Published : 30/08/2021 23:51 IST

Covid in Europe: డిసెంబర్‌ నాటికి మరో 2.3లక్షల మరణాలు!

హెచ్చరించిన ప్రపంచ ఆరోగ్య సంస్థ

కొపెన్‌హగెన్‌: ప్రపంచవ్యాప్తంగా కరోనా వైరస్‌ మహమ్మారి విలయతాండవం చేస్తూనే ఉంది. కొవిడ్‌-19ని ఎదుర్కొనే వ్యాక్సిన్‌ అందుబాటులోకి వచ్చినప్పటికీ వైరస్‌ తీవ్రత మాత్రం తగ్గడం లేదు. ఈ నేపథ్యంలో ఈ ఏడాది డిసెంబర్‌ ఒకటోతేదీ నాటికి యూరప్‌లో మరో 2,36,000 కొవిడ్‌ మరణాలు చోటుచేసుకునే ప్రమాదం ఉందని ప్రపంచఆరోగ్యసంస్థ హెచ్చరించింది. అక్కడ చాలా దేశాల్లో కొవిడ్‌ నిబంధనల పట్ల నిర్లక్ష్యంగా వ్యవహరించడంతో పాటు వ్యాక్సిన్‌ పంపిణీ ప్రక్రియ మందగించడం కూడా ఇందుకు కారణాలుగా పేర్కొంది.

‘యూరప్‌లో గతకొద్ది రోజులుగా వైరస్‌ విస్తృతి పెరుగుతూ వస్తోంది. యూరప్‌లోని 53దేశాల్లో దాదాపు 33 దేశాల్లో కొవిడ్ ఉద్ధృతి ఎక్కువకాగా.. గడిచిన రెండు వారాల్లోనే కేసుల సంఖ్య 10శాతం పెరిగింది. ముఖ్యంగా బాల్కన్స్‌, కాకసస్‌ వంటి ప్రాంతాల్లో కొవిడ్‌ మరణాల సంఖ్య అనూహ్యంగా ఎక్కువైంది. ముఖ్యంగా గత వారంలోనే కొవిడ్‌ మరణాల సంఖ్య 11శాతం పెరగడం పరిస్థితికి అద్దం పడుతోంది. ఈ లెక్కన యూరప్‌లో డిసెంబర్‌ 1 నాటికి మరో 2.36లక్షల కొవిడ్‌ మరణాలు చోటుచేసుకునే ప్రమాదం ఉంది’ అని ప్రపంచ ఆరోగ్యసంస్థ (WHO) యూరప్‌ విభాగం డైరెక్టర్‌ హాన్స్‌ క్లూగే హెచ్చరించారు. ఇప్పటివరకు యూరప్‌లో 13లక్షల మంది కొవిడ్‌ మహమ్మారి బలయ్యారని తెలిపారు.

ఈ ప్రాంతంలో వైరస్‌ వ్యాప్తి రేటు ఈ విధంగా పెరగడం ఆందోళన కలిగించే విషయమని డబ్ల్యూహెచ్‌ఓ యూరప్‌ విభాగాధిపతి హాన్స్‌ క్లూగే పేర్కొన్నారు. ఇందుకు కేవలం డెల్టా వేరియంట్‌ మాత్రమే కాదని.. వేసవి ప్రయాణాలతో ప్రజలు గుంపులుగా తిరగడం, కొవిడ్‌ నిబంధనలు పాటించకపోవడం కూడా వైరస్‌ ఉద్ధృతి పెరగడానికి కారణాలని అభిప్రాయపడ్డారు. అంతేకాకుండా వ్యాక్సిన్ పంపిణీ మందగించడం కూడా మరో కారణంగా పేర్కొన్నారు. అందుకే వ్యాక్సిన్‌ ఉత్పత్తి పెంచడంతోపాటు వాటిని అందరికీ అందుబాటులోకి తెచ్చేలా ప్రయత్నాలు చేయాలని డబ్ల్యూహెచ్‌ఓ ప్రతినిధి సూచించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని