Published : 19/11/2021 16:52 IST

Mexico: భయానకం! వంతెన​ కింద వేలాడిన 9 మృతదేహాలు.. వారి పనేనా?

జకాటెకాస్‌: మెక్సికోలోని జకాటెకాస్​ రాష్ట్రంలో గురువారం ఒళ్లు గగుర్పొడిచే దృశ్యం కనిపించింది. ఫ్లైఓవర్​ కింద 9 మృతదేహాలు వేలాడుతూ ఉండటాన్ని కొందరు చూసి భయకంపితులయ్యారు. అధికారులకు సమాచారం అందడంతో వెంటనే అక్కడకు చేరుకొని వాటిని స్వాధీనం చేసుకున్నారు. మరో మృతదేహాన్ని సైతం దూరంగా దారిపక్కన గుర్తించినట్లు తెలిపారు.  ‘మృతదేహాలను మెక్సికో నగరానికి ఉత్తరాన 550 కిలోమీటర్ల దూరంలోని సియుడాడ్​ క్యూటెమోక్​లో గుర్తించాం. పదో మృతదేహం దారి పక్కన కనిపించింది. మృతులంతా పురుషులే’ అని జకాటెకాస్​ రాష్ట్ర పబ్లిక్​ సేఫ్టీ ఏజెన్సీ వెల్లడించింది. రాష్ట్రంలో పట్టు సాధించాలనే ఉద్దేశంతో డ్రగ్స్​ ముఠాలే ఈ పనిచేసినట్లు తెలుస్తోందని అధికారులు అనుమానం వ్యక్తం చేస్తున్నారు.

మత్తు పదార్థాలను సరఫరా చేసే కీలక ప్రాంతంగా జకాటెకాస్‌కు పేరుంది. ముఖ్యంగా శక్తిమంతమైన సింథటిక్​ పెయిన్​కిల్లర్​ ఫెంటనైల్​ వంటి వాటిని అమెరికా సరిహద్దులకు ఇక్కడి నుంచే చేరవేస్తారు. దీంతో ఈ రాష్ట్రంపై పట్టు సాధించేందుకు డ్రగ్స్​ సరఫరా ముఠాలు ప్రయత్నిస్తున్నాయి. ప్రత్యర్థులు, అధికారులు, స్థానికులను భయబ్రాంతులకు గురిచేసేందుకే ఇలా మృతదేహాలను బహిరంగంగా వేలాడదీస్తారని అధికారులు తెలిపారు. డ్రగ్స్‌ ముఠా దాడుల్లో ఈ ఏడాది 25 వేల మంది హత్యకు గురయ్యారని, గతేడాదితో పోల్చితే 3.4 శాతం తక్కువని పేర్కొన్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్