Updated : 21/03/2021 11:36 IST

మహారాష్ట్ర హోంమంత్రిపై సంచలన ఆరోపణలు!

సీఎం ఉద్ధవ్‌కు ముంబయి మాజీ కమిషనర్‌ లేఖ

ముంబయి: మహారాష్ట్ర రాజకీయాల్లో కలకలం రేగింది. రాష్ట్ర హోంమంత్రి, ఎన్సీపీ నేత అనిల్‌ దేశ్‌ముఖ్‌పై ముంబయి మాజీ కమిషనర్‌ పరంబీర్‌ సింగ్‌ సంచలన ఆరోపణలు చేశారు. అంబానీ ఇంటి వద్ద పేలుడు పదార్థాల వ్యవహారంలో అరెస్టెయిన వాజేను నెలకు ₹100 కోట్లు వసూలు చేయాలని ఆయన సూచించారంటూ సీఎం ఉద్ధవ్‌ ఠాక్రేకు పరంబీర్‌ సింగ్‌ లేఖ రాశారు. అంబానీ కేసులో విచారణ సరిగా చేపట్టని కారణంగా బదిలీ అయిన కొద్ది రోజులకే ఆయన ఈ ఆరోపణలు చేయడం గమనార్హం.

ముంబయి క్రైమ్‌ ఇంటిలిజెన్స్‌ యూనిట్‌ హెడ్‌గా ఉన్న వాజేను హోంమంత్రి అనిల్‌ దేశ్‌ముఖ్‌ కొన్ని నెలలుగా పలుమార్లు తన నివాసానికి పిలిపించుకున్నారని పరంబీర్‌ తన లేఖలో పేర్కొన్నారు. తన కోసం నిధులు తీసుకురావాలని ఒత్తిడి తెచ్చారని పేర్కొన్నారు. నెలకు రూ.100 కోట్లు వసూలు చేయాలని లక్ష్యాన్ని నిర్దేశించారని తెలిపారు. ఆ సమయంలో మంత్రి వ్యక్తిగత సిబ్బంది కూడా ఉన్నారని తన లేఖలో పరంబీర్‌ పేర్కొన్నారు. ఈ ఆరోపణలపై సీఎం, హోంమంత్రి ఏవిధంగా స్పందిస్తారనేది ఆసక్తికరంగా మారింది.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని