సఖి.. మరోసారి వెనక్కి

కీర్తి సురేష్‌ ప్రధాన పాత్రలో నటించిన క్రీడా నేపథ్య చిత్రం ‘గుడ్‌లక్‌ సఖి’. నగేష్‌ కుకునూర్‌ తెరకెక్కించారు. ఈనెల 10న ప్రేక్షకుల ముందుకు రావాల్సిన ఈ సినిమాని.. డిసెంబర్‌ 31కి వాయిదా వేసింది చిత్ర బృందం. ఈ విషయాన్ని సామాజిక మాధ్యమాల వేదికగా అభిమానులతో పంచుకుంది. ‘‘ఈ చిత్రాన్ని మీ ముందుకు తీసుకురావడానికి మేము చాలా కష్టపడుతున్నాం. అనుకోని సమస్యల వల్ల డిసెంబర్‌ 31కి వాయిదా వేయవలసి వచ్చింది’’ అని నిర్మాతల్లో ఒకరైన శ్రావ్య వర్మ ట్విటర్‌లో పేర్కొన్నారు. ఈ సినిమాలో.. కీర్తి సురేష్‌ షూటర్‌గా కనిపించనుంది. ఆమెకు శిక్షణ ఇచ్చే కోచ్‌ పాత్రను జగపతిబాబు పోషించారు. ఆది పినిశెట్టి కథానాయకుడిగా నటించారు. ఈ సినిమాకి దేవిశ్రీ ప్రసాద్‌ స్వరాలందించగా.. సుధీర్‌చంద్ర పదిరి నిర్మించారు. దిల్‌ రాజు సమర్పిస్తున్నారు.