Published : 31/05/2021 12:34 IST

Coronavirus: కొవిడ్‌కు ‘విశ్వాస’ పరీక్ష! 

సుశిక్షిత శునకాలతో వైరస్‌ను పసిగట్టొచ్చు

లండన్‌: విశ్వాసానికి మారుపేరైన శునకాలు.. వాసన చూసి నిందితులు, ఆయుధాలు, బాంబుల జాడను పసిగట్టడంతో సాయం చేస్తున్నాయి. అలాగే కొవిడ్‌-19 బాధితులనూ ఇవి గుర్తించగలవని బ్రిటన్‌ శాస్త్రవేత్తలు తేల్చారు. కరోనా సోకిన వ్యక్తుల నుంచి ఒకరకం వాసన వస్తుందని, దాన్ని అత్యంత కచ్చితత్వంతో ఈ శునకాలు పట్టుకోగలవని వారు పేర్కొన్నారు. లండన్‌ స్కూల్‌ ఆఫ్‌ హైజీన్‌ అండ్‌ ట్రాపికల్‌ మెడిసిన్‌ (ఎల్‌ఎస్‌హెచ్‌టీఎం) శాస్త్రవేత్తలు.. మెడికల్‌ డిటెక్షన్‌ డాగ్స్‌ అనే స్వచ్ఛంద సంస్థ, దర్హామ్‌ విశ్వవిద్యాలయంతో కలిసి ఈ పరిశోధనను నిర్వహించారు. కొవిడ్‌ నిర్ధారణలో శునకాల సామర్థ్యంపై జరిగిన అత్యంత సవివర పరిశోధన ఇదేనని వారు తెలిపారు. పరిశోధనలో భాగంగా కొవిడ్‌ బాధితుల మాస్కులు, సాక్స్, టి-షర్టుల సాయంతో వారి శరీర వాసనలపై కొన్ని శునకాలకు శిక్షణ ఇచ్చారు. కొవిడ్‌ నెగిటివ్‌గా తేలిన వారి నుంచి సేకరించిన నమూనాలపైనా తర్ఫీదు ఇచ్చారు. ఈ శిక్షణ కొన్ని వారాల పాటు సాగింది. అనంతరం ఈ జాగిలాలు చాలా వేగంగా కొవిడ్‌ జాడను పట్టేశాయని శాస్త్రవేత్తలు తేల్చారు. ఈ విషయంలో అవి 94.3 శాతం సున్నితత్వాన్ని, 92 శాతం నిర్దిష్టతను ప్రదర్శించాయని వారు పేర్కొన్నారు. వ్యాధి లక్షణాలు లేని కొవిడ్‌ బాధితులనూ ఇవి గుర్తించగలవని తెలిపారు. రెండు భిన్న రకాల కరోనా వైరస్‌ బారినపడివారిని, అధిక, తక్కువ వైరల్‌ లోడు కలిగిన వారినీ పసిగట్టేస్తాయని చెప్పారు. ల్యాబ్‌ పరిస్థితుల్లో చూపిన సత్తాను ఇవి వాస్తవ ప్రపంచంలోనూ చాటగలవా అన్నదానిపై మరింత పరిశోధన అవసరమని పేర్కొన్నారు.  

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని