Updated : 30/11/2021 12:17 IST

India Corona: భారీగా తగ్గిన కొత్త కేసులు.. గతేడాది మే నాటి స్థాయికి మహమ్మారి

ఒమిక్రాన్ వేళ.. ప్రజలు జాగ్రత్తలు పాటించాల్సిందేనంటున్న ప్రభుత్వం

దిల్లీ: దేశంలో కరోనా కేసులు భారీగా తగ్గాయి. తాజాగా 7 వేల దిగువన నమోదైన కొత్త కేసులు.. గతేడాది మే నాటి స్థాయికి పడిపోయాయి. సోమవారం 10,12,523 మందికి కొవిడ్ నిర్ధారణ పరీక్షలు నిర్వహించగా.. 6,990 మందికి వైరస్ పాజిటివ్‌గా తేలింది. మహమ్మారి వ్యాప్తి అదుపులో ఉండటంతో క్రియాశీల కేసులు గణనీయంగా తగ్గాయి. ఆ కేసులు సంఖ్య లక్ష మార్కుకు చేరువైంది. నిన్న ఒక్కరోజే 10,116 మంది కరోనా నుంచి బయటపడ్డారు. క్రియాశీల రేటు 0.29 శాతానికి తగ్గగా.. రికవరీ రేటు 98.35 శాతానికి పెరిగింది. 

గత ఏడాది ప్రారంభం నుంచి 3.45 కోట్ల మందికి కరోనా సోకింది. అందులో 3.40 కోట్ల మంది వైరస్‌ను జయించారు. 24 గంటల వ్యవధిలో 190 మంది ప్రాణాలు కోల్పోగా.. మొత్తం మృతుల సంఖ్య 4,68,980కి చేరింది. నిన్న ఒక్కరోజే 78,80,545 మంది కరోనా టీకా వేయించుకున్నారు. నిన్నటివరకు 123 కోట్లకు పైగా  టీకా డోసులు పంపిణీ అయ్యాయని కేంద్ర ఆరోగ్య శాఖ వెల్లడించింది.

ఇదిలా ఉండగా.. ప్రస్తుతం దేశవ్యాప్తంగా కరోనా వైరస్ అదుపులోనే ఉంది. అయితే ఇప్పుడు ప్రపంచానికి ఒమిక్రాన్ వేరియంట్ భయం పట్టుకుంది. దాని వ్యాప్తి ఏ స్థాయిలో ఉంటుందో స్పష్టత లేనప్పటికీ.. ప్రపంచ ఆరోగ్య సంస్థ మాత్రం ఈ వేరియంట్‌ మరో ముప్పుగా మారే అవకాశం ఉందని హెచ్చరించింది. అందుకే కేసులు తగ్గుతున్నా.. ప్రజలు ఏమాత్రం అలసత్వం ప్రదర్శించవద్దని ప్రభుత్వాలు, అధికారులు అభ్యర్థిస్తున్నారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని