Updated : 25/09/2021 12:22 IST

women police: మహిళా కానిస్టేబుళ్ల పని గంటల తగ్గింపు

ముంబయి: ఎంత లాఠీ చేతబట్టి ఖాకీ దుస్తుల్లోకి మారినా.. ‘ఇంటికి దీపం ఇల్లాలే’ అనే నానుడి మహిళా పోలీసులకు కూడా వర్తిస్తుందని మహారాష్ట్ర పోలీసు విభాగం గుర్తించింది. వృత్తి జీవితాన్ని, ఇంటి బాధ్యతలను సమతుల్యం చేసుకునేలా మహిళా కానిస్టేబుళ్ల పనివేళలను 12 నుంచి 8 గంటలకు తగ్గిస్తూ ఆదేశాలు జారీ చేశారు. రాష్ట్రంలోని నాగ్‌పుర్, అమరావతి నగరాలతోపాటు పుణె గ్రామీణ విభాగంలో గత నెల ప్రయోగాత్మకంగా అమలుచేసిన ఈ నూతన విధానాన్ని రాష్ట్రమంతా పాటించేలా డీజీపీ సంజయ్‌ పాండే ఆమోదం తెలిపారు. పోలీసు విభాగంలో పనిచేస్తున్నప్పటికీ మహిళా కానిస్టేబుళ్లకు ఇంటిపరంగా ఎన్నో ఒత్తిళ్లు ఉంటాయి. ఈ విషయాన్ని దృష్టిలో పెట్టుకొని నెలరోజుల కిందట తాము ప్రయోగాత్మకంగా ఆచరణలో పెట్టిన ఆలోచనకు పెద్దఎత్తున స్పందన వచ్చినట్లు ఓ అధికారి శుక్రవారం వెల్లడించారు. ఈ విధానానికి నాగ్‌పుర్‌ పోలీస్‌ కమిషనర్‌ అమితేశ్‌ కుమార్‌ మొట్టమొదటిసారి ఆగస్టు 28న శ్రీకారం చుట్టారు. వెసులుబాటు కల్పించాక మహిళా కానిస్టేబుళ్లు తమ పిల్లలకు, కుటుంబసభ్యులకు కొంత సమయం ఇవ్వగలుగుతున్నట్లు అధికారి వెల్లడించారు. పైగా పనిగంటలు తగ్గించాక మహిళా కానిస్టేబుళ్లు ఎలాంటి ఒత్తిడి లేకుండా విధి నిర్వహణలో పాల్గొంటున్నారని అమరావతి నగర పోలీస్‌ కమిషనర్‌ ఆర్తీసింగ్‌ తెలిపారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని