Published : 16/10/2020 14:37 IST

మంచి చేసేవాడికి బతికుండగానే మంచి జరగాలి

‘టైమ్‌ బ్యాంకింగ్‌’ గురించి పూరీ ఏమన్నారంటే..!

హైదరాబాద్‌: ‘మంచి చేసేవాడికి బతికుండగానే మంచి జరగాలి. కష్టపడేవాడికి భూమ్మీదే ఫలితం లభించాలి.. ఇదే టైమ్‌ బ్యాంకింగ్‌ సిద్ధాంతం ’ అని అంటున్నారు పూరీ జగన్నాథ్‌. పూరీ మ్యూజింగ్స్‌ వేదికగా ఆయన వివిధ అంశాలపై తన అభిప్రాయాన్ని వెల్లడిస్తున్న విషయం తెలిసిందే. తాజాగా ఆయన ‘టైమ్‌ బ్యాంకింగ్‌’ గురించి కొన్ని ఆసక్తికర విషయాలను వెల్లడించారు.

‘దాదాపు 35 సంవత్సరాల క్రితం ఎడ్గర్‌ఖాన్‌ అనే వ్యక్తి ‘టైమ్‌ బ్యాంకింగ్‌’ కనిపెట్టారు. ఇది డబ్బు మీద కాదు సేవలపై ఆధారపడి పనిచేస్తుంది. మొట్టమొదట స్విట్జర్లాండ్‌లో వృద్ధుల కోసం దీనిని ప్రారంభించారు. ఇందులో మనం చేయాల్సిన పని ఏమిటంటే.. సేవలు ఇచ్చిపుచ్చుకోవడం. ప్రస్తుతం ప్రపంచవ్యాప్తంగా 30 దేశాల్లో 500 టైమ్‌ బ్యాంక్‌లు అందుబాటులో ఉన్నాయి. మనదేశంలోని మధ్యప్రదేశ్‌లో త్వరలో ‘టైమ్‌ బ్యాంకింగ్‌’ ప్రారంభించనున్నారు. ఒకరికొకరు సాయం చేసుకుంటే ఆరోగ్యకరమైన సమాజం ఏర్పడుతుంది. గడిచిపోతున్న ప్రతి గంటను ఎందుకు వృథా చేయాలి’ అని పూరీ జగన్నాథ్‌ తెలిపారు.

అనంతరం ఆయన ‘ట్రావెలింగ్‌’ గురించి స్పందిస్తూ..‘‘ట్రావెలింగ్‌’ ఒక అద్భుతమైన విషయం. మీరు ఏం చేస్తున్నారు అని అడిగితే ‘ఐ యామ్‌ ఏ ట్రావెలర్‌’ అని చెప్పాలని ఉంది. ప్రపంచం మొత్తాన్ని అన్వేషించాలనుంది. కానీ సంసారం అనే సాగరంలో చిక్కుకున్నాను కాబట్టి కుదరదు. అయినా పర్వాలేదు. ప్రతి సంవత్సరం ఏదో ఒక దేశానికి వెళ్లండి.. తిరిగి రండి. ఒక గ్రూప్‌తో వెళ్లి గైడ్‌ వెనకాల తిరిగే వాళ్లని టూరిస్ట్‌లంటారు. ఇష్టమొచ్చిన ప్రాంతానికి వెళ్లేవాడిని ట్రావెలర్స్‌ అంటారు. ఈ ప్రపంచం ఒక పెద్ద పుస్తకం. నువ్వు మీ ఊళ్లోనే పుట్టి.. అక్కడే మరణిస్తే నీకు ఒక పేజీ మాత్రమే తెలుసు అని అర్థం. వీలైనన్ని పేజీలు తిరగేయండి. అతి తక్కువ ఖర్చుతో ఎలా ట్రావెల్‌ చేయాలో ఒకసారి గూగుల్‌ చేయండి’ అని పూరీ వివరించారు.



Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని