Published : 28/02/2020 14:04 IST

‘ఈశాన్య దిల్లీలో సాధారణ పరిస్థితులు’

ప్రభావిత ప్రాంతంలో పర్యటించిన జాయింట్‌ కమిషనర్‌

దిల్లీ: ఈశాన్య దిల్లీలో దాదాపు అన్ని ప్రాంతాల్లో సాధారణ పరిస్థితులు నెలకొన్నాయని జాయింట్‌ కమిషనర్‌ ఓ.పి.మిశ్రా తెలిపారు. ఈరోజు ఆయన ఘర్షణల ప్రభావం అధికంగా ఉన్న చాంద్‌బాద్‌ ప్రాంతంలో సందర్శించారు. చాలా ప్రాంతాల్లో దుకాణాలు, ఇతర కార్యాలయాలు తెరుచుకుంటున్నాయని వెల్లడించారు. గురువారం నుంచే పరిస్థితులు అదుపులోకి వచ్చాయన్నారు. గత రెండు రోజులుగా చోటుచేసుకున్న పరిణామాల నేపథ్యంలో ప్రజలు తీవ్ర ఇబ్బందులు ఎదుర్కొన్నారన్నారు. స్థానిక ప్రజాసంఘాలతో చర్చలు జరిపామని.. వారికున్న భయాలన్నింటినీ తొలగించామన్నారు. శుక్రవారం ప్రార్థనల నేపథ్యంలో ఎలాంటి అవాంఛనీయ ఘటనలు చోటుచేసుకోకుండా కట్టుదిట్టమైన భద్రతా ఏర్పాట్లు చేశామన్నారు. గత రెండు రోజులుగా ఈశాన్య దిల్లీలో జరుగుతున్న ఘర్షణల్లో 38 మంది మృతిచెందిన విషయం తెలిసిందే. మరో 200 మంది గాయపడ్డట్లు సమాచారం. మరోవైపు దిల్లీ పోలీసు కమిషనర్‌గా ఎస్‌.ఎన్‌.శ్రీవాస్తవకు అదనపు బాధ్యతలు అప్పగించడం ప్రాధాన్యం సంతరించుకుంది.   

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని