AP News: ఉద్యోగుల సమస్యలపై తెగే వరకూ లాగొద్దు: సీపీఐ నారాయణ

అమరావతి: ఏపీలో పీఆర్సీ కోసం ఉద్యోగ సంఘాలు చేస్తున్న ఆందోళనకు మద్దతు పలుకుతున్నట్లు సీపీఐ జాతీయ కార్యదర్శి నారాయణ తెలిపారు. ఉద్యోగ సంఘాల ఐక్య కార్యచరణను అభినందిస్తున్నట్లు చెప్పారు. ఉద్యోగ సంఘాలు రాజకీయ పార్టీలకు అంటకాగాల్సిన అవసరం లేదని అన్నారు. రాజకీయ పార్టీలను అంటరానితనంగా కూడా పరిగణించకూడదని నారాయణ అభిప్రాయపడ్డారు.

ఉద్యోగులను ఎవరు స్వార్థంతో వినియోగించుకుంటున్నారో ఆలోచించాలన్నారు. రాష్ట్ర ప్రభుత్వం ఉద్యోగుల డిమాండ్లకు దిగి రావాలని ఆశిస్తున్నట్లు నారాయణ చెప్పారు. తెగే వరకూ లాగకుండా ప్రభుత్వం ఉద్యోగుల సమస్యలను పరిష్కరించాలని ఆయన ఓ ప్రకటనలో కోరారు.