Polavaram-Lokesh: రూ.850 కోట్లు ఖర్చు చేస్తే పోలవరం పూర్తవుతుందా?:లోకేశ్‌

కూనవరం: పోలవరం నిర్మాణం వెనుక 1.9 లక్షల మంది ప్రజల త్యాగం ఉందని తెదేపా జాతీయ ప్రధాన కార్యదర్శి నారా లోకేశ్‌ అన్నారు. పోలవరం నిర్వాసితులను వైకాపా ప్రభుత్వం విస్మరించిందని ఆరోపించారు. తూర్పు గోదావరి జిల్లా పర్యటన సందర్భంగా కూనవరం మండలంలోని పోలవరం నిర్వాసితులను నారా లోకేశ్‌  పరామర్శించారు. రోజులు గడుస్తున్నా పోలవరం నిర్వాసితులకు పరిహారం ఎందుకివ్వడం లేదని ప్రశ్నించారు. 2019లో వరదలు వచ్చినప్పుడు నిర్వాసితులను వైకాపా ప్రభుత్వం ఆదుకోలేదని, ₹2,500 సాయం చేయలేని ఈ ప్రభుత్వం.. ₹10 లక్షలు ఎలా ఇవ్వగలదని ఎద్దేవా చేశారు. నిర్వాసితులకు ఇళ్లు కట్టిస్తామని చెప్పి.. ఇప్పటివరకు ఒక్కటి కూడా కట్టలేదని లోకేశ్‌ విమర్శించారు. ఈ ఏడాది జులై నాటికి పోలవరం పూర్తి చేస్తామని చెప్పి గత రెండున్నరేళ్లలో రూ.850 కోట్లు మాత్రమే ఖర్చు పెట్టారని లోకేశ్‌ విమర్శించారు.