Novavax: టీకా సామర్థ్యం 90శాతం..!
అమెరికాకు చెందిన నొవావాక్స్ సంస్థ అభివృద్ధి చేసిన వ్యాక్సిన్ 90శాతం సమర్థత కలిగివుందని వెల్లడించింది.
ప్రయోగ ఫలితాలను వెల్లడించిన నొవావాక్స్
వాషింగ్టన్: కరోనా వైరస్ను ఎదుర్కొనే వ్యాక్సిన్ కోసం ప్రపంచవ్యాప్తంగా ప్రయోగాలు కొనసాగుతూనే ఉన్నాయి. ఇందులో భాగంగా అమెరికాకు చెందిన నొవావాక్స్ సంస్థ అభివృద్ధి చేసిన వ్యాక్సిన్ 90శాతం సమర్థత కలిగివుందని వెల్లడించింది. అమెరికాతో పాటు మెక్సికోలో దాదాపు 30వేల మందిపై జరిపిన ప్రయోగ్రాల సమాచారాన్ని విశ్లేషించిన అనంతరం ఈ ఫలితాలు వచ్చాయని నొవావాక్స్ ప్రకటించింది. ప్రపంచదేశాలను వ్యాక్సిన్ కొరత వేధిస్తోన్న సమయంలో నొవావాక్స్ అందుబాటులోకి రానుండడం ఊరట కలిగించే విషయమని నిపుణులు భావిస్తున్నారు.
ఇతర వ్యాక్సిన్లకు భిన్నంగా..
నొవావాక్స్ రూపొందించిన వ్యాక్సిన్ను అమెరికా, మెక్సికోలో 18ఏళ్ల వయసుపైబడిన 30వేల మంది వాలంటీర్లపై నిర్వహించారు. వీరికి మూడు వారాల గడువులో రెండు డోసులను ఇచ్చి పరీక్షించారు. తుది దశ ప్రయోగాల సమాచారాన్ని పూర్తిగా విశ్లేషించగా 90శాతం సామర్థ్యాన్ని చూపినట్లు నొవావాక్స్ వెల్లడించింది. దీంతో సెప్టెంబర్ నాటికి అమెరికా, యూరప్తోపాటు మరిన్ని దేశాల్లో వ్యాక్సిన్ వినియోగ అనుమతుల కోసం దరఖాస్తు చేసుకుంటామని పేర్కొంది. అప్పటినుంచి నెలకు 10కోట్ల డోసులను అందుబాటులోకి తీసుకువస్తామని తెలిపింది. అంతకుముందు బ్రిటన్, దక్షిణాఫ్రికాలో జరిపిన చిన్నపాటి ప్రయోగాల్లోనూ 89శాతం ప్రభావశీలత కలిగినట్లు తేలింది. అయితే, ఇప్పటివరకు అందుబాటులోకి వచ్చిన వ్యాక్సిన్లకు భిన్న సాంకేతికతతో నొవావాక్స్ వ్యాక్సిన్ను అభివృద్ధి చేశారు. ముఖ్యంగా స్పైక్ ప్రొటీన్ను గుర్తించి, వైరస్పై దాడి చేసేలా శరీరాన్ని సిద్ధం చేసే విధంగా ఈ వ్యాక్సిన్ రూపొందించారు. ఇందుకోసం ల్యాబ్లో అభివృద్ధి చేసిన ప్రొటీన్ కాపీలను వినియోగించారు.
వచ్చే ఏడాది 110కోట్ల డోసులు..
వ్యాక్సిన్ తీసుకున్న తర్వాత కనిపించే దుష్ర్పభావాలు కూడా స్వల్పంగానే ఉన్నట్లు నొవావాక్స్ సీఈఓ స్టాన్లీ ఎర్క్ పేర్కొన్నారు. అంతేకాకుండా బ్రిటన్లో వెలుగు చూసిన కొత్తరకం వైరస్ను నొవావాక్స్ సమర్థవంతంగా ఎదుర్కొంటున్నట్లు తెలిపారు. ఈ వ్యాక్సిన్ను ఎక్కువగా అల్ప, మధ్య ఆదాయ దేశాలకే సరఫరా చేయడమే లక్ష్యమని స్టాన్లీ ఎర్క్ స్పష్టంచేశారు. సెప్టెంబర్ నాటికి నెలకు 10కోట్ల డోసులు తయారు చేస్తామని.. డిసెంబర్ నాటికి ఈ సంఖ్యను 15కోట్లకు పెంచుతామన్నారు. ముఖ్యంగా వచ్చే ఏడాదిలో ప్రపంచ దేశాలకు మొత్తం 110కోట్ల డోసులను అందించేందుకు కట్టుబడి ఉన్నామన్నారు. ప్రపంచ ఆరోగ్య సంస్థ నేతృత్వంలో ఏర్పాటైన కొవాక్స్ కార్యక్రమానికి 35కోట్ల డోసులను అందించేందుకు ఒప్పందం కుదుర్చుకున్నామని స్టాన్లీ ఎర్క్ పేర్కొన్నారు.
భారత్లోనూ భారీ తయారీ..
అమెరికాకు చెందిన నొవావాక్స్ కంపెనీ వ్యాక్సిన్ తయారీని భారీ చేపట్టేందుకు భారత్లోని సీరం ఇన్స్టిట్యూట్తో ఇప్పటికే ఒప్పందం కుదుర్చుకుంది. వ్యాక్సిన్ వినియోగానికి అనుమతి వచ్చిన వెంటనే పెద్ద ఎత్తున తయారుచేసేందుకు సీరం ఇన్స్టిట్యూట్ సిద్ధంగా ఉంది. అయితే, అమెరికా నుంచి వ్యాక్సిన్ ముడి పదార్థాల దిగుమతిలో ఎదురవుతున్న అడ్డంకులు టీకా తయారీకి ఇబ్బందిగా మారుతున్నట్లు సీరం ఇదివరకే అభిప్రాయపడింది.
ఇదిలాఉంటే, అమెరికాలో ఇప్పటికే మూడు వ్యాక్సిన్లు అందుబాటులోకి వచ్చాయి. దీంతో అక్కడ వ్యాక్సిన్లకు డిమాండ్ తగ్గినప్పటికీ ప్రపంచవ్యాప్తంగా చాలా దేశాలను వ్యాక్సిన్ కొరత వేధిస్తోంది. ఇలాంటి సమయంలో సాధారణ ఉష్క్షోగ్రతల వద్ద నిల్వ చేసుకునే వెసులుబాటు ఉండడంతో రానున్న రోజుల్లో వ్యాక్సిన్ కొరతను అధిగమించడంలో తమ టీకా కీలకంగా మారనున్నట్లు నొవావాక్స్ భావిస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
వేసవి రద్దీని తీర్చేందుకు రైల్వేశాఖ సిద్ధమైంది. ఈ సీజన్లో దేశవ్యాప్తంగా 9,111 అదనపు ట్రిప్పులు నడపనున్నట్లు ప్రకటించింది. -
‘సివిల్స్’ టాపర్లకు వచ్చిన మార్కులెన్నో తెలుసా? UPSC పరీక్షల మార్కుల షీట్లు విడుదల
యూనియన్ పబ్లిక్ సర్వీస్ కమిషన్ (యూపీఎస్సీ) నిర్వహించిన సివిల్ సర్వీసెస్ పరీక్ష-2023 ఫలితాల్లో తొలి 10 మంది టాపర్లు సాధించిన మార్కులు ఇవే..
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం