Updated : 27/02/2020 17:24 IST

దిల్లీ ఘటనలు: సీబీఎస్‌ఈ పరీక్షలు వాయిదా

దిల్లీ: హింసాత్మక ఘటనలు చోటుచేసుకున్న ఈశాన్య దిల్లీ, తూర్పు దిల్లీలోని కొన్ని ప్రాంతాల్లో ఫిబ్రవరి 28, 29న జరిగే 10, 12వ తరగతి పరీక్షలను వాయిదా వేసినట్లు సీబీఎస్‌ఈ గురువారం ప్రకటించింది. విద్యార్థులు, ఉపాధ్యాయులకు ఎలాంటి అసౌకర్యం కలగకుండా ఉండేందుకు ఈ నిర్ణయం తీసుకున్నట్లు బోర్డు సెక్రటరీ అనురాగ్‌ త్రిపాఠి తెలిపారు. ఈ పరీక్షల పునఃనిర్వహణకు త్వరలోనే షెడ్యూల్‌ విడుదల చేస్తామని వెల్లడించారు. అయితే దిల్లీలోని ఇతర కేంద్రాల్లో జరిగే పరీక్షలను మాత్రం వాయిదా వేయడం లేదని, అవి షెడ్యూల్‌ ప్రకారం జరుగుతాయని చెప్పారు. అంతేగాక, మార్చి 2 నుంచి జరిగే పరీక్షలు దిల్లీ వ్యాప్తంగా అన్ని పరీక్షాకేంద్రాల్లో యథావిధిగా కొనసాగుతాయని స్పష్టం చేశారు. 

అంతేగాక, ఈశాన్య దిల్లీ ఘర్షణల కారణంగా దేశ రాజధానిలోని ఇతర ప్రాంతాల్లో పరీక్షలకు హాజరుకాలేకపోయిన విద్యార్థులకు మళ్లీ పరీక్షలు నిర్వహిస్తామని బోర్డు ప్రకటించింది. ఇందుకోసం స్కూల్‌ యాజమాన్యాల నుంచి సమాచారం కోరింది. ‘అల్లర్ల పరిస్థితుల కారణంగా పరీక్షలకు హాజరుకాలేకపోయిన 10, 12వ తరగతి విద్యార్థుల వివరాలు ఇవ్వాలని స్కూల్‌ ప్రిన్సిపల్స్‌ను అడిగాం. విద్యార్థులపై ఒత్తిడి తగ్గించేందుకు వారికి మళ్లీ పరీక్షలు నిర్వహిస్తాం. త్వరలోనే కొత్త తేదీలు ప్రకటిస్తాం’ అని  వెల్లడించారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని