Praja Sangrama Yatra: కేసీఆర్‌ను జైలుకు పంపించే పార్టీ భాజపానే: బండి సంజయ్‌

హైదరాబాద్: భాజపా రాష్ట్ర అధ్యక్షుడు బండి సంజయ్‌ చేపట్టిన ప్రజా సంగ్రామ యాత్ర విజయవంతంగా కొనసాగుతుంది. బండి సంజయ్‌ పాదయాత్రకు ప్రజల నుంచి విశేష ఆదరణ లభిస్తోంది. పాదయాత్రలో భాగంగా ప్రజల కష్టాలను తెలుసుకుంటూ ముందుకు సాగుతున్న బండి సంజయ్‌ చేవెళ్లలో మాట్లాడారు. తెలంగాణలో ప్రధాని ఆవాస్‌ యోజన కింద 70 వేల ఇళ్లు ఇచ్చారన్నారు. స్వచ్ఛ భారత్‌ మిషన్‌ కింద మరుగుదొడ్ల నిర్మాణం, గరీబ్‌ కల్యాణ్‌ యోజన కింద రేషన్‌ బియ్యం, కంపా పథకం కింద హరితహారం కార్యక్రమానికి నిధులు ఇచ్చినట్లు చెప్పారు. కమ్యూనిటీ హాళ్లు, రోడ్లు, వీధిలైట్లు, నీళ్లు, మురుగునీటి కాలువలకు నిధులు కేటాయించినట్లు పేర్కొన్నారు. ఏనాటికైనా సీఎం కేసీఆర్‌ను జైలుకు పంపించే పార్టీ భాజపానే అని బండి సంజయ్‌ స్పష్టం చేశారు.