Raviteja: ‘రావణాసుర’.. యాక్షన్‌ షురూ

రవితేజ హీరోగా సుధీర్‌ వర్మ తెరకెక్కిస్తున్న చిత్రం ‘రావణాసుర’. అభిషేక్‌ నామా నిర్మాత. అను ఇమ్మాన్యుయేల్‌, మేఘా ఆకాష్‌, ఫరియా అబ్దుల్లా, దక్ష నగార్కర్‌, పూజిత కథానాయికలు. సుశాంత్‌ కీలక పాత్ర పోషిస్తున్నారు. ఇటీవలే పూజా కార్యక్రమాలతో లాంఛనంగా మొదలైన ఈ సినిమా.. ఇప్పుడు రెగ్యులర్‌ చిత్రీకరణ ప్రారంభించుకుంది. ఈ విషయాన్ని చిత్ర బృందం సామాజిక మాధ్యమాల ద్వారా తెలియజేసింది. ఈ సందర్భంగా సెట్లోని ఓ చిన్న వీడియోని అభిమానులతో పంచుకున్నారు. ప్రస్తుతం చిత్ర ప్రధాన తారాగణంపై నైట్‌ సీక్వెన్స్‌ తెరకెక్కిస్తున్నట్లు తెలిపారు. రవితేజ ఈ సినిమాలో న్యాయవాదిగా కనిపించనున్నారు. రామ్‌ అనే కీలక పాత్రలో సుశాంత్‌ నటిస్తున్నారు. ఈ చిత్రంలోని ఐదుగురు కథానాయికల పాత్రలకు మంచి ప్రాముఖ్యం ఉండనుంది. దీనికి హర్ష వర్దన్‌ రామేశ్వర్‌, భీమ్స్‌ స్వరాలందిస్తున్నారు. విజయ్‌ కార్తీక్‌ కన్నన్‌ ఛాయాగ్రాహకుడిగా వ్యవహరిస్తున్నారు.