nagarjuna: అదంతా అవాస్తవం.. నేను అలా మాట్లాడలేదు: నాగార్జున

హైదరాబాద్‌: సమంత-నాగచైతన్యల విడాకులపై తాను ఎలాంటి వ్యాఖ్యలు చేయలేదని అగ్ర కథానాయకుడు నాగార్జున అన్నారు. మొదట సమంతనే విడాకులు కావాలని కోరిందంటూ ఓ ఇంటర్వ్యూలో నాగార్జున అన్నారని ఉదయం నుంచి ఆంగ్ల మీడియాలో వార్తలు వచ్చాయి. దీనిపై నాగార్జున ట్విటర్‌ వేదికగా స్పందించారు. ‘నాగచైతన్య-సమంత గురించి నేను మాట్లాడినట్లు సోషల్‌మీడియా, ఎలక్ట్రానిక్‌ మీడియాలో వార్తలు వస్తున్నాయి. నేను మాట్లాడినట్లు జరిగిన ప్రచారం అవాస్తవం. దయచేసి అవాస్తవాలను ఎవరూ ప్రసారం చేయొద్దు. పుకార్లను వార్తలుగా మల్చవద్దని మీడియాకు నా విజ్ఞప్తి’’ అని నాగార్జున పేర్కొన్నారు.