Updated : 28/04/2021 12:38 IST

Sputnik V: బ్రెజిల్‌లో అనుమతి నిరాకరణ

వ్యాక్సిన్‌పై రష్యా తప్పుడు సమాచారం ఇచ్చిందని ఆరోపణ

బ్రెసీలియా: కరోనాతో అల్లాడుతున్న బ్రెజిల్‌ రక్షణ పరమైన కారణాలు చూపుతూ తమ దేశంలో రష్యా తయారీ స్పుత్నిక్‌-వి (Sputnik V) టీకా వినియోగానికి అనుమతి నిరాకరించింది. బ్రెజిల్‌లో అనేక రాష్ట్రాలు మహమ్మారితో అల్లాడుతుండగా దాదాపు మూడు కోట్ల స్పుత్నిక్‌ వ్యాక్సిన్లు తెప్పించుకునేందుకు విజ్ఞప్తులు పెట్టుకున్నాయి. ఈ క్రమంలో స్పుత్నిక్‌ వ్యాక్సిన్‌ వినియోగానికి అనుమతుల విషయమై సమావేశమైన ఐదుగురు నిపుణుల బృందం అందుకు నిరాకరించింది. Corona Vaccine తయారీలో నిబంధనలు ఉల్లంఘించడం సహా తప్పుడు సమాచారాన్ని అందించారని బ్రెజిల్‌ ఔషధ నియంత్రణ సంస్థ ఆరోపించింది. స్పుత్నిక్‌-వి తయారీ కోసం వినియోగించిన అడినో వైరస్‌ టీకా తీసుకున్నవారిలో జ్వరం వంటి దుష్ప్రభావాలు కనిపించడం సహా కొన్నిసార్లు ప్రాణాలు కూడా పోతున్నాయని బ్రెజిల్‌ ఔషధ నియంత్రణ సంస్థ ఆరోపించింది. 

బ్రెజిల్ ఆరోపణలపై రష్యా మండిపడింది. టీకాలో వినియోగించిన అడినో వైరస్‌ కారణంగా టీకా తీసుకున్నవారు దుష్ప్రభావాల బారిన పడిన దాఖలాలు ఏమీ లేవని స్పష్టం చేసింది. బ్రెజిల్‌తో సంప్రదింపులు కొనసాగుతాయన్న రష్యా..  ఆ దేశం కోరిన సమాచారం ఇచ్చేందుకు సిద్ధంగా ఉన్నట్లు వెల్లడించింది. గతంలోనూ బ్రెజిల్‌ అధ్యక్షుడు బోల్సొనారో (Jair Bolsonaro) టీకాలకు వ్యతిరేకంగా అనేక వ్యాఖ్యలు చేశారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని