Published : 21/11/2021 17:44 IST

Gujarat: రైతులకు గుడ్‌న్యూస్‌.. స్మార్ట్​ఫోన్​ కొనేందుకు ప్రభుత్వ సాయం

అహ్మదాబాద్‌: వ్యవసాయ రంగంలో సాంకేతికత కొత్తపుంతలు తొక్కుకున్న నేపథ్యంలో రైతులను అందులో భాగం చేయాలని నిర్ణయించింది గుజరాత్​ ప్రభుత్వం. ఇందుకుగాను స్మార్ట్​ఫోన్​ కొనుగోలు సాయం కింద అన్నదాతలకు సుమారు రూ. 1,500 వరకు ఆర్థిక సాయాన్ని అందించనుంది. ఈ మేరకు ఆ రాష్ట్ర​ వ్యవసాయ శాఖ ఉత్తర్వులు జారీ చేసింది. డిజిటల్ సేవలను సద్వినియోగం చేసుకుని, వ్యవసాయ సంబంధిత ఆదాయాన్ని మరింత పెంచుకోవడానికి ఈ పథకం ఉపయోగపడుతుందని తెలిపింది.

భూమి కలిగిన ఎవరైనా అర్హులే

భూమి కలిగిన రైతులు ఎవరైనా ఈ పథకానికి దరఖాస్తు చేసుకోవచ్చని గుజరాత్ వ్యవసాయ శాఖ వెల్లడించింది. మొబైల్​ ఫోన్​ కొనుగోలు చేసే మొత్తం ఖర్చులో రూ.1,500కు మించకుండా 10 శాతం వరకు ఇవ్వాలని నిర్ణయించినట్లు స్పష్టం చేసింది. ఈ మొత్తాన్ని పొందేందుకు రాష్ట్ర ప్రభుత్వం ద్వారా నిర్వహించే ఐ-ఖేదుత్​ పోర్టల్​లో దరఖాస్తు చేసుకోవాలని సూచించింది. సెల్​ఫోన్​కు సంబంధించిన ఉపకరణాల కొనుగోలుకు ఈ పథకం వర్తించదని తెలిపిన ప్రభుత్వం.. భూమి కలిగిన ప్రతి ఒక్కరూ దీనిని అర్హులేనని పేర్కొంది.

ప్రభుత్వ పథకాలపై అవగాహన

రైతుల వద్ద స్మార్ట్​ఫోన్​ ఉండడం ద్వారా వాతావరణ సమాచారం, పంటను చీడల నుంచి కాపాడుకోవడం, ప్రభుత్వానికి సంబంధించిన వివిధ పథకాల గురించిన సమాచారం తెలుసుకోవచ్చని ప్రభుత్వం తెలిపింది. ఆధునిక వ్యవసాయ పద్ధతుల గురించి తెలుసుకుంటూ.. నిపుణుల అభిప్రాయం సేకరించవచ్చని వివరించింది. ఈ పథకానికి దరఖాస్తు చేసుకొని ఆమోదం పొందిన తరువాత.. లబ్ధిదారుడు ఫోన్ కొనుగోలు బిల్లు, మొబైల్ ఐఎంఈఐ నంబర్​, క్యాన్సిల్​ చెక్కు వంటి వాటి కాపీని ప్రభుత్వానికి అందించాలని గుజరాత్​ వ్యవసాయ శాఖ తెలిపింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని