీరా కూడా ఔటయ్యాడు. దీంతో శ్రీలంక స్కోరు నెమ్మదించింది. ఆ తర్వాత క్రీజులోకి అవిష్క ఫెర్నాండో (4), వానిండు హసరంగ (4), డాసున్ శనక (12) విఫలమయ్యారు. ఆఖర్లో వచ్చిన భానుక రాజపక్సే వేగంగా ఆడాడు. చమిక కరుణ రత్నే (9) పరుగులు చేశాడు. దీంతో శ్రీలంక మోస్తరు స్కోరును చేయగలిగింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.