Published : 15/11/2021 12:48 IST

Taliban: అమెరికా ఆయుధాలతో తాలిబన్ల బలప్రదర్శన

ఇంటర్నెట్‌డెస్క్‌: అమెరికా, ఇతరదేశాల దళాలు వదిలేసి వెళ్లిన ఆయుధాలతో తాలిబన్లు ఆదివారం బల ప్రదర్శన నిర్వహించారు.  వీటిల్లో అమెరికా సాయుధ వాహనాలు, రష్యా హెలికాప్టర్లు ఉన్నాయి. ఆగస్టులో పౌర ప్రభుత్వం కుప్పకూలి తాలిబన్లు అధికారంలోకి రావడంతో వారు ఈ ఆయుధాలను స్వాధీనం చేసుకొన్నారు. తాలిబన్‌ దళాల్లో 250 మంది సైనికులు కొత్తగా శిక్షణ పూర్తి చేసుకొన్న సందర్భంగా ఈ కవాతు నిర్వహించారు.

ఈ కవాతులో అమెరికా తయారు చేసిన ఎం117 సాయుధ వాహనాలు, ఎం-17 హెలికాప్టర్లు, అమెరికాలో తయారైన ఎం4 అసాల్ట్‌ తుపాకులు వంటి వాటిని ప్రదర్శించారు. అఫ్గాన్‌ జాతీయ దళాల్లో పనిచేసిన పైలట్లు, మెకానిక్‌లను తాజాగా తమ బలగాల్లో చేర్చుకొంటున్నట్ల తాలిబన్‌ ప్రతినిధి వెల్లడించారు. తాలిబన్లు ఇటీవల మిలటరీ దుస్తులను వాడటం మొదలు పెట్టారు. గతంలో తాలిబన్‌ ఫైటర్లు కేవలం సంప్రదాయ దుస్తుల్లో మాత్రమే కనిపించేవారు.

ఇమ్రాన్‌- పాక్‌ తాలిబన్లకు మధ్యవర్తిగా తాలిబన్లు..!

ఇటీవల పాక్‌ ప్రభుత్వానికి, ఉగ్ర సంస్థ తెహ్రీక్‌ ఈ తాలిబన్‌ పాకిస్థాన్‌ ఉగ్ర సంస్థకు మధ్య అఫ్గాన్‌ తాలిబన్లు మధ్యవర్తిత్వం వహించారు. ఈ విషయాన్ని అఫ్గాన్‌ విదేశాంగ మంత్రి అమిర్‌ కాన్‌ ముత్తాఖీ స్వయంగా తెలిపారు. పాక్‌కు చెందిన జియో టీవీకి  ఇచ్చిన ఇంటర్వ్యూలో ఆయన ఈ విషయాన్ని వెల్లడించారు. తమ పాలసీలో భాగంగా ఈ పనిచేసినట్లు ఆయన పేర్కొన్నారు. త్వరలోనే ఈ చర్చల ఫలాలు అందుబాటులోకి వస్తాయన్నారు. ఈ చర్చలు అఫ్గానిస్థాన్‌ ఇంటీరియర్‌ మినిస్టర్‌ సిరాజుద్దీన్‌ హక్కానీ ఆధ్వర్యంలో దాదాపు రెండు వారాలపాటు జరిగాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని