Published : 23/07/2021 01:26 IST

Rajya sabha: ఆ కేంద్రమంత్రి నన్ను సభలోనే బెదిరించారు!

దిల్లీ: పెగాసస్‌ వ్యవహారం రాజ్యసభను మరోసారి కుదిపేసింది. కేంద్రమంత్రి హర్‌దీప్‌సింగ్ పూరి తనను సభలోనే బెదిరించారని, దుర్భాషలాడారంటూ తృణమూల్‌ కాంగ్రెస్‌ ఎంపీ శాంతను సేన్‌ ఆరోపించారు. భౌతికంగా దాడి చేయడానికి ప్రయత్నిస్తే తన సహచరులు కాపాడారంటూ వ్యాఖ్యానించారు. రాజ్యసభ వాయిదా పడిన అనంతరం ఆయన మీడియాతో మాట్లాడారు. సభ వాయిదా పడిన తర్వాత హర్‌దీప్‌ సింగ్‌ పురి తనను చెడుగా సంబోధించారని, ఆయన వద్దకు వెళ్తుండగా బెదిరించారని సేన్‌ ఆరోపించారు. తనను ఘెరావ్‌ చేశారని, తన సహచరులు గుర్తించి రక్షించారని తెలిపారు. తన పట్ల అనాగరికంగా వ్యవహరించడం దురదృష్టకరమన్నారు. మరోవైపు, దీనిపై రాజ్యసభ డిప్యూటీ ఛైర్మన్‌కు తమ పార్టీ ఫిర్యాదు చేసిందని తెలిపారు. 

తొలుత, పెగాసస్‌ వ్యవహారంపై రాజ్యసభలో గురువారం హైడ్రామా నడిచింది. ఐటీశాఖ మంత్రి అశ్వినీ వైష్ణవ్‌ పెగాసస్‌పై ప్రకటన చేస్తుండగా కాంగ్రెస్‌, తృణమూల్‌ కాంగ్రెస్‌, ఇతర విపక్ష సభ్యులు ఆందోళనకు దిగారు. రాజ్యసభ కార్యకలాపాలకు అడ్డు తగిలారు. దీంతో పలుమార్లు సభ వాయిదా పడింది. విపక్ష సభ్యులు వెల్‌లోకి దూసుకెళ్లి నినాదాలు చేస్తుండగానే ఆయన తన ప్రసంగాన్ని కొనసాగిస్తున్న సమయంలో ఎంపీ శాంతను సేన్‌ మంత్రి చేతుల్లోని పేపర్లను లాక్కొని చింపేశారు. వాటిని గాల్లోకి విసిరేశారు. దీంతో ఆయన తన ప్రసంగం పూర్తికాకుండానే ఆపేయాల్సి వచ్చింది. ఈ పరిణామాలతో రాజ్యసభలో ఉద్రిక్త వాతావరణం ఏర్పడింది.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్