Published : 16/06/2021 20:32 IST

Tamilnadu: కొవిడ్‌తో మరో సింహం మృతి

చెన్నై: తమిళనాడులోని వండలూర్‌ జూలో కొద్దిరోజుల క్రితం కరోనా లక్షణాలతో ఓ సింహం మృతిచెందగా.. అదే జూలో తాజాగా మరో సింహం కరోనాతో మృతిచెందడం కలకలం రేపింది. జూలోని పద్మనాథన్‌ అనే 12 ఏళ్ల సింహం కొవిడ్‌తో ప్రాణాలు విడిచింది. జూన్‌ 3న ఆ సింహానికి కొవిడ్‌ సోకిందని, చికిత్స అందిస్తున్న క్రమంలో బుధవారం ఉదయం 10.15 గంటలకు మృతిచెందినట్లు జూ అధికారులు ఓ ప్రకటనలో తెలిపారు. ‘అనారోగ్యంతో ఉన్న ఆ సింహం నుంచి సేకరించిన నమూనాను భోపాల్‌లోని నేషనల్ ఇన్‌స్టిట్యూట్ ఆఫ్ హై సెక్యూరిటీ యానిమల్ డిసీజ్‌ సెంటర్‌ (ఎన్‌ఐహెచ్‌ఎస్‌ఏడీ)కు పంపించాం. కాగా ఆ సింహానికి కరోనా సోకినట్లు జూన్‌ 6న ఎన్‌ఐహెచ్‌ఎస్‌ఏడీ వెల్లడించింది. అప్పటి నుంచి దానికి వైద్యుల పర్యవేక్షణలో ప్రత్యేకంగా చికిత్స అందిస్తున్నాం’ అని ఆ ప్రకటనలో వెల్లడించారు. 

కొవిడ్‌తో మృతిచెందిన రెండో సింహం ఇది. జూన్‌ 3న తొమ్మిదేళ్ల మగ సింహం కొవిడ్‌ లక్షణాలతో మరణించింది. దీంతో ఆ జూలో ఉన్న మరో 11 సింహాల నమూనాలను సేకరించి ఎన్‌ఐహెచ్‌ఎస్‌ఏడీకు తరలించగా వాటిలో తొమ్మిదింటికి పాజిటివ్‌గా నిర్ధరణ అయ్యింది. విషయం తెలుసుకున్న ఆ రాష్ట్ర ముఖ్యమంత్రి ఎంకే స్టాలిన్‌ జూ వద్దకు చేరుకొని పరిస్థితులను సమీక్షించారు. సింహాలకు మెరుగైన వైద్యం అందించాలని అధికారులకు సూచించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని