Goa Election 2022: ‘చిదంబరం సర్..మీ ఓట్లు పోయాయనే ఏడుపు ఆపండి’
అసెంబ్లీ ఎన్నికలు సమీపిస్తున్న కొద్ది గోవాలో రాజకీయ వాతావరణం వేడెక్కుతోంది. తాజాగా కాంగ్రెస్ సీనియర్ నేత, మాజీ కేంద్ర మంత్రి పి.చిదంబరం.. గోవా ఎన్నికలపై కీలక వ్యాఖ్యలు చేశారు. ఇక్కడ కాంగ్రెస్, భాజపాల మధ్యే ప్రధాన పోటీ ఉందని అన్నారు. ఆమ్ ఆద్మీ పార్టీ(ఆప్), టీఎంసీలు కేవలం భాజపాయేతర...
పనాజీ: అసెంబ్లీ ఎన్నికలు సమీపిస్తున్న కొద్దీ గోవాలో రాజకీయ వాతావరణం వేడెక్కుతోంది. తాజాగా కాంగ్రెస్ సీనియర్ నేత, కేంద్ర మాజీ మంత్రి పి.చిదంబరం.. గోవా ఎన్నికలపై కీలక వ్యాఖ్యలు చేశారు. ఇక్కడ కాంగ్రెస్, భాజపాల మధ్యే ప్రధాన పోటీ ఉందని అన్నారు. ఆమ్ ఆద్మీ పార్టీ(ఆప్), టీఎంసీలు కేవలం భాజపాయేతర ఓట్లను మాత్రమే చీల్చుతాయన్న తన అంచనాను ఆప్ అధినేత అరవింద్ కేజ్రీవాల్ సైతం ధ్రువీకరించారని చెప్పారు. రానున్న ఎన్నికల్లో ఒకవేళ గోవాలో హంగ్ ఏర్పడితే.. సంకీర్ణ ప్రభుత్వంలో భాగమయ్యేందుకు తమ పార్టీ సిద్ధంగా ఉందని కేజ్రీవాల్ ఆదివారం ప్రకటించిన విషయం తెలిసిందే. దీన్ని ఉద్దేశిస్తూ.. సోమవారం చిదంబరం ఈ వ్యాఖ్యలు చేయడం గమనార్హం.
గోవా ఎన్నికలకు కాంగ్రెస్ సీనియర్ ఎన్నికల పరిశీలకుడిగా ఉన్న చిదంబరం.. పాలనలో మార్పు కోసం కాంగ్రెస్ను ఎన్నుకోవాలని రాష్ట్ర ఓటర్లకు విజ్ఞప్తి చేశారు. ఈ మేరకు వరుస ట్వీట్లు చేశారు. మరోవైపు చిదంబరం వ్యాఖ్యలపై కేజ్రీవాల్ ఎదురుదాడికి దిగారు. ‘సర్.. మీ ఓట్లు పోయాయనే ఏడుపు ఆపండి’ అని ట్వీట్ చేశారు. ‘గోవావాసులకు ఎవరిమీదైతే నమ్మకం ఉందో వారికే ఓటేస్తారు. కాంగ్రెస్ కేవలం భాజపాకు మాత్రమే ఆశాకిరణం.. గోవావాసులకు కాదు. మీ 17 మంది ఎమ్మెల్యేల్లో 15 మంది భాజపాకు మారారు’ అని చిదంబరం ట్వీట్లను ట్యాగ్ చేస్తూ కేజ్రీవాల్ విరుచుకుపడ్డారు! కాంగ్రెస్కు వేసిన ప్రతి ఓటు భాజపాకు భద్రంగా చేరుతుందని ఎద్దేవా చేశారు. ఇక్కడ ఆప్ తొలిసారి పోటీ చేస్తున్న విషయం తెలిసిందే. గోవాలోని మొత్తం 40 స్థానాలకు ఫిబ్రవరి 14న ఎన్నికలు జరగనున్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?
‘సీఎం జగన్పై గులకరాయితో దాడి జరిగిన నిమిషాల్లోనే నిందితుడిని అదుపులోకి తీసుకున్నారు.. మాజీ మంత్రి వైఎస్ వివేకానందరెడ్డిని క్రూరంగా నరికి..నరికి చంపి 5 ఏళ్లు గడిచినా ఇప్పటికీ న్యాయం జరగలేదు’ అని వివేకా కుమార్తె సునీత ఆవేదన వ్యక్తం చేశారు. -
కంటోన్మెంట్ కాంగ్రెస్కు సర్వే గండి
ఒకవైపు కాంగ్రెస్ పార్టీ భారాస, భాజపా నేతలను పార్టీలోకి చేర్చుకొనే ప్రయత్నాలు చేస్తుంటే.. మరోవైపు ఆ పార్టీ సీనియర్ నేతలు కొందరు అధిష్ఠానంపై తీవ్ర అసంతృప్తితో రగిలిపోతున్నారు.
తాజా వార్తలు (Latest News)
-
‘యానిమల్’ టూ ‘రామాయణ’.. రణబీర్ ట్రాన్స్ఫర్మేషన్ షేర్ చేసిన ట్రైనర్
-
రూ.29కే జియోసినిమా ప్రీమియం.. యాడ్ ఫ్రీ కంటెంట్, 4K వీడియో క్వాలిటీ
-
హైదరాబాద్, బెంగళూరు మ్యాచ్.. మెట్రో రైళ్ల సమయం పొడిగింపు
-
రూ.8500కే మూడు రోజుల శిర్డీ టూర్.. ఐఆర్సీటీసీ ప్యాకేజీ వివరాలు ఇవీ..
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ