Dhee 13 Promo: ఎవరూ తగ్గొద్దు: అల్లు అర్జున్‌

హైదరాబాద్‌: ‘‘ఎవ్వరూ, ఎక్కడా తగ్గొద్దు’’ అని అంటున్నారు ఐకాన్‌స్టార్‌ అల్లు అర్జున్‌. ఈటీవీలో ప్రసారమయ్యే డ్యాన్స్ షో ‘ఢీ-13’ గ్రాండ్‌ ఫినాలేకి బన్నీ ముఖ్య అతిథిగా విచ్చేశారు. కింగ్స్‌ వర్సెస్‌ క్వీన్స్‌గా సాగుతోన్న ఈ షోలో కంటెస్టెంట్స్‌ల తుదిపోరును ఆయన వీక్షించారు. అనంతరం విజేతను ప్రకటించి.. వాళ్లకు ‘ఢీ-13’ టైటిల్‌ అందించారు. దీనికి సంబంధించిన సరికొత్త ప్రోమోని తాజాగా ‘ఢీ’ టీమ్‌ విడుదల చేసింది. తుది సమరంలో విజయం సాధిచేందుకు కంటెస్టెంట్స్ చేసిన నృత్యాలకు న్యాయనిర్ణేతలు ఈలలు వేశారు.

అనంతరం అల్లు అర్జున్‌ స్టేజ్‌పైకి ఎంట్రీ ఇవ్వగానే.. ‘బన్నీ, బన్నీ’ పిలుపులతో ఆ ప్రదేశమంతా మారుమోగిపోయింది. ‘‘ఢీ సీజన్‌-3కి ముఖ్య అతిథిగా వచ్చా. ఇప్పుడు మళ్లీ సీజన్‌ 13కి వస్తున్నా’’ అని బన్నీ చెప్పగానే.. ‘‘పదేళ్లైనా ఆ పదును తగ్గలే’’ అని ప్రదీప్‌ అన్నారు. ‘‘ఏడు నెలల క్రితం మీరు తగ్గేదేలె అన్నారు. ఆ తర్వాత ఎవర్నీ కలిసినా తగ్గేదేలే అంటున్నారు’’ అని ప్రదీప్‌ అనగానే..  ‘‘తగ్గొద్దు కూడా’’ అని బన్నీ సరదాగా రిప్లై ఇచ్చారు. మరి, తుది పోరులో ఎవరు విజయం సాధించారు? బన్నీ చేతుల మీదగా టైటిల్‌ ఎవరు అందుకున్నారు? అనేది తెలియాల్సి ఉంది.