Published : 21/07/2020 23:14 IST

చైనా యాప్‌లపై నిషేధం.. కేంద్రం హెచ్చరికలు

దిల్లీ: చైనాకు చెందిన 59 యాప్‌లపై విధించిన నిషేధాజ్ఞలను కచ్చితంగా పాటించాలని కేంద్రం ఆదేశించింది. ఉల్లంఘనలకు పాల్పడితే కఠిన చర్యలు తప్పవని మంగళవారం ఆయా సంస్థలను హెచ్చరించింది. నిషేధించిన యాప్‌ల లభ్యత, వినియోగం చట్టవిరుద్ధమని, సమాచార సాంకేతిక చట్టం ప్రకారం జరిమానాకు అర్హులని ఆయా సంస్థలకు తెలిపింది. యాప్‌లపై నిషేధం దేశ సార్వభౌమాధికారంతో ముడిపడి ఉందని, ప్రభుత్వ ఉత్తర్వులు కచ్చితత్వంతో పాటించాలని స్పష్టం చేసింది. నిషేధిత జాబితాలోని యాప్‌లు ప్రత్యక్షంగా లేదా పరోక్షంగా కానీ దేశంలో అందుబాటులో ఉన్నట్లు తేలితే కఠిన చర్యలు తప్పవని ఓ ప్రభుత్వ ఉన్నతాధికారి వెల్లడించారు. ఆయా సంస్థలన్నీ మంత్రిత్వ శాఖ ఆదేశాలను పాటించాలని వెల్లడించారు. భారత్‌- చైనా సరిహద్దులో గల్వాన్‌ లోయ వద్ద భారత సైనికులపై చైనా సైన్యం దాడిని నిరసిస్తూ జూన్‌ 29న చైనాకు చెందిన టిక్‌టాక్‌, యూసీ బ్రౌజర్‌ సహా 59 యాప్‌లను భారత్‌ నిషేధించిన సంగతి తెలిసిందే.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని