Published : 05/07/2021 17:22 IST

Biden: వైరస్‌ నుంచి స్వాతంత్ర్యం వచ్చింది

కానీ పోరాటం ఆపొద్దన్న అగ్రరాజ్యం అధ్యక్షుడు

వాషింగ్టన్‌: యావత్ ప్రపంచాన్ని వణికిస్తున్న కరోనా వైరస్‌పై విజయానికి చేరువయ్యామని అమెరికా అధ్యక్షుడు జో బైడెన్ ప్రకటించారు. ఆదివారం అమెరికా స్వాతంత్ర్య వేడుకలను పురస్కరించుకొని శ్వేతసౌధంలో సుమారు వెయ్యి మందికి ఆయన విందు ఇచ్చారు. ఈ సందర్భంగా బాణసంచా వెలుగులను ఆయన కుటుంబసభ్యులతో కలిసి తిలకించారు. కొవిడ్ నుంచి క్రమంగా బయటపడుతున్నామని.. స్వాతంత్ర్య వేడుకలను అమెరికా ప్రజలంతా ఘనంగా జరుపుకోవాలని ఆయన పిలుపునిచ్చారు. కరోనా వైరస్‌ నుంచి స్వాతంత్ర్యం వచ్చిందనే ఇతివృత్తంతో ఈ వేడుకలు నిర్వహించాలని పేర్కొన్నారు.

ఇదే సమయంలో.. కొవిడ్‌ను పూర్తిగా అధిగమించలేదని, నిబంధనలను కచ్చితంగా పాటించాలని సూచించారు. కరోనా వైరస్ రూపాంతరం చెందుతూనే ఉందని గుర్తుచేసిన అమెరికా అధ్యక్షుడు.. డెల్టా వేరియంట్ వంటి శక్తిమంతమైన రకాలు పుట్టుకొస్తున్నాయని గుర్తుచేశారు. వైరస్‌పై పోరాటం ఆపొద్దని పేర్కొన్నారు. వ్యాక్సిన్లు తీసుకోనివారే వైరస్‌ కారణంగా ప్రాణాలు కోల్పోతున్నారని నిపుణులు చెబుతుండగా, టీకా తీసుకునేందుకు ప్రజలంతా ధైర్యంగా ముందుకురావాలని బైడెన్ సూచించారు.

స్వాతంత్ర్య దినోత్సవం నాటికి అమెరికాలో కనీసం 70 శాతం మందికి టీకా ఒక్క డోసైనా ఇవ్వాలని బైడెన్‌ సర్కారు లక్ష్యంగా పెట్టుకుంది. స్వాంతంత్ర్య దినోత్సవం నాటికి ఆ లక్ష్యానికి దాదాపు చేరువైంది. ఆదివారం నాటికి 67 శాతం మంది ప్రజలు కనీసం టీకా ఒక్క డోసు తీసుకున్నట్లు సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) వెల్లడించింది.

వేగవంతమైన వ్యాక్సినేషన్‌ ప్రక్రియతో అగ్రరాజ్యంలో కరోనా తీవ్రత తగ్గుముఖం పట్టింది. గతంలో మృతుల సంఖ్య రోజూ వేలల్లో నమోదవ్వగా.. ప్రస్తుతం తగ్గుతూ వస్తోంది. ఇప్పుడు మరణాల సంఖ్య 200లోపే ఉంటోంది. అమెరికాలో ఇప్పటివరకు 33 మిలియన్ల మంది వైరస్‌ బారిన పడ్డారు. ప్రపంచవ్యాప్తంగా అత్యధికంగా.. అమెరికాలో 6,05,000 మందికి పైగా మృతిచెందినట్లు జాన్‌ హోప్కిన్స్ యూనివర్సిటీ వెల్లడించింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని