Breaking | Feedback | ePratibha | E-PAPER | Pratibha

Trivikram: మంత్రి గారూ.. త్రివిక్రమ్‌కు ట్విటర్‌ ఖాతా లేదండి..!

సినిమా టిక్కెట్ల ధరల విషయంపై దర్శకుడు త్రివిక్రమ్‌ శ్రీనివాస్ పేరుతో ఇటీవల ఓ ట్వీట్‌ నెట్టింట్లో చక్కర్లు కొట్టింది. అది త్రివిక్రమే చేశారని అభిప్రాయపడిన...

Updated : 27 Nov 2021 12:26 IST

ట్వీట్‌ చేసిన ప్రముఖ నిర్మాణ సంస్థ

హైదరాబాద్‌: సినిమా టిక్కెట్ల ధరల విషయంపై దర్శకుడు త్రివిక్రమ్‌ శ్రీనివాస్ పేరుతో ఇటీవల ఓ ట్వీట్‌ నెట్టింట్లో చక్కర్లు కొట్టింది. అది త్రివిక్రమే చేశారని అభిప్రాయపడిన ఏపీ సినిమాటోగ్రఫీ మంత్రి పేర్ని నాని శుక్రవారం జరిగిన విలేకర్ల సమావేశంలో ఆ ట్వీట్‌ గురించి ప్రస్తావించారు. అంతేకాకుండా త్రివిక్రమ్‌ ట్వీట్‌ని సీఎం దృష్టికి తీసుకువెళ్తానని చెప్పారు. ఈ నేపథ్యంలో సినీ నిర్మాణ సంస్థ హారిక అండ్‌ హాసిని క్రియేషన్స్‌ స్పందించింది. త్రివిక్రమ్‌కు ఎలాంటి సోషల్‌మీడియా ఖాతాలు లేవని.. ఆయనకు సంబంధించిన స్టేట్‌మెంట్స్‌ అన్నీ తమ నిర్మాణ సంస్థ అధికారిక ఖాతా నుంచే వస్తాయని తెలిపింది.

‘‘దర్శకుడు త్రివిక్రమ్‌ శ్రీనివాస్‌ చేసే అధికారిక ప్రకటనలు హారిక అండ్‌ హాసిని క్రియేషన్స్‌, ఫార్చ్యూన్‌ 4 సినిమాస్‌ ట్విటర్‌ ఖాతాల ద్వారానే బయటకు వస్తాయి. ఎందుకంటే, ఆయనకు ఏ సోషల్‌మీడియా ఫ్లాట్‌ఫామ్స్‌లోనూ ఖాతాల్లేవు. ఆయన పేరు, ఫొటోలతో ఉన్న ఖాతాల నుంచి ఎలాంటి స్టేట్‌మెంట్స్‌ వచ్చినా దయచేసి నమ్మకండి’’ అంటూ ఏపీ సీఎంవో, మంత్రి పేర్ని నాని ఖాతాలను నిర్మాణ సంస్థ ట్యాగ్‌ చేసింది.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.