Published : 16/08/2021 22:50 IST

Malaysian PM resigns: మలేసియా ప్రధాని ముహిద్దీన్‌ యాసిన్‌ రాజీనామా!

కౌలాలంపూర్‌: మలేసియాలో గతకొన్ని నెలలుగా సాగుతోన్న రాజకీయ అనిశ్చితికి తెరపడింది. పార్లమెంటులో బలనిరూపణలో విఫలమైన నేపథ్యంలో మలేసియా ప్రధానమంత్రి ముహిద్దీన్‌ యాసిన్‌ పదవికి రాజీనామా చేశారు. ప్రధాని రాజీనామాకు మలేసియా రాజు అల్‌-సుల్తాన్‌ అబ్దుల్లా ఆమోదం తెలిపారు. కొత్త ప్రధానిని నియమించేవరకు ముహిద్దీన్‌ యాసిన్‌ను ఆపద్ధర్మ ప్రధానిగా కొనసాగాలని సూచించారు. ప్రస్తుత పరిస్థితుల దృష్ట్యా ఎన్నికలు నిర్వహించే ప్రసక్తే లేదని.. మెజారిటీ పొందగలిగే కొత్త ప్రధానిని నియమిస్తానని మలేసియా రాజు అల్ సుల్తాన్‌ వెల్లడించారు.

మలేసియా ప్రధానిగా ముహిద్దీన్‌ యాసిన్‌ 2020లో బాధ్యతలు స్వీకరించారు. అప్పటినుంచి ప్రభుత్వంలో అంతర్గత పోరు ఓవైపు.. కరోనా వైరస్‌ మహమ్మారి విజృంభణ, ఆర్థికవ్యవస్థ క్షీణించడం వంటి సవాళ్లు ప్రధాని యాసిన్‌కు తలనొప్పిగా మారాయి. ఇలా గడిచిన 18 నెలలుగా ప్రభుత్వాన్ని నెట్టుకొస్తున్నప్పటికీ పార్లమెంటులో మాత్రం యాసిన్‌ మెజారిటీ సంపాదించలేకపోయారు. దీంతో తనతో పాటు కేబినెట్‌ రాజీనామా చేస్తున్నట్లు ప్రధాని యాసిన్‌ వెల్లడించారు. స్వల్ప కాలంలోనే రాజీనామా చేస్తున్నందుకు క్షమాపణ కోరిన ఆయన.. అధికారం కోసం ఆరాటపడుతోన్న వారిపై మండిపడ్డారు.

ఇదిలాఉంటే, మలేసియాలో కరోనా వైరస్‌ తీవ్రత అధికంగానే ఉంది. ప్రపంచవ్యాప్తంగా కొవిడ్‌ ఇన్‌ఫెక్షన్‌ రేట్‌ అధికంగా ఉన్న దేశాల్లో మలేసియా నిలిచింది. గడిచిన ఏడు నెలల నుంచి నిత్యం అక్కడ 20వేలకు పైగా కొవిడ్‌ పాజిటివ్‌ కేసులు బయటపడుతున్నాయి. లాక్‌డౌన్‌ వంటి చర్యలు తీసుకున్నప్పటికీ కొవిడ్‌ కట్డడిలో ప్రభుత్వం విఫలమైందని ప్రజల నుంచి విమర్శలు ఎక్కువయ్యాయి. దీంతో పార్లమెంటులో బలనిరూపణలో విఫలమైన ముహిద్దీన్‌ యాసిన్‌.. ప్రధాన మంత్రి పదవికి రాజీనామా చేస్తున్నట్లు ప్రకటించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్