Published : 28/11/2021 01:27 IST

Drones: ‘పాక్‌ మాదిరి దుశ్చర్యలకు కాదు.. మానవాళి సేవకే మా డ్రోన్లు’

శ్రీనగర్‌: పాకిస్థాన్‌ మాదిరి ఆయుధాలు జారవిడిచి ఉగ్రవాదాన్ని ఎగదోసేందుకు కాకుండ.. మానవాళి సేవ కోసం భారత్‌ తన డ్రోన్‌లను వినియోగిస్తోందని కేంద్ర మంత్రి జితేంద్ర సింగ్‌ వ్యాఖ్యానించారు. ఇవి ‘సంజీవని మూలిక’ల వాహకాలుగా పనిచేస్తున్నాయని, శాంతి సందేశాన్ని చేరవేస్తున్నాయన్నారు. జమ్మూ-కశ్మీర్‌లో అంతర్జాతీయ సరిహద్దు వెంబడి గ్రామాల్లో కొవిడ్‌ టీకాల సరఫరాకు ఏర్పాటు చేసిన యూఏవీని శనివారం ఆయన ప్రారంభించి, మాట్లాడారు. దేశీయంగా అభివృద్ధి చేసిన ఈ మీడియం-క్లాస్ ఆక్టాకాప్టర్ యూఏవీ.. ఇక్కడి సీఎస్‌ఐఆర్‌- ఐఐఐఎంసీ నుంచి మార్హ్‌లోని పీహెచ్‌సీకి టీకా వాయిల్స్‌, సిరంజీలు చేరవేసింది. దేశంలో 100 శాతం వ్యాక్సినేషన్‌ పూర్తికి ఈ తరహా వినూత్న చర్యలు దోహదపడతాయని మంత్రి చెప్పారు. 

అన్ని అనుమతులతోనే..

ఈ జీపీఎస్‌ ఆధారిత గైడెడ్ బియాండ్ విజువల్ లైన్ ఆఫ్ సైట్(బీవీఎల్‌ఓఎస్‌) ఆక్టాకాప్టర్ యూఏవీని కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్(సీఎస్‌ఐఆర్‌)కి చెందిన నేషనల్ ఏరోస్పేస్ లేబొరేటరీస్ (ఎన్‌ఏఎల్‌) అభివృద్ధి చేసింది. ఈ డ్రోన్‌.. 20 కిలోల వరకు బరువు మోయగలదు. స్థానికంగా డ్రోన్‌ల వినియోగం విషయంలో ఆంక్షలపై మంత్రి మాట్లాడుతూ.. అవసరమైన అన్ని అనుమతులు తీసుకున్నందున ఆందోళన చెందాల్సిన అవసరం లేదని చెప్పారు. కొన్నాళ్ల క్రితం పాక్‌వైపు నుంచి ప్రవేశించిన కొన్ని డ్రోన్లు భారత భూభాగంలో దాడులకు పాల్పడటం, ఆయుధాలు జారవిడవడంతో.. స్థానికంగా వీటి అమ్మకాలు, వినియోగం, పరికరాల నిల్వపై అధికారులు నిషేధం విధించిన విషయం తెలిసిందే.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని