Published : 12/02/2020 16:54 IST

రోజుకూలీ.. ఒక్కరోజులో కోటీశ్వరుడయ్యాడు!

కన్నూర్‌: అతడో రోజువారీ కూలీ. పనిచేస్తే గానీ పూటగడవదు. అయితేనేం అతడి కష్టాలను గట్టెక్కించేందుకు అదృష్టం లాటరీ రూపంలో తలుపుతట్టింది. రాత్రికి రాత్రే కోటీశ్వరుడిని చేసింది. కేరళకు చెందిన ఓ రోజు కూలీ లాటరీలో రూ. 12కోట్లు గెలుచుకున్నాడు. 

కేరళలోని కన్నూర్‌ జిల్లా పురలిమాలా కురిచియా కాలనీకి చెందిన 55 ఏళ్ల పొరున్నన్‌ రాజన్‌ దినసరి కూలీ. రెక్కడాడితే గానీ డొక్కాడదు. అవసరం కోసం అప్పులు తప్పలేదు. అలా మూడు వారాల క్రితం ఓ రోజు రాజన్‌ రుణం కోసం వెళ్తుండగా మార్గమధ్యంలో లాటరీ టికెట్‌ సేల్ ఆకర్షించింది. అదృష్టంపై నమ్మకం లేకపోయినా ఎక్కడో ఓ ఆశ టికెట్‌ కొనాలని ప్రేరేపించింది. అలా రూ.300 పెట్టి క్రిస్మస్‌-న్యూఇయర్‌ బంపర్‌ లాటరీ టికెట్‌ కొన్నాడు. అంత ఖరీదు పెట్టి లాటరీ కొన్నానని చెబితే ఇంట్లో వారు ఏమంటారోనని ఎవరికీ చెప్పలేదు. 

గత సోమవారం ఈ లాటరీ విజేతలను సదరు ఏజెన్సీ సంస్థ ప్రకటించగా.. అందులో రాజన్‌ కొన్న టికెట్‌కు బంపర్‌ ఆఫర్‌ తగలింది. ఈ లాటరీలో అతడు ఏకంగా రూ. 12కోట్లు గెలుచుకున్నాడు. దీంతో అతడి ఆనందానికి అవధులు లేకుండా పోయాయ్‌. ‘లాటరీ గెలుస్తానని కలలో కూడా అనుకోలేదు. ఈ డబ్బుతో ఇప్పుడు నా అప్పులన్నీ తీరుతాయి. మంచి ఇల్లు కూడా కట్టుకోవచ్చు. నా కూతుర్ని పై చదువులు చదివించొచ్చు’ అని సంతోషంగా చెబుతున్నాడు రాజన్‌.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని