కేరళలో గృహహింసపై ఫిర్యాదుకు వాట్సాప్‌ నంబరు

తిరువనంతపురం : దేశవ్యాప్త లాక్‌డౌన్‌ నేపథ్యంలో గృహహింసపై ఫిర్యాదు చేసేందుకు కేరళ ప్రభుత్వం వాట్సాప్‌ నంబరును ఏర్పాటు చేసింది. లాక్‌డౌన్‌ కారణంగా గృహహింస కేసులు పెరుగుతున్నందున నివారణ చర్యలు తీసుకోవాలని సామాజిక న్యాయ విభాగం కేరళ ప్రభుత్వాన్నికోరింది. స్త్ర్రీ, శిశు సంక్షేమ శాఖ ఆధ్వర్యంలో నిర్వహించే ఈ వాట్సాప్‌ నంబర్‌ 24 గంటలు అందుబాటులో ఉంటుందని ముఖ్యమంత్రి  పినరయ్‌ విజయన్‌ తెలిపారు. ఈ నంబరుతోపాటు బాలల సంబంధిత ఫిర్యాదు నంబరు, స్త్ర్రీలకు సంబంధించి ఫిర్యాదులు చూసే ఇతర విభాగాలకైనా ఫోన్‌ చేయవచ్చని  ప్రభుత్వం తెలిపింది. గృహహింస కేసుల కోసం జాతీయ మహిళా కమిషన్ కూడా వాట్సాప్‌ నంబరును ఏర్పాటు చేసింది.  మార్చి 23 నుంచి ఈ నెల 10 వరకు 123 గృహహింస కేసులు జాతీయ మహిళా కమిషన్‌ దృష్టికి వచ్చినట్లు అధికారులు తెలిపారు.