CBSE: ‘సీబీఎస్‌ఈ పరీక్షల్ని ఆన్‌లైన్‌లోనూ నిర్వహించాలి’

కేంద్రమంత్రికి విద్యార్థుల తల్లిదండ్రుల లేఖ

దిల్లీ: ఒమిక్రాన్‌ కేసులు వివిధ దేశాల్లో వెలుగు చూస్తున్న తరుణంలో సీబీఎస్‌ఈ పరీక్షల్ని ఆఫ్‌లైన్‌లో మాత్రమే కాకుండా ఆన్‌లైన్‌లోనూ నిర్వహించేలా బోర్డుకు ఆదేశాలివ్వాలని దాదాపు 8,000 మంది విద్యార్థుల తల్లిదండ్రులు కేంద్ర ప్రభుత్వాన్ని కోరారు. ఈ మేరకు విద్యాశాఖ మంత్రి ధర్మేంద్ర ప్రధాన్‌కు వారు లేఖ రాశారు. ప్రస్తుత పరిస్థితుల్లో ఆన్‌లైన్‌ విధానాన్ని ఎత్తివేయడం విపత్తుకు దారి తీయవచ్చని ఆందోళన వ్యక్తంచేశారు. ‘ఇప్పటివరకు విద్యార్థులకు వ్యాక్సిన్లు ఇవ్వలేదు. తల్లిదండ్రుల అనుమతి ఉంటేనే విద్యార్థులు తరగతులకు హాజరు కావాలని నిర్ణయించి, అదే సూత్రాన్ని పరీక్షలకు వర్తింపజేయకపోవడం ఏకపక్షంగా ఉంది. ఇది కొవిడ్‌ నిబంధనలకు విరుద్ధం’ అని లేఖలో తెలిపార