Published : 24/11/2021 13:17 IST

Supreme Court: ‘కాలుష్యం తగ్గినా.. ఇక్కడితో కేసు మూసివేయం’

దేశ రాజధాని గురించి ఎలాంటి సంకేతాలు పంపుతున్నామో చూడండని వ్యాఖ్య

దిల్లీ: దిల్లీ వాయు కాలుష్యంపై సుప్రీంకోర్టులో బుధవారం మరోసారి విచారణ జరిగింది. దేశ రాజధాని నగరంలో వాయు నాణ్యత దారుణంగా పడిపోవడంతో సుమారు మూడు వారాలుగా ప్రజలు కాలుష్య కోరల్లోనే జీవనం కొనసాగిస్తున్నారు. ఈ విషయాన్ని తీవ్రంగా పరిగణించిన కోర్టు..‘ఒకవేళ కాలుష్య స్థాయిలు తగ్గుముఖం పట్టినప్పటికీ.. ఈ కేసు మూసివేయబోం’ అంటూ స్పష్టం చేసింది. 

‘ఇది దేశ రాజధాని. దిల్లీలో నెలకొన్న పరిస్థితితో ప్రపంచానికి ఎలాంటి సంకేతాలు వెళ్తున్నాయో చూడండి. ఈ మూడు రోజులు తగిన చర్యలు తీసుకోండి. ఈ లోగా పరిస్థితి మెరుగుపడితే.. కొన్ని నిషేధాజ్ఞలు ఎత్తివేయండి. ఒకవేళ కాలుష్య స్థాయిలు తగ్గుముఖం పట్టినప్పటికీ.. ఈ కేసులో విచారణ కొనసాగిస్తాం, తగిన ఆదేశాలు జారీచేస్తాం’ అంటూ కేంద్ర ప్రభుత్వానికి  సుప్రీం స్పష్టంచేసింది. 

గణాంకాల ఆధారంగా పరిస్థితిని అంచనా వేసి.. కాలుష్య పరిస్థితి తీవ్రంగా మారకముందే చర్యలు తీసుకోవాలని అధికారుల్ని ఆదేశించింది. ‘దేశ రాజధానిలో గాలి నాణ్యతకు సంబంధించి ఆమోదయోగ్యమైన స్థాయుల్ని నిర్వచించాలి. సూపర్ కంప్యూటర్లు అందుబాటులో ఉన్నాయి. వాటి ద్వారా గణాంకాలకు సంబంధించి ఒక విధానం రూపొందించాల్సి ఉంది’ అని సూచించింది. అలాగే ఈ వాయు కాలుష్యంపై దిల్లీ ప్రభుత్వం సుప్రీంలో అఫిడవిట్ దాఖలు చేసింది. కాలుష్య నివారణకు తీసుకుంటున్న చర్యలు గురించి అందులో వివరించింది. మరోపక్క దీనిపై తదుపరి విచారణ సోమవారానికి వాయిదా పడింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని